1 ଅଙ୍ଗା ରାଓଡ଼ାଜି ଡ ଲେବିଅଞ୍ଜି ସଲ୍‌ଟିଏଲନ୍ ଆଡାଙ୍ଗାଡ଼ାଅନ୍‌ ଜିରୁବାବିଲନ୍ ଡ ଜେସୁଅନ୍ ସରିନ୍‌ ବଣ୍ଡିଲୋଙନ୍ ସିଲଡ୍‌ ୟର୍ରନାଜି କେନ୍ ଆଞୁମଞ୍ଜି; ସରାୟ, ଜିରିମିଅନ୍‌, ଏଜ୍ରା, 2 ଅମରିଅନ୍‌, ମଲ୍ଲୁକ, ଅଟୁସନ୍‌, 3 ସକନିୟ, ରଉମ, ମରେମୋତନ୍‌, 4 ଇଦୋ, ଗିନତୋନ୍‌, ଅବିଅନ୍‌, 5 ମିୟାମିନ୍, ମୋଅଦିଅ, ବିଲ୍‌ଗା, 6 ସମୟିୟନ୍‌, ଜୋଆରିବନ୍‌, ଜିଦୟିଅନ୍‌, 7 ସଲ୍ଲନ୍‌, ଆମୋକନ୍‌, ଇଲ୍‌କିଅନ୍‌, ଜିଦୟିଅନ୍‌, କେନ୍ ଆମନ୍‌ରାଜି ଜେସୁୟନ୍ ଆବନେଡ଼ା ରାଓଡ଼ାଞ୍ଜି ଡ ଆମଙ୍‌ଲୋଙ୍ ସିଲଡ୍‌ ସୋଡ଼ା ଡକୋଏଞ୍ଜି ।

8 ଆରି ଲେବିଅଞ୍ଜି, ଜେସୁୟନ୍‌, ବିନୁୟିନ୍‌, କଦ୍‌ମିୟେଲନ୍‌, ସେରେବିଅନ୍‌, ଜିଉଦାନ୍‌, ଡ ମତନିୟନ୍, ମତନିୟନ୍ ଡ ଆବୋଞାଙଞ୍ଜି ସନେଙ୍କେନ୍ ଆସନ୍‌ ସୋଡ଼ା ଡନକ୍କୋନ୍ ଡକୋଏଞ୍ଜି । 9 ଆବୋଞାଙଞ୍ଜି ବକ୍‌ବୁକିୟନ୍‌ ଡ ଉନ୍ନିନ୍ ଆତେମଡଞ୍ଜି ଜନଗ୍ଗେ କାବ୍ବାଡ଼ାନ୍ ଲୁମେଞ୍ଜି ।

10 ଜେସୁୟନ୍ ଆ ଡାଙ୍ଗାଡ଼ାଅନ୍‌ ଜୋୟାକିମ୍; ଜୋୟାକିମନ୍ ଆଡାଙ୍ଗାଡ଼ାଅନ୍‌ ଇଲିଆସିବନ୍; ଡ ଇଲିୟାସିବନ୍ ଆଡାଙ୍ଗଡ଼ାଅନ୍ ଜୋୟାଦନ୍‌; 11 ଜୋୟାଦନ୍ ଆଡାଙ୍ଗାଡ଼ାଅନ୍‌ ଜୋନାତନନ୍ ଡ ଜୋନାତନନ୍‌ ଆଡାଙ୍ଗାଡ଼ାଅନ୍‌ ଜଦୁଅନ୍ ।

12 ଜୋୟାକିମନ୍ ମୁଡ଼ ରାଓଡ଼ାନ୍ ଆଡ୍ରକୋଲନ୍ ଆବନେଡ଼ା କେନ୍ ଆରାଓଡ଼ାଞ୍ଜି ଆପ୍ପେୟଞ୍ଜି ଆକେଜ୍ଜା ଆସୋଡ଼ା ଡକୋଏଞ୍ଜି; ସରାୟନ୍ ଆକେଜ୍ଜା ମରାୟନ୍‌; ଜିରିମିଅନ୍‌ ଆକେଜ୍ଜା ଅନାନିଅନ୍‌, 13 ଏଜ୍ରାନ୍ ଆକେଜ୍ଜା ଆ ମସୁଲମନ୍, ଅମରିଅନ୍‌ ଆକେଜ୍ଜ ଆ ଜିଓଆନନ୍‌, 14 ମଲୁକିନ୍ ଆକେଜ୍ଜା ଆ ଜୋନାତନନ୍‌, ସବନିୟନ୍ ଆକେଜ୍ଜା ଆ ଜୋସେପନ୍‌, 15 ଆରିମନ୍ ଆକେଜ୍ଜା ଆ ଅଦନନ୍, ମରାୟୋତନ୍ ଆକେଜ୍ଜା ଆ ଇଲ୍‌କୟନ୍, 16 ଇଦୋନ୍ ଆକେଜ୍ଜା ଆ ଜିକରିୟନ୍, ଗିନତୋନ୍‌ ଆକେଜ୍ଜା ଆ ମସୁଲମନ୍, 17 ଅବିଅନ୍‌ ଆକେଜ୍ଜା ସିକ୍ରରନ୍‌ ମିନାମିନନ୍‌ ଆକେଜ୍ଜା, ମଅଦିଅନ୍‌ ଆକେଜ୍ଜା ପିଲ୍‌ଟୟନ୍, 18 ବିଲ୍‌ଗାନ୍ ଆକେଜ୍ଜା ଆ ସମୁୟନ୍, ସମୟିୟନ୍ ଆକେଜ୍ଜା ଆ ଜିଓନାତନନ୍, 19 ଜୋଆରିବନ୍‌ ଆକେଜ୍ଜା ଆ ମତନୟନ୍, ଜିଦୟିଅନ୍‌ ଆକେଜ୍ଜା ଆ ଉସିନ୍, 20 ସଲ୍ଲୟନ୍ ଆକେଜ୍ଜା ଆ କଲୟନ୍, 21 ଆମୋକନ୍ ଆକେଜ୍ଜା ଆ ଏବରନ୍, ଇଲ୍‌କିଅନ୍‌ ଆକେଜ୍ଜା ଆ ଅସବିଅନ୍, ଜିଦୟିଅନ୍‌ ଆକେଜ୍ଜା ଆ ନତନେଲନ୍ ।

22 ଇଲିଆସିବନ୍, ଜୋୟାଦନ୍, ଜୋନାତନନ୍, ଡ ଜୋଆନନ୍‌ ଡ ଜଦୁଅନ୍ ଆବନେଡ଼ା ଲେବିଅଞ୍ଜି ଡ ପାରିସିକନ୍‌ ଦାରିଆବସନ୍‌ ଆଡନେଗଡ୍‌ ଆଡିନାଇଙ୍‌ ରାଓଡ଼ାଞ୍ଜି ପୁର୍ବା କେଜ୍ଜାଞ୍ଜି ଆସୋଡ଼ା ଆଡିଡ୍‌ ଅନିଡନ୍‌ ଡେଏନ୍‌ ।

23 ଲେବିଅନ୍ ଆକେଜ୍ଜା ମୁଡ଼ମରଞ୍ଜି ଆଞୁମ୍ ଇଲିଆସିବରନ୍ ଆ ଡାଙ୍ଗାଡ଼ାଅନ୍‌ ଜୋଆନନ୍‌ ଆବନେଡ଼ା ଜାୟ୍ କେଜ୍ଜାନ୍ ଆଞୁମ୍ ବଇଲୋଙନ୍‌ ଆଇଡିଡନ୍‌ ଡକୋ ।

24 ଲେବିଅଞ୍ଜି ଆ ମୁଡ଼ମର୍‌ଜି ଅସବିଅନ୍, ସେରେବିଅନ୍‌, କଦ୍‌ମିଏଲନ୍ ଆ ଡାଙ୍ଗଡ଼ାଅନ୍ ଜେସୁଅନ୍‌, ବିନୁଇନ୍, ଡ କାଦମିଏଲନ୍‌, ଇସ୍ୱରନ୍‌ ଆମନ୍‌ରାଜି ଦାଉଦନ୍‌ ଆବ୍ରାଞେଞ୍ଜି ଅନ୍ତମ୍‌ ଦଳ ଦଳଲନ୍‌ ସେଙ୍କେନନ୍ ଆସନ୍‌ ତନବ୍‌ନଙନ୍‌ ଡେଏନ୍‌ ।

25 ମତନିୟନ୍‌, ବକ୍‌ବୁକିୟନ୍‌, ଓବଦିୟନ୍, ମସୁଲମନ୍, ଡ ଅକ୍‌କୁବନ୍‌, ଟଲମନ୍‌ ସରେବାସିଙନ୍ ଆ ଡୁଆରାଲୋଙନ୍ ଡକୋନ୍ ଆଜନବ୍‌ଜି ଆସନ୍‌ ଆଡ୍ରକୋସିଙ୍ ଆଜନଗ୍ଗେମର୍ ଆସନ୍‌ ତବ୍‌ନଙେଞ୍ଜି ।

26 କେନ୍ ଆନିଞ୍ଜି ଜୋସାଦକନ୍ ଆ ଡାଙ୍ଗଡ଼ାଅନ୍ ଜେସୁୟନ୍ ଡ ଆଉଲ୍ଲେଙନ୍ ଜୋୟାକିମନ୍ ଆବନେଡ଼ା ସିଲଡ୍‌, ଆରି ନିଇମିଆନ୍ ଆସ୍ରାସନେନ୍ ଡ ଏଜ୍ରା ରାଓଡ଼ାନ୍ ଆଡ୍ରକୋଲନ୍ ଆଡିଡମା ଡକୋଲଞ୍ଜି ।

27 ତିସିଲଡ ଜିରୁସାଲମନ୍ ଆ ଗଡ଼ାତାଲ୍ ପଦିସ୍ଟା ଇଙନ୍ ମନ୍‌ରାଞ୍ଜି ସର୍ଡାନ୍ ବାତ୍ତେ ତାର୍‌ଜୋବ୍‌ସିନ୍, ନେବଲନ୍, ଡ ବିଣାରାଜନ୍ ରାୟ୍‌ଲେ ସେନ୍‌ଲେ କନ୍‌ଲେ ପନାଡ଼େନ୍ ଆସନ୍‌ ଲେବିଅମରଞ୍ଜିଆଡଙ୍ ଜିରୁସାଲମନ୍ ଆନୋରୋଙ୍ ଆସନ୍‌ ଆଡ୍ରକୋନେରେଙ୍ ଆନିଞ୍ଜିଆଡଙ୍ ସାୟ୍‌ଡଙେଞ୍ଜି । 28 ଆରି କନନ୍‌ମରଞ୍ଜି ଆ ଅନ୍‌ଞ୍ଜି ଜିରୁସାଲମନ୍ ଡ ନଟୋପାତିଅଞ୍ଜି ଆନ୍ନା ଆନ୍ନା ସାଇରେଙନ୍ ଆଡ୍ରକୋରେଙଲଞ୍ଜି ସିଲଡ୍‌, 29 ଆରି ନିୟ୍ ବେତ୍‌-ଗିଲ୍‌ଗଲ୍ ସିଲଡ୍‌, ଆରି ଗେବାନ୍, ଡ ଅସ୍ମାବତ୍‌ରେଙ୍ ସିଲଡ୍‌ ଇୟ୍‌ଲାୟ୍‌ ରୁକ୍କୁନେଜି । ଇନିଆସନ୍‌ଗାମେଣ୍ଡେନ୍‌ କନନ୍‌ମରଞ୍ଜି ଜିରୁସାଲମନ୍ ଆ ସାଇରେଙ୍ ଆନିଞ୍ଜି ଡକୋଲଞ୍ଜି । 30 ଆରି ରାଓଡ଼ାଞ୍ଜି ଡ ଲେବିଅଞ୍ଜି ଆନିଞ୍ଜି ରମ୍ମଙ୍‌ ରମ୍ମଙ୍‌ ମବ୍‌ଡ଼ିର୍‌ଲଞ୍ଜି, ଆରି ଆନିଞ୍ଜି ମନ୍‌ରାଞ୍ଜିଆଡଙ୍ ଆରି ଡୁଆରାଞ୍ଜି ଅଡ଼୍‌କୋନ୍, ଆରି ଗଡ଼ାତାଲଞ୍ଜି ମବ୍‌ଡ଼ିରେଞ୍ଜି ।

31 ତିସିଲଡ୍ ଞେନ୍ ଜିଉଦାନ୍ ଆସୋଡ଼ାମର୍‌ଜିଆଡଙ୍ କିନ୍ତାଲ୍‌ଗଡ୍ ଓରୋଙ୍‌ଲାଜି, ଆରି ସେଙ୍କେରା କନନ୍‌ ଆସନ୍‌ ବାଗୁସିଡ଼ଦଡ଼ ଅମ୍ମେଲାଜି, ଆରି ବଡଡ଼ ଅର୍ଜଡ଼ୋମ୍‌ସିଗଡ୍ ଆ କିନ୍ତାଲ୍‌ଗଡ୍ ଆଡୁଆରା ଜିର୍ରେଞ୍ଜି । 32 ଆରି କନନ୍ ମରଞ୍ଜିଆଡଙ୍ ଓସିଅନ୍‌ ଅବ୍‌ୟର୍‌ୟର୍ ଏରେଞ୍ଜି ଆରି ବବାଗା ଜିଉଦାନ୍ ଆସୋଡ଼ାମର୍‌ଜି ସଣ୍ଡୋଙେଞ୍ଜି । 33 ଆରି ଅସରିୟନ୍, ଏଜ୍ରାନ୍ ଡ ମସୁଲମନ୍, 34 ଜିଉଦାନ୍, ବିନ୍ନାମିନ୍‌, ସମୟିଅନ୍, ଜିରିମିଅନ୍‌, 35 ଆରି ଲାଙ୍‌ଲେଡ୍‌ ଆ ରାଓଡ଼ାଞ୍ଜି ଆଅଞ୍ଜି ପନେଡନ୍‌ ଞମ୍‌ଲେ ଜିର୍ରେଞ୍ଜି, ଆରି ଆସପନ୍‌ ଆକନୋକୋଡ୍ ସକ୍କୁରନ୍‌ ଆଉଲେଙ୍‌ ଆବୁଡା, ମିକାୟନ୍‌ ଆଉଲେଙ୍‌ ମତନିଅନ୍‌, ସମରିଅନ୍‌ ଆଡାଙ୍ଗାଡ଼ାଅନ୍‌ ଜୋନାତନନ୍‌, ଆ ଡାଙ୍ଗଡ଼ାଅନ୍‌ ଜିକରିୟନ୍‌ 36 ଡ ଆବୋଞାଙଞ୍ଜି ସମୟିନ୍ ଡ ଅସରେଲନ୍, ମିଲଲୟନ୍‌, ଗିଲଲୟନ୍‌, ମାଇୟନ୍,ନତନେକନ୍, ଡ ଜିଉଦାନ୍, ଡ ଅନାନିନ୍‌ କେନ୍ ଆନିଞ୍ଜି ଦାଉଦନ୍ ଆ ଡେବ୍‌ତୁଙ୍ ଡ କନନ୍‌ମଞ୍ଜି ଡ ଇସ୍ୱରନ୍‌ ଆମନ୍‌ରାଜି ଡନେବ୍‌ଡେବଞ୍ଜି ପାଙ୍‌ଲେ ତଙିୟ୍‌ଲଞ୍ଜି । ଏଜ୍ରାନ୍ ରାଓଡ଼ାନ୍ ଆମ୍ମୁଙ୍‌ଲନ୍ ଜିରେଞ୍ଜି । 37 ଆରି ଦାଉଦନ୍ ଆଗଡ଼ା ଆ ପାଉଚ ଆତଙର୍ ଜାୟ୍, ଆରି ଆମ୍ମୁଙ୍‌ ଦାଉଦନ୍ ଆଡ୍ରକୋନେଲୋଙ୍, ଡ ଡରୁଙ୍‌ଡମ୍‌ନେଡା ଗରନ୍ନେ ତାଲନ୍ ସିଲଡ୍‌, ଆରି ଡରୁଙ୍‌ୟୋଙ୍ ଗଡ଼ାଗଡ୍ ସିଲଡ୍‌ ଆନିଞ୍ଜି ଡରୁଙ୍‌ଡମ୍‌ନେଡା ଗରନ୍ନେଗଡ୍ ଜିରେଞ୍ଜି ।

38 ଆଦଡ଼ଲୋଙଞ୍ଜି ସିଲଡ୍‌ ଆନାଜି ସନେନ୍‌ସେନନ୍ ଆତନିୟ୍ ଆସନ୍‌ ଆନିଞ୍ଜି ଆନିଞ୍ଜିଆଡଙ୍ ଇୟେଞ୍ଜି, ଆରି ଞେନ୍ ଅସୋୟ୍‌ମନ୍‌ରାନ୍ ସରିନ୍‌ ଗଡ଼ାତାଲନ୍ ଆକୋଡ଼ାତୁଡ୍ ଆସିଙ୍ ଜାୟ୍ ସଣ୍ଡୋଙେଞ୍ଜି ଆରି ଇନ୍‌ଲେନ୍ ସୋଡ଼ା ଗଡ଼ାତାଲନ୍ ଜାୟ୍ ଏଜିରେନ୍‌, 39 ଆରି ଇପ୍ରିମ୍ ଡୁଆରାନ୍‌, ପାପୁର୍‌ ଡୁଆରାନ୍‌, ଅୟ୍‌ ଡୁଆରନ୍, ଅନନେଲ୍‌ ଜରଗ୍ଗେସିଙନ୍, ଡ ଅମିଅ ଜରଗ୍ଗେସିଙ୍‌ଗଡ୍ ମେଣ୍ଡା ଡୁଆରାନ୍‌ ଜାୟ୍ ଏଜିରେନ୍‌ ଆରି ଆନିଞ୍ଜି ଜରଗ୍ଗେ ଡୁଆରାଲୋଙନ୍ ତନଙ୍‌ଲେ ଡକୋଲଞ୍ଜି ।

40 ଏନ୍ନେଗନ୍‌ ଇସ୍ୱରନ୍‌ ଆସିଙ୍‌ଲୋଙ୍ ସନେଙ୍କେନ୍‌ ମରଞ୍ଜି ତି ବାଗୁ ଦଡ଼ଡନ୍ ଡ ଞେନ୍‌, ଆରି ଞେନ୍‌ ସରିନ୍‌ ଆମ୍ମୁଙ୍‌ଗଡ୍‌ମମରଞ୍ଜି ଲାଙ୍‌ଲେନ୍ନେ, 41 ଆରି ଏଲିଆକିମନ୍, ମାସେୟନ୍, ମିନ୍ୟାମିନନ୍, ମିକାୟନ୍, ଇଲିଓଇନନ୍, ଜିକରିଅନ୍, ଅନାନିଅନ୍‌, କେନ୍‌ ପେସଙ୍‌ମରଞ୍ଜି ଆ ରାଓଡ଼ାଜି; 42 ଆରି ଆମମେସନ୍, ସମିୟନ୍, ଇଲିଆସରନ୍, ଉସିନ୍, ଜିଓଆନନ୍‌, ମଲ୍‌କିଅନ୍, ଏଲମନ୍, ଆରି ଏସରନ୍ ଆରି ଇନ୍‌ଲେନ୍ ଅଡ଼୍‌କୋନ୍‌ଲେନ୍ ଆତନଙ୍ ଏଡକୋଲନାୟ୍ । ତିଆଡିଡ୍‌ କନନ୍‌ମରଞ୍ଜି ଡ ଆ ଆମ୍ମୁଙ୍‌ଗଡ୍ ମରଞ୍ଜି ଜିସିୟନ୍ ସୋଡ଼ା ସର୍ରଙନ୍ ବାତ୍ତେ କନେନ୍ ।

43 ଆରି ତିଆଡିଡ୍‌ ମନ୍‌ରାଞ୍ଜି ସୋଡ଼ା ଅନମଙନ୍‌ ତିୟ୍‌ଲେ ସର୍ଡାଲଞ୍ଜି, ଇନିଆସନ୍‌ଗାମେଣ୍ଡେନ୍‌ ଇସ୍ୱରନ୍‌ ଆନିଞ୍ଜିଆଡଙ୍ ଗୋଗୋୟ୍ ଅବ୍‌ସର୍ଡାଏଞ୍ଜି । ଆରି ଆଇମରଞ୍ଜି, ଓବ୍ବାସିଜଞ୍ଜି ଡ ଆଇସିଜଞ୍ଜି ନିୟ୍ ସର୍ଡାଲଞ୍ଜି, ଆରି ଜିରୁସାମନ୍ ଆସର୍ଡା ସର୍ରଙନ୍ ସଙ୍ଆୟ୍‌ଡମ୍ ଜାୟ୍ ସଡ୍ଡାଏନ୍‌ ।

44 ତି ଆଡିନ୍ନା ଅନର୍ଜେନ ଡ ତନିୟ୍‌ତିୟଞ୍ଜି, ଆପର୍ତମ୍ମୁନ୍ ଆଜ ଡ ଦସମାଂସନ୍, ରାଓଡ଼ାନ୍ ଡ ଲେବିଅଞ୍ଜି ଆସନ୍‌ ତରଙାନ୍ନା ଆଡେସାଲୋଙ୍ ଆବସେଙ୍‌ଲୋଙ୍ ସିଲଡ୍‌ ବନାୟ୍‌ବରନ୍ ଆଗ୍ରବ୍‌ରିଏନ୍ ଅନ୍ତମ୍‌ ତନିୟନ୍ ଆସନ୍‌ ମନ୍‌ରାଞ୍ଜି ତରର୍‌ତୁମ୍ ସିଂଲୋଙନ୍ ତନବ୍‌ନଙନ୍ ଡେଏଞ୍ଜି । ଇନିଆସନ୍‌ଗାମେଣ୍ଡେନ୍‌ ସନେମ୍ପୁର୍ମରଞ୍ଜି ଆରାଓଡ଼ା ଡ ଲେବିଅଞ୍ଜି ଆସନ୍‌ ଜିଉଦାନ୍ ସର୍ଡାଲନେ । 45 ଆନିଞ୍ଜି ଦାଉଦନ୍ ଡ ଆ ଡାଙ୍ଗଡ଼ାଅନନ୍‌ ସଲୋମନନ୍ ଆବାଁୟ୍ ଅନ୍ତମ୍‌ ତର୍ଡମ୍‌ ଇସ୍ୱରବେନ୍ଆଡଙ୍ ସେବାତେ ଆରି ମଡ଼ିର୍ ଡେଏନ୍‌ଣ୍ଡେନ୍, ଆରି କନନ୍‌ମରଞ୍ଜି ଡ ଜଗ୍ଗେଡୁଆରାମରଞ୍ଜି ନିୟ୍ ଏତ୍ତେଲେ ଲୁମେଞ୍ଜି । 46 ଇନିଆସନ୍‌ଗାମେଣ୍ଡେନ୍‌ ଦାଉଦନ୍ ଡ ଆସପନ୍ ଆବନେଡ଼ା କନନ୍‌ମରଞ୍ଜି ଆସୋଡ଼ା ଡକୋଏନ୍, ଆରି ଇସ୍ୱରନ୍‌ ଆଞୁମ୍‌ଲୋଙ୍ ଆନ୍ନା ଆନ୍ନା ସନେନନ୍ ଡ ସଙ୍କେନ୍ କନନଞ୍ଜି ଡକୋଏନ୍ । 47 ଆରି ଜିରୁବାବିଲନ୍ ଡ ନିଇମିଆନ୍‌ ଆବନେଡ଼ା, ଅଡ଼୍‌କୋ ଇସ୍ରାଏଲଞ୍ଜିଆଡଙ୍ ବଡିନ୍ନାନ୍ ଆଞନାଙ୍ ଅନ୍ତମ୍‌ କନନ୍‌ମରଞ୍ଜି ଡ ଜଗ୍ଗେସିଙ୍‌ମରଞ୍ଜି ତିୟେଞ୍ଜି । ଆରି ମନ୍‌ରାଞ୍ଜି ଲେବିଅଞ୍ଜି ଆରୋଣନ୍ ଆ ଅଞ୍ଜି ଆସନ୍‌ ପଦିସ୍ଟାଏଞ୍ଜି ।