1 ତିସିଲଡ୍‌ ଇଲିଆସିବ ସୋଡ଼ା ରାଓଡ଼ାନ୍‌ ଡ ଆରାଓଡ଼ା ବୋଞାଙଞ୍ଜି ଡୋଲନ୍‌ ମେଣ୍ତାନ୍‌ ଡୁଆରା ଗଡ୍‌ ତୁବେଞ୍ଜି; ଆନିଞ୍ଜି ତିଆତେ ମବ୍‌ଡ଼ିର୍‌ଲେ ଡୁଆରାନ୍‌ ଆସନଙ୍‌ଜି ଅଡ଼୍‌କୋନ୍‌ ତୁବେଞ୍ଜି; ଅମ୍ମେୟାନ୍‌ କିନ୍ତାଲନ୍‌ ଡ ଅନନେଲ୍‌ କିନ୍ତାଲନ୍‌ ଜାୟ୍‌ ଆନିଞ୍ଜି ମବ୍‌ଡ଼ିରେଞ୍ଜି । 2 ଆନିନ୍‌ ଆମଙ୍‌ବାନ୍‌ ସିଲଡ୍‌ ଜିରିଓନ୍‌ ଆମନ୍‌ରାଞ୍ଜି ତୁବେଞ୍ଜି, ଆରି ଆମଙ୍‌ବାନ୍‌ ସିଲଡ୍‌ ଇମ୍ରିନ୍‌ ଆ ଡାଙ୍ଗାଡ଼ାଅନ୍‌ ସକ୍କୁରନ୍‌ ତୁବେନ୍‌ । 3 ଆରି, ଅସନାୟନ୍‌ ଆଅଞ୍ଜି ଅୟ ଡୁଆରାନ୍‌ ତୁବେଞ୍ଜି; ଆନିଞ୍ଜି ସନାଆରନ୍‌ ଆତନିୟ୍‌ ଆଜନବ୍‌ ଅମ୍‌ଡାଜେଞ୍ଜି ଆରି ସନଙନ୍‌ ଡ ମେକନ୍‌ ଡ ଅଙ୍କିଆନ୍‌ ଅଡ଼୍‌କୋନ୍‌ ତୁବେଞ୍ଜି । 4 ଆରି ଆମଙ୍‌ବାଞ୍ଜି ଅକୋସନ୍‌ ଆଉଲେଙ୍‌ ଉରିୟନ୍‌ ଆଡାଙ୍ଗାଡ଼ାଅନ୍‌ ମରେମୋତନ୍‌ ବାର୍ମନଙେନ୍‌ । ଆରି, ଆମଙ୍‌ବାଞ୍ଜି ମସେସବେଲନ୍‌ ଆଉଲେଙ୍‌ ବେରିକିଅନ୍‌ ଆଡାଙ୍ଗାଡ଼ାଅନ୍‌ ମସୁଲମ୍‌ ବାର୍ମନଙେନ୍‌ । ଆରି, ଆମଙ୍‌ବାଞ୍ଜି ବାନାନ୍‌ ଆ ଡାଙ୍ଗାଡ଼ାଅନ୍‌ ସାଦୋକନ୍‌ ବାର୍‌ମବ୍‌ନଙେନ୍‌ । 5 ଆରି, ଆମଙ୍‌ବାଞ୍ଜି ତକୋୟିୟ ଗଡ଼ାନ୍‌ ମନ୍‌ରାଞ୍ଜି ବାର୍‌ମବ୍‌ନଙେଞ୍ଜି; ବନ୍‌ଡ ଆମ୍ମୁଙ୍‌ଗଡ୍‌ମରଞ୍ଜି ସୋଡ଼ାମରଞ୍ଜି ଆ କାବ୍ବାଡ଼ାଲୋଙ୍‌ ଅଃଡର୍ରଞ୍ଜି । 6 ଆରି, ପାସେଅନ୍‌ ଆଡାଙ୍ଗାଡ଼ାଅନ୍‌ ଜିଓୟାଦାନ୍‌ ଡ ବସୋଦିୟାନ୍‌ ଆଡାଙ୍ଗାଡ଼ାଅନ୍‌ ମସୁଲ୍ଲମ୍‌ ପାପୁର୍‌ ଡୁଆରାନ୍‌ ବାର୍ତୁବେନ୍‌; ଆନିଞ୍ଜି ସାଆରନ୍‌ ଆଜନିର୍‌ ଆଜନବ୍‌ ତେତ୍ତେ ଅମ୍‌ଡାଜେଞ୍ଜି, ଆରି ତେତ୍ତେ ଆ ସନଙ୍‌, ପନଡନ୍‌ ଡ ଅଙ୍କିଆନ୍‌ ଅଡ଼୍‌କୋନ୍‌ ତୁବେଞ୍ଜି । 7 ଆରି, ଆମଙ୍‌ବାଞ୍ଜି ଗିବିୟୋନିୟ ମଲାଟିୟ ଡ ମରୋନୋତିୟ ଜାଦୋନ, ଗିବିୟୋନ ଡ ମିସ୍ପାନ୍‌ ଆଗଡ଼ା ସୋଡ଼ା ଡକୋଏନ୍‌, ଅଲନ୍‌ ଆଅଡିଗଡ୍‌ ମିସ୍ପା ଡେସାନ୍‌ ଆ ସୋଡ଼ାମରନ୍‌ ଡକୋଏନ୍‌ । 8 ଆମଙନ୍‌ ସୁନାରିଞ୍ଜି, ଅର୍ରୟନ୍‌ ଆଡାଙ୍ଗାଡ଼ାଅନ୍‌ ଉସିୟେଲନ୍‌ ବାର୍‌ମବ୍‌ନଙେନ୍‌, ଆରି ଆମଙ୍‌ବାନ୍‌ ଲଙିଡ୍‌ ବେପାରମରଞ୍ଜି ଆମଙ୍‌ସିଲଡ୍‌ ଅନାନିଅନ୍‌ ବାର୍‌ମବ୍‌ନଙେନ୍‌, ଆରି ଆନିଞ୍ଜି ଲାଆଙ୍‌ କିନ୍ତାଲନ୍‌ ଜାୟ୍‌ ଜିରୁସାଲମନ୍‌ ରବ୍‌ଡୋଏଞ୍ଜି । 9 ଆମଙ୍‌ବାଞ୍ଜି ସିଲଡ୍‌ ଜିରୁସାଲନ୍ ଆଡେସାବାୟ୍‌ ବପାଲାଙ୍‌ ଆସୋଡ଼ାମର୍‌ ଉରନ୍‌ ଆଡାଙ୍ଗାଡ଼ାଅନ୍‌ ରପାୟନ୍‌ ବାର୍‌ମବ୍‌ନଙେନ୍‌ । 10 ଆରି ଆମଙବାନ୍‌ ଅରୁମପରନ୍‌ ଆଡାଙ୍ଗାଡ଼ାଅନ୍‌ ଜିଦାୟନ୍‌ ଆମୁକ୍କାସିଙ୍‌ଗଡନ୍‌ ଆବର୍ମନଙେନ୍‌ । ଆମଙ୍‌ବାନ୍‌ ଅସ୍‌ବନିଅନ୍‌ ଆଡାଙ୍ଗାଡ଼ାଅନ୍‌ ଅଟୁସନ୍‌ ବାର୍‌ମବ୍‌ନଙେନ୍‌ । 11 ଆରିମରନ୍‌ ଆଡାଙ୍ଗାଡ଼ାଅନ୍‌ ମଲ୍‌କିୟନ୍‌ ଡ ପଅତ୍‌-ମୋୟାବନ୍‌ ଆଡାଙ୍ଗାଡ଼ାଅନ୍‌ ଅସୁବନ୍‌ ବବନ୍ତା ଡ କୋଡ଼ାତୁଡନ୍ ବାର୍‌ମବ୍‌ନଙେନ୍‌ । 12 ତିଆତେ ଆମଙ୍‌ବାନ୍‌ ଜିରୁସାଲମନ୍‌ ଆଡେସା ଆସୋଡ଼ାମର୍‌ ଅଲୋଏସନ୍‌ ଆଡାଙ୍ଗାଡ଼ାଅନ୍‌ ସଲ୍ଲୁମ୍‌ ଡ ଆ ଡାଙ୍ଗଡ଼ିଅନଞ୍ଜି ବାର୍‌ମବ୍‌ନଙେନ୍‌ । 13 ଆନୁନ୍‌ ଡ ସାନୋଅବାୟ୍‌ଜି ଗର୍ଡନ୍‌ ଆଡାରନି ବାର୍‌ମବ୍‌ନଙେଞ୍ଜି । ଆନିଞ୍ଜି ତିଆତେ ତୁବ୍‌ଲେ ସନଙନ୍‌, ମେକନ୍‌ ଡ ଅଙ୍କିଆନ୍‌ ଅଡ଼୍‌କୋନ୍‌ ପବ୍‌ଡିଜେଞ୍ଜି, ଆରି କତ-ଡୁଆରାନ୍‌ ଜାୟ୍‌ କିନ୍ତାଲନ୍‌ ବଅଜାର ସନ୍ତି ରବ୍‌ଡୋଏଞ୍ଜି । 14 ଆରି ବେତ୍‌-ଅକ୍‌କେରମ୍‌ ଆ ରାଜ୍ୟ ଆସୋଡ଼ାମର୍‌ ରେକବରନ୍‌ ଆଡାଙ୍ଗାଡ଼ାଅନ୍‌ ମଲ୍‌କିୟନ୍‌ କତନ୍‌ ଆଡାରନ୍ନି ବାର୍‌ମବ୍‌ନଙେନ୍‌; ଆନିନ୍‌ ତିତେତ୍ତେ ଆସନଙ୍‌, ପନଡନ୍‌ ଡ ଅଙ୍କିଆନ୍‌ ଅଡ଼୍‌କୋନ୍‌ ତୁବେନ୍‌ । 15 ଆରି ମିସ୍ପା ଆରାଜ୍ୟ ଆସୋଡ଼ାମର୍‌ କଲେଆସିରିନ୍‌ ଆଡାଙ୍ଗାଡ଼ାଅନ୍‌ ସଲ୍ଲୁନ୍‌ ଡୁଙ୍‌ଡମ୍‌ନେଡା ଆଡାରନି ବାର୍ମନଙେନ୍‌; ଆନିନ୍‌ ତୁବ୍‌ଲେ ଞୁମେନ୍‌ ଆରି ତିତେତ୍ତେ ଆସନଙ୍‌, ମେକନ୍‌ ଡ ଅଙ୍କିଆନ୍‌ ଅଡ଼୍‌କୋନ୍‌ ପବ୍‌ଡିଜେନ୍‌, ଆରି ଦାଉଦନ୍‌ ଆଗଡ଼ା ସିଲଡ୍‌ ଜାୟ୍‌ତାନ୍‌ ଆପରଡ୍‌ନେ ଆପିଣ୍ତା ଡ ରାଜାନ୍‌ ଆକୋତ୍ତା ଆତୁୟା ସେଲା ବଣ୍ତାନ୍‌ ଆ କିନ୍ତାଲ୍‌ ବାର୍ମନଙେନ୍‌ । 16 ଆମଙ୍‌ବାନ୍‌ ବେତ୍‌-ସୁର୍‌ ଆ ଜିଲା ବପାଲାଙ୍‌ ଆସୋଡ଼ାମର୍‌ ଅସ୍‌ବୁକରନ୍‌ ଆଡାଙ୍ଗାଡ଼ାଅନ୍‌ ନିଇମିୟାନ୍‌ ଦାଉଦନ୍‌ ଆମସାନି ଆମୁକ୍କା ଡ ଆତନୁବନ୍‌ ବଣ୍ତାନ୍‌ ଡ ସିପାଇଞ୍ଜି ଆସିଙ୍‌ ଜାୟ୍‌ ବାର୍ମନଙେନ୍‌ ।

17 ଆମଙ୍‌ବାନ୍‌ ଲେବିୟଞ୍ଜି, ଆଗ୍ରାମ୍‌ଗାମ୍‌, ବାନିନ୍‌ ଆଡାଙ୍ଗାଡ଼ାଅନ୍‌ ରଉମ୍‌ ଡ ରଉମନ୍‌ ଆମଙ୍‌ବା କିୟିଲା ଆ ଜିଲା ବପାଲାଙ୍‌ ଆସୋଡ଼ାମର୍‌ ଅସବିଅନ୍‌ ଆଡେସାନ୍‌ ଡନେଲେ ବାର୍‌ମବ୍‌ନଙେନ୍‌ । 18 ଆମଙ୍‌ବାନ୍‌ ଆବୋଞାଙଞ୍ଜି, ଆଗ୍ରାମ୍‌ଗାମ୍‌, କିୟିଲାନ୍‌ ଆରଜ୍ୟ ବପାଲାଙ୍‌ ଆସୋଡ଼ାମର୍‌ ଏନାଦଦରନ୍‌ ଆଡାଙ୍ଗାଡ଼ାଅନ୍‌ ବବୟନ୍‌ ବାର୍‌ମବ୍‌ନଙେନ୍‌ । 19 ଆମଙ୍‌ବାନ୍‌ ମିସ୍ପାନ୍‌ ଆସୋଡ଼ାମର୍‌ ଜେସୁଅନ୍‌ ଆଡାଙ୍ଗାଡ଼ାଅନ୍‌ ଏସର୍‌ କିନ୍ତାଲନ୍‌ ଆଏଡେଡ୍‌ ଆତୁୟା କଡ଼ିବନ୍‌ ଆଡ୍ରକୋସିଙ୍‌ ଆନୋଡାୟ୍‌ ତଙର୍‌ ଆମୁକ୍କାଗଡ୍‌ ବଡନେୟ୍‌ ବାର୍‌ମବ୍‌ନଙେନ୍‌ । 20 ଆମଙ୍‌ବାନ୍‌ ସକ୍କୟନ୍‌ ଆଡାଙ୍ଗାଡ଼ାଅନ୍‌ ବାରୁକନ୍‌ କିନ୍ତାଲନ୍‌ ଆଡୁଆରା ସିଲଡ୍‌ ଇଲିଆସିବନ୍‌ ସୋଡ଼ାରାଓଡ଼ାନ୍‌ ଆସିଙ୍‌ ଆଡୁଆରା ବବନ୍ତା ଆଡନେୟ୍‌ ଜାୟ୍‌ ବାର୍‌ମବ୍‌ନଙେନ୍‌ । 21 ସିଲତ୍ତେ ଅକ୍କୋସ୍‌ନ୍‌ ଆଉଲେଙ୍‌ ଉରିୟନ୍‌ ଆଡାଙ୍ଗାଡ଼ାଅନ୍‌ ମରେମୋତନ୍‌ ଇଲିଆସିବନ୍‌ ଆସିଙ୍‌ ଆଡୁଆରା ସିଲଡ୍‌ ଇଲିୟାସିବନ୍‌ ଆସିଙ୍‌ ପଡ଼ିଆ ଜାୟ୍‌ ବଡନେୟ୍‌ ବାର୍‌ମବ୍‌ନଙେନ୍‌ ।

22 ଆରି ଜିରୁସାଲମନ ଆତୟ୍‌ତୟ୍‌ ଆଡ୍ରକୋଲଞ୍ଜି ଆ ରାଓଡ଼ାଜି ବାର୍‌ମବ୍‌ନଙେଞ୍ଜି । 23 ଆନିଞ୍ଜି ସିଲଡ୍‌ ବିନ୍ନାମିନ୍‌ ଡ ଅସୁବ ଆମୁକ୍କାସିଙ୍‌ଗଡଞ୍ଜି ବାର୍‌ମବ୍‌ନଙେଞ୍ଜି । ଆନିଞ୍ଜି ସିଲଡ୍‌ ଅନନିୟାନ୍‌ ଆଉଲେଙ୍‌ ମାସେୟନ୍‌ ଆଡାଙ୍ଗାଡ଼ାଅନ୍‌ ଅସରିୟନ୍‌ ଆସିଙ୍‌ବାନ୍‌ ବାର୍‌ମବ୍‌ନଙେନ୍‌ । 24 ଏନାଦଦରନ୍‌ ଆଡାଙ୍ଗାଡ଼ାଅନ୍‌ ବିନୁୟିନ୍‌ ଅସରିୟନ୍‌ ଆସିଙ୍‌ ସିଲଡ୍‌ କିନ୍ତାଲନ୍‌ ଡ ଆ କୁନେନ୍‌ ଜାୟ୍‌ ଆନ୍ନା ବଡନେୟ୍‌ ବାର୍‌ମବ୍‌ନଙେନ୍‌ । 25 ଉସୟନ୍‌ ଆଡାଙ୍ଗାଡ଼ାଅନ୍‌ ପାଲାଲ୍‌ କିନ୍ତାଲନ୍‌ ଆଏଡେଡ୍‌ ଆମୁକ୍କା ସିପାଇସିଂଙନ୍‌ ଆମଙ୍‌ରେଙ୍‌ ଡେଙ୍ଗା ରାଜାସିଙନ୍‌ ଆତୁୟା ଜାଙ୍‌ଲନ୍‌ ଆମରେଲ୍‌ସିଙ୍‌ ଆତୁୟା ମରେଲସିଂଙନ୍‌ ବାର୍‌ମବ୍‌ନଙେନ୍‌ । ଆନିନ୍‌ ସିଲଡ୍‌ ପରିୟୋସନ୍‌ ଆଡାଙ୍ଗାଡ଼ାଅନ୍‌ ପଦାୟନ୍‌ ବାର୍‌ମବ୍‌ନଙେନ୍‌ । 26 କେନ୍‌ ଆଡିଡ୍‌ ଓପଲଲୋଙନ୍‌ ଆଡ୍ରକୋଲଞ୍ଜି ସେବାକାବ୍ବାଡ଼ାମରଞ୍ଜି ଗରନ୍ନେଡାନ୍‌ ଆ ଡରୁଙ୍‌ୟୋଙ୍‌ଗଡ୍‌ ଆମୁକ୍କା ଜାୟ୍‌ ଡ ଡାଣ୍ତନ୍‌ ଆମରେଲ୍‌ସିଙ୍‌ ଜାୟ୍‌ ବାର୍‌ମବ୍‌ନଙେନ୍‌ ।

27 ସିଲତ୍ତେ ତକୋୟିୟଞ୍ଜି ଡୁଆରାନ୍‌ ସୋଡ଼ା ମରେଲ୍‌ସିଙନ୍‌ ଆମୁକ୍କା ସିଲଡ୍‌ ଓପଲନ୍‌ ଆକିନ୍ତାଲ୍‌ ଜାୟ୍‌ ଆନ୍ନା ବଡନେୟ୍‌ ବାର୍‌ମବ୍‌ନଙେନ୍‌ । 28 ରାଓଡ଼ାଞ୍ଜି ରମ୍ମଙ୍‌ ରମ୍ମଙ୍‌ ଆସିଙ୍‌ ଆମୁକ୍କା କୁର୍ତା ଡୁଆରାନ୍‌ ଆ ତୋଣ୍ଡୋ ଗଡ୍‌ ଆଡନେୟ୍‌ ବାର୍‌ମବ୍‌ନଙେନ୍‌ । 29 ଆନିଞ୍ଜି ସିଲଡ୍‌ ଇମ୍ମେରନ୍‌ ଆଡାଙ୍ଗାଡ଼ାଅନ୍‌ ସାଦୋକନ୍‌ ଆସିଙନ୍‌ ଆମୁକ୍କାବା ବାର୍‌ମବ୍‌ନଙେନ୍‌ । ଆରି ଆନିନ୍‌ସିଲଡ୍‌ ଡରୁଙ୍‌ୟୋଙ୍‌-ଆଡୁଆରି ସକନିୟନ୍‌ ଆଡାଙ୍ଗାଡ଼ାଅନ୍‌ ସମୟୀୟନ୍‌ ବାର୍‌ମବ୍‌ନଙେନ୍‌ ।

30 ତିସିଲଡ୍‌ ସେଲିମିୟନ୍‌ ଆଡାଙ୍ଗାଡ଼ାଅନ୍‌ ଅନାନିଅନ୍‌ ଡ ସାଲପନ୍‌ ତୁଡ୍ରୁ ଆ ଡାଙ୍ଗାଡ଼ାଅନ୍‌ ଆନୁନ୍‌ ଆନ୍ନା ବଡନେୟ୍‌ ବାର୍ମନଙେନ୍‌ । ସିଲତ୍ତେ ବେରିକିଅନ୍‌ ଆଡାଙ୍ଗାଡ଼ାଅନ୍‌ ମସୁଲ୍ଲମ୍‌ ଆବକରାନ୍‌ ଆମୁକ୍କାବା ବାର୍ମନଙେନ୍‌ । 31 ସିଲତ୍ତେ ମଲ୍‌କିୟ ଆଞୁମ୍‌ମର୍‌ ଅବୟ୍‌ନେ ଆସୁନାରି ଅମିପ୍‌କଦ୍‌ ଆଡୁଆରା ଆମୁକ୍କାବାନ୍‌ ନତିନିୟଞ୍ଜି ଡ ବେବାରମରନ୍‌ ଆସିଙ୍‌ ଜାୟ୍‌, ଆରି କୁନେନ୍‌ ଆନୋନ୍‌ଡାୟ୍‌ ଜାୟ୍‌ ବାର୍‌ମବ୍‌ନଙେନ୍‌ । 32 ଆରି କୁନେନ୍‌ ଆନୋଡ୍ଡାୟ୍‌ ଡ ମେଣ୍ତାଡୁଆର୍‌ ଜାୟ୍‌ ସୁନାରିଞ୍ଜି ଡ ବେପାରମରଞ୍ଜି ବାର୍‌ମବ୍‌ନଙେଞ୍ଜି ।