സദൃശവാക്യങ്ങൾ 5

3 പരസ്ത്രീയുടെ അധരങ്ങളിൽനിന്ന് തേൻ ഇറ്റിറ്റ് വീഴുന്നു;

അവളുടെ അണ്ണാക്ക് എണ്ണയെക്കാൾ മൃദുവാകുന്നു.

4 പിന്നീട് അവൾ കാഞ്ഞിരംപോലെ കയ്പും

ഇരുവായ്ത്തലവാൾപോലെ മൂർച്ചയും ഉള്ളവൾ തന്നെ.

5 അവളുടെ കാലുകൾ മരണത്തിലേക്ക് ഇറങ്ങിച്ചെല്ലുന്നു;

അവളുടെ കാലടികൾ പാതാളത്തിലേക്ക് ഓടുന്നു.

6 ജീവന്‍റെ മാർഗ്ഗത്തിൽ ചെല്ലാത്തവിധം

അവളുടെ പാതകൾ അസ്ഥിരമായിരിക്കുന്നു; അവൾ അത് അറിയുന്നതുമില്ല.

7 ആകയാൽ മക്കളേ, എന്‍റെ വാക്ക് കേൾക്കുവിൻ;

എന്‍റെ വായിലെ മൊഴികൾ വിട്ടുമാറരുത്.

8 നിന്‍റെ വഴി അവളിൽ നിന്ന് അകറ്റുക;

അവളുടെ വീടിന്‍റെ വാതിലിനോട് അടുക്കരുത്.

9 നിന്‍റെ യൗവനശക്തി അന്യന്മാർക്കും

നിന്‍റെ ആണ്ടുകൾ ക്രൂരനും കൊടുക്കരുത്.