ଜିରୁସାଲମନ୍ ଡକୋନ୍ଆମନ୍ରାଜି
1 ମନ୍ରାଞ୍ଜି ଆ ଆମ୍ମୁଙ୍ଗଡ୍ମରଞ୍ଜି ଜିରୁସାଲମଲୋଙନ୍ ଡକୋଲଞ୍ଜି, ଆରି ନିୟ୍ ଲାଙ୍ଲେଡ୍ ମନ୍ରାଞ୍ଜି ମଡ଼ିର୍ ଗଡ଼ା ଜିରୁସାଲମଲୋଙନ୍ ଡକୋନେନ୍ ଆସନ୍ ଅଡ଼୍କୋ ଦସଜଣଲୋଙଞ୍ଜି ଅବୟ୍ନେଆଡଙ୍ ତେତ୍ତେ ଆନୋରୋଙ୍ ଆସନ୍ ଡ ଲାଙ୍ଲେଡ୍ ନ ଜଣଞ୍ଜିଆଡଙ୍ ଆନ୍ନା ଆନ୍ନା ଗଡ଼ାରେଙନ୍ ଡକୋନେନ୍ ଆସନ୍ ଅବ୍କଡ଼ିଏଞ୍ଜି । 2 ଆରି ଆନାଜି ଜିରୁସାଲମଲୋଙନ୍ ଆଇସ୍ସୁମ୍ଡମଞ୍ଜି ଆତେ ଡକୋନେନ୍ ଆସନ୍ ଆଜିଞ୍ଜିଡମ୍ ସୋରୋପ୍ପାୟ୍ଡମ୍ଲଞ୍ଜି । ମନ୍ରାଞ୍ଜି ଆନିଞ୍ଜିଆଡଙ୍ ସେଙ୍କେଏଞ୍ଜି । 3 ଡେସାନ୍ ଡ ସୋଡ଼ାମରଞ୍ଜି ଜିରୁସାଲମ୍ଲୋଙ୍ ଡକୋଲଞ୍ଜି, ବନ୍ଡ ଜିଉଦାନ୍ ଆନା ଗଡ଼ାବାନ୍ ଆମନ୍ରାଜି, ଆଗ୍ରାମ୍ଗାମ୍, ଇସ୍ରାଏଲନ୍, ରାଓଡ଼ାଞ୍ଜି, ଲେବିଅଞ୍ଜି, ସରେବାସିଙନ୍ ଆକାବ୍ବାମର୍ଜି ଡ ସଲୋମନଞ୍ଜି କମ୍ୱାରିଜି ଆ ଅନଞ୍ଜି ଅଡ଼୍କୋନ୍ ରମ୍ମଙ୍ ରମ୍ମଙ୍ ଆଡନେନ୍ ମର୍ରଞ୍ଜି ଗଡ଼ାନ୍ ଡକୋଲଞ୍ଜି ।
ଜିଉଦାନ୍ ଆକେଜ୍ଜାମର୍ଜି
4 ଆରି ଜିଉଦା ଆ ଅନଞ୍ଜି ଲୋଙ୍ ଡ ବିନ୍ନାମିନ୍ ଆ ଅନଞ୍ଜିଲୋଙ୍ ଲାଙ୍ଲେଡ୍ ଜିରୁସାଲମ୍ରେଙନ୍ ଡକୋଲଞ୍ଜି । ଜିଉଦାନ୍ ଆନିଞ୍ଜି ଡ ଉସିଅନ୍ ଅତଆନ୍, ଉସିୟ ଜିକରିଅନ୍ ଆଅନ୍, ଜିକରିଅନ୍ ଅମରିଅନ୍ ଆଅନ୍, ଅମରିଅନ୍ ଆଅନ୍ ସପଟିଅନ୍ ଆଆନ୍, ପଟିଅନ୍ ଆଅନ୍ ମଅଲଲେନ୍ ଆଅନ୍, ମଅଲଲେଲନ୍ ପେରସ ଆନ୍ଲୋଙନ୍ ଅବୟ୍ନେ;
5 ଆରି, ବାରୁକନ୍ ଆଆନ୍ ମାସେଅନ୍, ତି ବାରୁକ୍ କଲେଆସିରିନ୍ ଆ ଅନ୍, କଲ୍ଅସି ଅସା ଅନ୍ ଆଅନ୍, ଅସାଅନ୍ ଆଅନ୍, ଅଦାୟନ୍ ଜୋଆରିବନ୍ ଆଅନ୍, ଜୋଆରିବନ୍ ଜିକରିଅନ୍ ଆଅନ୍, ଜିକରିଅନ୍ ସିଲିନିନ୍ ଆଅନ୍ । 6 ପେରସନ୍ ଆଅନ୍ ଅଡ଼୍କୋନ୍ ଉଞ୍ଜି ସଅ ଅଟସଟି ମନ୍ରାନ୍ଲୋଙନ୍ ଅବୟ୍ନେ ବୋର୍ସା ଓବ୍ବାମରନ୍ ଜିରୁସାଲମନ୍ ଡକୋଲନ୍ ।
ବିନ୍ନାମିନଞ୍ଜି ଆକେଜ୍ଜାମର୍
7 ବିନ୍ନାମିନ୍ ଆଅଞ୍ଜି, ମସୁଲ୍ଲମନ୍ ଆଅନ୍ ସଲ୍ଲୁ, ତି ମସୁଲ୍ଲମନ୍ ଜୋୟେଦନ୍ ଆଅନ୍, ଜୋଏଦନ୍ ପଦୟନ୍ ଆ ଆନ୍, ପଦାୟନ୍ କୋଲାୟାରନ୍ ଆ ଅନ୍, କୋଲାୟନ୍ ମାସେଅନ୍ ଆ ଅନ୍, ମାସେୟନ୍ ଇତିଏଲନ୍ ଆ ଅନ୍, ଇତିଏଲନ୍ ଜିସାୟାଅନ୍ ଆ ଅନ୍ ।
8 ଆରି, ଆନିନ୍ ଅମ୍ରେଙ୍ଲେ ଗଦୟ, ସଲ୍ଲନ୍ ଆରି ନ ସଅ ଉଞ୍ଜିକୁଡ଼ି ଆଟ ମନ୍ରା । 9 ଆରି, ସିକ୍ରରନ୍ ଆଅନ୍ ଜୋଏଲନ୍ ଆ ସୋଡ଼ାଞ୍ଜି ଡକୋଏନ୍ ଡ ଅସନୁଏଲ ଆଅନ୍ ଜିଉଦାନ୍ ଗଡ଼ାଲୋଙ୍ ଅନବ୍ବାଗୁ ସୋଡ଼ାମର୍ ଡକୋଏନ୍ ।
ରାଓଡ଼ାଞ୍ଜି ଆକେଜ୍ଜାମର୍
10 ରାଓଡ଼ାମର୍ରଞ୍ଜିଲୋଙନ୍, ଜୋଆରିବନ୍ ଆ ଅନ୍ ଜିଦୟିଅନ୍, ଜାକିନ୍, 11 ଇଲ୍କିଅନ୍ ଆଅନ୍ ସରାଅନ୍, ତି ଇଲ୍କିଆ ମସୁଲ୍ଲମନ୍ ଆଅନ୍, ମସୁଲ୍ଲମନ୍ ସାଦୋକନ୍ ଆଅନ୍, ସାଦୋକନ୍ ମରାୟୋତନ୍ ଆଅନ୍, ମରାଏତନ୍ ଅଇଟୁବନ୍ ଆଅନ୍, ଅଇଟୁବନ୍ ଇସ୍ୱରନ୍ ଆସିଙ୍ ଆ ସୋଡ଼ାମର୍ ଡକୋଏନ୍ । 12 ଆବୋଞାଙ୍ଜି ଅସିଙ୍ କାବ୍ବାଡ଼ାନ୍ ଆଟ ସଅ ବାଇସି ମନ୍ରାନ୍ ଡକୋଲଞ୍ଜି; ଆରି, ଜିରୋଅମ୍ ଆଅନ୍ ଅଦାୟା, ତି ଜିରୋଅମ୍ ପଲଲିୟନ୍ ଆଅନ୍, ପଲଲିଅନ୍ ଅମସିରନ୍ ଆଅନ୍, ଅମ୍ସି ଜିକରିୟନନ୍ ଆଅନ୍, ଜିକରିଅନ୍ ପସ୍ଉରନ୍, ଜିକରିଅନ୍ ପସ୍ଉରନ୍ ଆଅନ୍, ପସ୍ଉରନ ମଲ୍କିଅନ୍ ଆଅନ୍, 13 ଆରି ଆଦାୟାନ୍ ଆ ବୋଞାଙଞ୍ଜି ବାଗୁ ସଅ ବାକୁଡ଼ି ବାଗୁ ମନ୍ରା ଆପ୍ପେୟନ୍ ଆ କେଜ୍ଜାଲୋଙ୍ ମୁଡ଼ମର୍ଜି ଡକୋଏଞ୍ଜି; ଅସରେଲନ୍ ଆ ଡାଙ୍ଗାଡ଼ାଅନ୍ ଅମସୟନ୍, ତି ଆ ଅସରେଲ୍ ଅଅସୟନ୍ ଆ ଡାଙ୍ଗାଡ଼ାଅନ୍, ଅଅସୟନ୍ ମସିଲ୍ଲେମୋତନ୍ ଆ ଡାଙ୍ଗାଡ଼ାଅନ୍, ମସିଲ୍ଲେମୋତନ୍ ଇମ୍ମେତରନ୍ ଆ ଡାଙ୍ଗାଡ଼ାଅନ୍ 14 ଆରି ଆବୋଞାଙଞ୍ଜି ବସଅ ଉଞ୍ଜିକୁଡ଼ିଆଟ ମନ୍ରାନ୍ ବୋର୍ସାନ୍ ଓବାମର୍ରଞ୍ଜି ଡକୋଲଞ୍ଜି କି ଅଗ୍ଦୋଲିମ ଆ ଅନ୍ ସବ୍ଦିଏଲନ୍ ଆ ସୋଡ଼ାମର୍ ଡକୋଏଞ୍ଜି ।
ଲେବିଅଞ୍ଜି ଆକେଜ୍ଜାମର୍ଜି
15 ଲେବିଅଞ୍ଜିଲୋଙ୍ ଅସୁବନ୍ ଆଅନ୍ ସମୟିୟ, ତି ଅସୁବ୍ ଅସ୍ରିକାମନ୍ ଆଆନ୍, ଅସ୍ରିକାମ ଅସବିଅନ୍ ଆଅନ୍, ଅସବିଅନ୍ ବୁନ୍ନିନ୍ ଆ ଅନ୍; 16 ଆରି, ଲେବିଅଞ୍ଜି ଆ ସୋଡ଼ାଲୋଙ୍ ସବ୍ବତୟ, ଜୋସାବଦ୍ ଇସ୍ୱରନ୍ ଆସିଙ୍ କାବ୍ବାଡ଼ା ଡୁଆରାନ୍ ଆସୋଡ଼ା ଡକୋଏନ୍ । 17 ଆରି ଆସପନ୍ ଆକେଜ୍ଜାଜି ସବ୍ଦିରନ୍ ଆଉଲେଙ୍ ମିକାରନ୍ ଆଅନ୍ ମତନିୟନ୍ ପାର୍ତନା ଇଙନ୍ ସନେନ୍ସେନନ୍ ଆତନିଲୋଙ୍ ସୋଡ଼ା ଡକୋଏନ୍ ଆରି ଆବୋଞାଲୋଙନ୍ ନିୟ୍ ବକ୍ବୁକିୟନ୍ ବାଗୁ; ଜିଦୁତୁନ୍ ଆକେଜ୍ଜା ଗାଲଲରନ୍ ଆଉଲେଙ୍ ସମ୍ମୁୟରନ୍ ଆ ଆନ୍ ଅବ୍ଦନ୍ । 18 ମଡ଼ିର୍ ଗଡ଼ା ଜିରୁସାଲମନ୍ ଲେବିଅଞ୍ଜି ଅଡ଼୍କୋନ୍ ବାଗୁ ସଅ ଉଞ୍ଜିକୁଡ଼ିଉଞ୍ଜି ମନ୍ରା ଡକୋଏନ୍ ।
ସରେବାସିଙନ୍ ଆଜନଗ୍ଗେମର୍ଜି
19 ଆରି, ଡୁଆରାନ୍ ଆଜ୍ଗେମର୍ ଅକ୍କୁବନ୍, ଟଲମନ୍ ଗଡ଼ାନ୍ ଆସନଙ୍ରେଙ୍ ଜନଗ୍ଗେମର୍ରଞ୍ଜି ଆବୋଞାଞ୍ଜି ବସଅ ବାସ୍ତରି ମନ୍ରାନ୍ ଡକୋଏନ୍ । 20 ଆରି, ଇସ୍ରାଏଲନ୍, ରାଓଡ଼ାଞ୍ଜି, ଲେବିଅଞ୍ଜି ଲାଙ୍ଲେଡ୍ ମନ୍ରାନ୍ ଜିଉଦାନ୍ ଅଡ଼୍କୋନ୍ ଆଗଡ଼ାରେଙ୍ ରମ୍ମଙ୍ ରମ୍ମଙ୍ ଆଡ୍ରକୋନେଲୋଙ୍ ଡକୋଲଞ୍ଜି । 21 ଜିରୁସାମନ୍ ଆଡ୍ରକୋଲଞ୍ଜି ଆମନ୍ରାଜି ଓପଲଲଙନ୍ ଡକୋଲଞ୍ଜି; ଆରି ସିଅନ୍ ଡ ଗିସ୍ପନ୍ ସେବାକାବ୍ବମରଞ୍ଜି ଆସୋଡ଼ାମର୍ ଡକୋଏନ୍ । 22 ଆସପନ୍ ଆକେଜ୍ଜା ଗନନମର୍ରଞ୍ଜିଲୋଙନ୍ ମିକାରନ୍ ଆଉଲେଙ୍, ମତ୍ତନିଅନ୍ ଆଉଲେଙ୍, ଅସବିଅନ୍ ଆଉଲେଙ୍, ବାନିନ୍ ଆ ଅନ୍ ଉସି ଜିରୁସାଲନ୍ଲୋଙନ୍ ଲେବିଅଞ୍ଜି ଆସୋଡ଼ା ଡକୋଏନ୍, ଆନିନ୍ ନିୟ୍ ଇସ୍ୱରନ୍ ଆସିଂ ଆକାବାଡ଼ାଜି ଲୁମେନ୍ । 23 ଇନିଆସନ୍ଗାମେଣ୍ତେନ୍ ଆବିସୟଞ୍ଜି ରାଜାନ୍ ଆବନାୟ୍ ଡକୋଏନ୍ ଡ ଆଏଡ଼ର୍ କନନ୍ମରଞ୍ଜି ଆବାଗାଞ୍ଜି ତନିୟନ୍ ଡେଏନ୍ । 24 ଆରି ଜିଉଦାନ୍ ଆ ଅନ୍ ସେରଅନ୍ ଆ କେଜ୍ଜାମର୍ର ମସେସବେଲନ୍ ଆ ଅନ୍ ପତାଇଅ ମର୍ରଞ୍ଜି ଅଡ଼୍କୋନ୍ ଆକାବାଡ଼ାଜି ରାଜାନ୍ ଆମଙ୍ ଡକୋଲନ୍ ।
ଆନ୍ନା ଗଡ଼ାନ୍ ଡ ଆଡେସାମର୍ଜି
25 ଆରି ଜିଉଦାନ୍ ଆ ଡାଙ୍ଗଡ଼ଅଞ୍ଜିଲୋଙ୍ ଲାଙ୍ଲେଡ୍ ଆନା ସାଇମର୍ରଞ୍ଜି ତିଲୋଙ୍, ଆଗ୍ରାମ୍ଗାମ୍, କିରିଅତ୍ ଅର୍ବ ତି ଆତୋଣ୍ତୁଲୋଙ୍ ଗଡ଼ାନ୍, ଦିବୋନ ତି ସନାସନା ଗଡ଼ାନ୍ରେଙନ୍, ଜିକବେସଲନ୍ ଡ ତି ଆସାଇ; 26 ଆରି ଜେସୁଅଲୋଙ୍, ମୋଲାଦାରେଙ୍ ଡ ବେତପେଲଟନଲୋଙ୍; 27 ଆରି ଅତ୍ସର ସୁଆଲେର, ବେର୍ସେବା ତିଲୋଙ୍ ସନ୍ନା ଗଡ଼ାଲୋଙନ୍; 28 ଆରି ସିକ୍ଲଗଲୋଙନ୍, ମକୋନା ତେତ୍ତେ ସନ୍ନା ଗଡ଼ାଲୋଙନ୍; 29 ଆରି ଉନ-ରିମୋଣଲୋଙନ୍, ସରାୟ ଡ ଜର୍ମୁତରଲୋଙନ୍; 30 ସାନୋଅ, ଅଦୁଲ୍ଲମନ୍ ଡ ତିଲୋଙନ୍ ସାଇନ୍, ତିଲୋଙ୍ ଲାକିସ୍ ଆବସେଙ୍, ଅସେକାନ୍ ଡ ସନାଗଡ଼ାଲୋଙନ୍ ଡକୋଲଞ୍ଜି । କେନ୍ ଅନ୍ତମ୍ ଆନିଞ୍ଜି ବେର୍ସେବାନ୍ ସିଲଡ୍ ଇନ୍ନୋମନ୍ ଆଗର୍ଡଲୋଙ୍ ଜାୟ୍ ତମ୍ବୁସିଙନ୍ ତୁବେନ୍ । 31 ବିନ୍ନାମିନ୍ ଆଅନଞ୍ଜି ଗେବାନ୍ ସିଲଡ୍ ଆମ୍ମୁଙ୍ ମିକ୍ମସ୍ ଡ ଅୟାରେନ୍, ବେତେଲନ୍ ତିଅନ୍ତମ୍ ସନ୍ନା ଗଡ଼ାଲୋଙନ୍; 32 ଅନାତୋତ୍, ନୋବନ୍ ଡ ଅନନିଆନଲୋଙ୍; 33 ଆସୋର, ରାମା, ଗିତଅମନ୍ଲୋଙ୍; 34 ଆଦିଦନ୍, ସବୋଅମନ୍, ନବଲ୍ଲାଟନ୍ଲୋଙନ୍ 35 ଲୋଦନ୍ ଡ ଓନୋ, ମୁଲିମର୍ରଞ୍ଜି ଅନେଙଗର୍ଡଲୋଙ୍ ଡକୋଲଞ୍ଜି । 36 ଆରି ଜିଉଦାନ୍ ଆକୁଲମଞ୍ଜି ଆପାଲ୍ତେଙ୍ ଲାଙ୍ଲେନେ ଲେବିଅମରଞ୍ଜି ବିନ୍ନାମିନ୍ ସରିନ୍ ମାୟଲନ୍ ଡକୋଲଞ୍ଜି
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)