Hebreus 1

Mageniink Belti Ergannatenaa’n Caalaaxxa

1 Mageni olminaa’n safeexxi gargar hexxeexxe yannuwa’ninna gargar hedheeke oruwwinni wabeekoti darree’n annuwwa no’oke’n haaso’eexxi, 2 ta’a konne udumike baro’n kinni duuchchiinxa yaane dhaalaashsha asseekenna isi darree’n duuchchiinxa yaane dade’eeke ifike beltonni no’o’n haaso’e. 3 Isi Magniinke ulfinna ifisaakenna isike adabixxe kuta kadeexxi, ifike lumoke hiyyichchinni duuchchiinxa yaane kiphe abide’een. Manjiinxa cubbo luqqi asseechchi uduma iimate’n Lumoke Magnike midda’n offo’le.