1 ଆସିଲୁନ୍ ଆ ମନ୍‌ରାଜି ଆଞୁମ୍‌ ଅକେନ୍, ଅକଲିଅନ୍‌ ଆଡାଙ୍ଗାଡ଼ାଅନ୍‌ ନିମିଆ ରାଜ୍ୟପାଡ଼ନ୍‌ ଡ ସିଦିକିଅନ୍‌; 2 ସରାୟନ୍‌, ଅସରିଅନ୍‌, ଜିରିମିଅନ୍‌; 3 ପସ୍‌ଉରନ୍‌, ଅମରିଅନ୍‌, ମଲ୍‌କିଅନ୍‌; 4 ଅଟୁସନ୍‌, ସବନିଅନ୍‌, ମଲୁକନ୍‌; 5 ଆରିମନ୍‌, ମରେମୋତନ୍‌, ଓବଦିଅନ୍‌; 6 ଦାନିଏଲନ୍‌, ଗିନତୋନ୍‌, ବାରୁକନ୍‌; 7 ମସୁଲମନ୍‌, ଅବିଅନ୍‌, ମିଆମିନ୍‌ । 8 ମାସିଅନ୍‌, ବିଲ୍‌ଗୟନ୍‌, ସମଇଅନ୍‌, କେନ୍‌ ଆନିଞ୍ଜି ରାଓଡ଼ା ଡକୋଏଞ୍ଜି । 9 ଆରି ଲେବିଅଞ୍ଜି ଆଞୁମ୍ କେନ୍, ଅସନିଅନ୍ ଆଡାଙ୍ଗଡ଼ାଅନ୍‌ ଜେସୁଅନ୍; ଏନାଦଦରନ୍‌ ଆଡାଙ୍ଗଡ଼ାଅନ୍‌ଜି ଆମଙ୍‌ଲୋଙ୍ ସିଲଡ୍‌ ବିନୁୟିନ୍‌ ଡ କଦ୍‌ମିଏଲନ୍ । 10 ଆରି ଆବନୋଞାଙଞ୍ଜି, ସବନିଅନ୍, ଉଦିଅନ୍, କଲିଟନ୍, ପଲାୟନ୍, ଆନନ୍‌, 11 ମିକାନ୍, ରଓବନ୍‌, ଅସବିଅନ୍; 12 ସକ୍କୁରନ୍‌, ସେରେବିଅନ୍‌, ସବନିଅନ୍; 13 ଉଦିଅନ୍, ବାନି, ବନିନୁନ୍ । 14 ମନ୍‌ରାଞ୍ଜି ଆମଙ୍‌ଲୋଙ୍ ଆମ୍ମୁଙ୍‌ଗଡ୍‌ମରଞ୍ଜି ଆଞୁମ୍ କେନ୍, ପରିଓସନ୍, ପତ-ମୋଯାବନ୍‌, ଏଲମନ୍, ସତ୍ତୁନ୍, ବାନିନ୍; 15 ବୁନ୍ନି, ଅସ୍‌ଗଦନ୍, ବେବୟନ୍‌; 16 ଅଦୋନିଅନ୍, ବିଗ୍‌ବୟନ୍‌, ଆଦିନନ୍; 17 ଆଟେରନ୍, ଇଜକିଅନ୍, ଅସୁରନ୍; 18 ଉଦିଅନ୍, ଅସୁମନ୍‌, ବେତ୍‌ସୟନ୍‌, 19 ଆରିପନ୍, ଅନାତୋତନ୍, ନୋବୟନ୍; 20 ମଗ୍‌ପିଅସନ୍, ମସୁଲମନ୍, ଏସିରନ୍; 21 ମସେସବେଲନ୍, ସାଦୋକନ୍, ଜଦୁଅନ୍; 22 ପଲଟିଅନ୍, ଆନନ୍‌, ଅନାୟନ୍; 23 ଓସିଅନ୍, ଅନାନିଅନ୍‌, ଅସୁବନ୍; 24 ଅଲୋଏସନ୍‌, ପିଲଅନ୍, ସୋବେକନ୍; 25 ରଉମନ୍‌, ଅସବ୍‌ନାନ୍, ମାସେଅନ୍, 26 ଆରି, ଅଇୟନ୍, ଆନନ୍‌, ଅନାନ୍; 27 ମଲୁକନ୍, ଆରିମନ୍, ବାନାନ୍‌ ।

28 ଆରି ଲଙ୍‌ଲେଡ୍‌ ମନ୍‌ରାନ୍‌, ରାଓଡ଼ାଞ୍ଜି, ଲେବିୟଞ୍ଜି, ଜଗେସିଙ୍‌ ମର୍ରଞ୍ଜି, କନନ୍‌ମର୍ରଞ୍ଜି, ନତିନିଏଲ୍‌ମର୍ରଞ୍ଜି ଡ ଅଡ଼୍‌କୋନ୍‌ ଆଡେସା ଆକେଜ୍ଜାମର୍ରଜି ସିଲଡ୍‌ ରମ୍ମଙ୍‌ ଆନାଲନ୍‌ ଇସ୍ୱରନ୍‌ ଆବନାୟ୍‌ ଆମଙ୍‌ଗଡ୍‌ ଡେଲଜି, ଆନିଞ୍ଜି ଆଡୁକିରିଞ୍ଜି, ଆ ଆନିଞ୍ଜି,ଆଡାଙ୍ଗିଡ଼ିଅନଞ୍ଜି, ଅଡ଼େ ଅଡ଼୍‌କୋ ବୁଡିନ୍‌ ଡ ଜନାମରଞ୍ଜି; 29 ଆମ୍ବେନ୍‌ ଆବୋଞାଞ୍ଜି ଡ ମନାନ୍ନେମରଞ୍ଜି ଆମଙ୍‌ ମଗାଲେ ଇସ୍ୱରନ୍‌ ଆକମ୍ୱାରିମର୍‌ ମସାନ୍‌ ଆନସୟ ବର୍ରନେନ୍‌ ବୟନ୍‌ ଇସ୍ୱରନ୍‌ ସଦାପ୍ରବୁନ୍‌ ଆତ୍ରିଏନ୍‌ ଅନସଜନ୍‌ ବର୍ରନେଜି ଅଡ଼୍‌କୋନ୍‌ ଆବନାୟର୍‌ ଡ ଆସାସନ୍‌ ଅଡ଼େ ଅନସୟ୍‌ ଡାଲୋଡାଲେ ମନଙ୍‌ଅମ୍‌ଡଲେ ପର୍ମାଡ଼ାଲନ୍‌ ଆରି ସିବ୍‌ଡୟ୍‌ବର୍ରନ୍‌ ମାନେଞ୍ଜି । 30 ଆରି ଆନିଞ୍ଜି ବର୍ରଞ୍ଜି, ଆନ୍ନା ଡେସାମରଞ୍ଜି ଡାଙ୍ଗିଅନ୍‌ବେଞ୍ଜି ଏତିୟ୍‌ଡଙ୍‌ଜି, ଅଡ଼େ ଆମ୍ବେଞ୍ଜି ଡାଙ୍ଗଡ଼ିଅନ୍‌ବେଞ୍ଜି ଆସନ୍‌ ଆଡାଙ୍ଗିଡ଼ିଅନଞ୍ଜି ଆଡଙ୍‌ ଏଜାଡଙ୍‌;

31 ଆରି ଡେସାନ୍‌ ଆମନ୍‌ରାଜି ଲୋଲୋନେଡିନ୍ନାଇଙନ୍‌ ଇନ୍ନିଙ୍‌ ଆଜନବ୍‌ଜି ଅଡ଼େ ଜନୋମଞ୍ଜି ତମ୍‌ତମନ୍‌ ଆସନ୍‌ ପାଙ୍‌ଲାଜି ଡେନ୍‌ ଇନ୍‌ଲେଞ୍ଜି ଲୋଲୋନେଡିନ୍ନାଇଙନ୍‌ ଅଡ଼େ ଆନା ମଡ଼ିର୍‌ ଡିନ୍ନାଇଙନ୍‌ ଆମଙଞ୍ଜି ସିଲଡ୍‌ ଇନ୍ନିଙ୍‌ ଏଞିଡଙ୍‌ ଅଡ଼େ ସାତ ବର୍ସେଇଙନ୍‌ ଅଡ଼୍‌କୋନ୍‌ ଆ ସାଉଜି ଏଅମ୍‌ରେଙ୍‌ତାୟ୍‌ ଆରି ଲବଲୋଙନ୍‌ ଏଃନର୍ରନାୟ୍ । 32 ଆରି ଇନ୍‌ଲେଞ୍ଜି ଇସ୍ୱରନ୍‌ ସେବାଲୁମନ୍‌ ଆସନ୍, 33 ତନାଲ୍‌ମଡ୍‌ ରୁଟିନ୍‌ ଡ ଆଏଡ଼ର୍‌ ତନିୟ୍‌ ତନମ୍ପିଲ୍‌ ଡ ତନୋମୋଡ୍‌ ଲୋଲୋନେଡିନ୍ନାଇଙନ୍‌ ଅମାସିଆ ଇଙନ୍‌ ଆଗବ୍‌ରି ପୁର୍‌ପୁର୍‌ଇଙନ୍‌ ଡ ମଡ଼ିର୍‌ ଜନବନ୍‌ ଆତନିୟ୍‌, ଇସ୍ରାଏଲନ୍‌ ଆନାରାମଡନ୍‌ ଇର୍ସେନ୍‌ ଆନମଙ ଡ ଇନ୍‌ଲେଞ୍ଜି ଇସ୍ୱରନ୍‌ ଆସିଙ୍‌ ଅଡ଼୍‌କୋନ୍‌ ଆଲ୍‌ନୁମ୍‌ ଆସନ୍‌ ‌ଡିଲେ ବର୍ସେଙନ୍‌ ବ ସେକଲ ୟାଗିବନ୍ତାନ୍‌ ତନିୟ୍‌ ଆସନ୍‌ ଆମ୍ବେଞ୍ଜି ଅନସୟ୍‌ ଏତିୟ୍‌ଲବେନ୍‌ ।

34 ଆରି, ଇସ୍ୱରନ୍‌ ଆନେଲାୟ୍‌ପୁରନ୍‌ ଆସନ୍‌ ପୁର୍ବାଃ ଜୋଜୋଲେଞ୍ଜି ଡିଲେ ବର୍ସେଙନ୍‌ ଆଗନବ୍‌ରି ଡିନ୍ନା ଞେନ୍‌ ଇସ୍ୱରନ୍‌ ଆସିଙ୍‌ ଆସନ୍‌ ଅରାନ୍‌ ଆପନାଙ୍‌ ଆସନ୍‌ ଇନ୍‌ଲେଞ୍ଜି ସୋଡ଼ାରାଓଡ଼ା,ଲେବିଞ୍ଜି ଡ ମନ୍‌ରାଞ୍ଜି ଅରାନ୍‌ଆତନିୟ୍‌ ଆସନ୍‌ ଅବ୍‌କଡ଼ିଲାୟ୍‌ ।

35 ଆରି ଇନ୍‌ଲେଞ୍ଜି ଆପର୍ତମ୍ମୁ ଜନ୍‌ରୋମନ୍‌ ଡ ଏର୍ଜାଡ଼ିକାନ୍ ଆପର୍ତମ୍ମୁ ଅଡ଼୍‌କୋନ୍‌ ଆରାନୁବ୍‌ ଆ ଜଅ ବବର୍ସେଙନ୍ କି ବବର୍ସେଙନ୍ ଇସ୍ୱରନ୍‌ ଆସିଙ୍‌ ପନାଙନ୍‌ ଆସନ୍‌, 36 ଆରି ଅନସୟ୍‌ଲୋଙନ୍‌ ଆଇଡିଡ୍‌ଡନ୍ ଅନ୍ତମ୍‌ ପସିୟ୍‌ଲେଞ୍ଜି ଡ ଜନ୍ତୁଜି ଆପର୍ତମ୍ମୁ ଗୋସ୍ସାମେଡନ୍‌, ଗୋସ୍ସାତାଙଲୋଙନ୍‌ ଇସ୍ୱରନ୍‌ ଆସିଙ୍‌ଲୋଙ୍‌, କୁନିଆଞ୍ଜି ଆସେବା ରାଓଡ଼ାଞ୍ଜି ଆମଙ୍‌ ପନାଙନ୍‌ ଆସନ୍‌, 37 ଆରି ଆନିଞ୍ଜି ଆସ୍‌ସଡ୍‌ ମଇଦାନ ଆପ୍ରତମୁନ୍‌ ଆବନ୍ତା ଡ ଇସ୍ସୁମ୍‌ ତନିୟ୍‌ତିୟନ୍‌ ଅଡ଼୍‌କୋନ୍‌ ଆରାନୁବ୍‌ ଆଜନବ୍‌ଜି ଆପ୍ରତମୁନ୍‌ ଆଜ, ଦ୍ରାକ୍ୟାଡାନ୍‌ ମିଞଲନ୍‌ ରାଓଡ଼ାନ୍‌ ଆମଙ୍‌ବାନ୍‌ ଇସ୍ୱରନ୍‌ ଆସିଙନ୍‌ ପନାଙନ୍‌ ଆସନ୍‌, ଲବଲୋଙନ୍‌ ଆଜନବ୍‌ଜି ଦସମାସଂ ଲେବିଅଞ୍ଜି ଆମଙ୍‌ ପନାଙନ୍‌ ଆସନ୍‌ ଏଗବ୍‌ରିଲାୟ୍‌; ଇନିଆସନ୍‌ଗାମେଣ୍ତେନ୍‌ ଲେବିଅଞ୍ଜି ଅଡ଼୍‌କୋନ୍‌ ଆଦସ ମାସଂ ରୁକୁଲେ ଜୁବାୟ୍‌ତଜି । 38 ଅଙ୍ଗାଆଡିଡ୍‌ ଲେବିଅଞ୍ଜି ଦସମାସଂ ରୁକୁତଜି ତି ଆଡିନ୍ନାଇଙ୍‌ ରାଓଡ଼ାନ୍‌ ଆରୋଣଞ୍ଜି ଆ ଅନ୍‌ ଲେବିଅଞ୍ଜି ବୟନ୍‌ ଡକୋତଞ୍ଜି; ଆରି, ଲେବିଅଞ୍ଜି ଇସ୍ୱରନ୍‌ ଜନ୍‌ରୋମ୍‌ସିଙନ୍‌ ଆ ଡରକୋ ଆନିଞ୍ଜି ତନିୟନ୍ ଆସନ ଦସମାସଂ ଆ ଦସମାସଂ ପାଙ୍‍ତାଜି । 39 ଇନିଆସନ୍‌ଗାମେଣ୍ତେନ୍‌ ଅଡ଼୍‌କୋନ୍‌ ମଡ଼ିର୍‌ ସିମ୍ମାଞ୍ଜି, ସେବାରାଓଡ଼ାଞ୍ଜି ଡ ଡୁଆରାନ୍‌ ଜନଗ୍ଗେମର୍ରଞ୍ଜି, କନନ୍‌ମର୍ରଞ୍ଜି ତି ଅଡ଼୍‌କୋନ୍‌ ଅଙ୍ଗାସିଙ୍‌ରେଙ୍‌ ଡକୋତଞ୍ଜି, ତିତେତ୍ତେ ଇସ୍ରାଏଲନ୍‌ ଆ ଅଞ୍ଜି, ଲେବିଅନ୍‌ ଆ ଅନଞ୍ଜି ଜନ୍‌ଡ୍ରୋମନ୍‌, ଦ୍ରାକ୍ୟାଡାନ୍‌ ମିଞଲନ୍‌ ଇସ୍ସୁମ୍‌ତନିୟନ୍‌ ପାଙ୍‍ତାଜି; ଆରି ଇସ୍ୱରନ୍‌ ଆସିଙ୍‌ ଇନ୍‌ଲେଞ୍ଜି ଅନମ୍‌ରେଙ୍‌ବୋ ।