7 Ane’ni leeliteexxe tenne lummolama yaanenaa’ni kexxexxa ifisada’benosha; maala anka utetishsha otaaki uchchi an’a uwwemeeni. Kunni uchchinna durriisinke eriganjo kadeexxi ane’e ganaa’ni ifisadabe’nosha asa’neeni. 8 Tinni ane’ni wixxixxe assitaaxxi yaane anenaa’ni kexxaashsha Gootta sasele kadhdhatenneni. 9 Isi kinni ane’e, «Anxi hunna ati’a leelitaaki atixxe gonphphente kademaxxe badhdhaadhi anki ate’e geyyedhdheni» hiyye. Tennexxee Kiristoosixxi hunna ane’ni hexxashsha feetexxe yaane irra gonphe anxe’ni gammada’ni ifisaadano. 10 Ani hunna afanolchchi ani ifi gophano woddate kademaxxe Kiristoosixxe elo’ano wodda, yowemanno wodda, wixixxiyano wodda, rakkatano wodda gamadannon.