କାବ୍ବାଡ଼ାଲୋଙନ୍ ଡନଙ୍ଡଙନ୍
1 ବନ୍ଡ ଇନ୍ଲେଞ୍ଜି କିନ୍ତାଲନ୍ ଏତୁବ୍ତାୟ୍ ଗାମ୍ଲେ ସନ୍ବଲ୍ଲଟନ୍ ଅମ୍ଡଙ୍ଲେ ବରାବେନ୍ ଆରି ଗୋଗୋୟ୍ ବିଜାରଡେନ୍ କି ଜିଉଦିଞ୍ଜିଆଡଙ୍ ତିକ୍କଲାୟେନ୍ । 2 ଆରି, ଆ ବୋଞାଙଞ୍ଜି ଡ ସମରିୟା ସିପ୍ପାଇଡଡ଼ନ୍ ଆତେମଡ୍ଲୋଙ୍ କେନ୍ ଆବର୍ନେ ବର୍ନେ, "କେନ୍ ବୋର୍ସାତଡଞ୍ଜି ଆ ଜିଉଦିଜି ଇନି ଏଙ୍ଗାତଞ୍ଜି ? ଆନିଞ୍ଜି ଇନି ଗଡ଼ାନ୍ ଆକିନ୍ତାଲ୍ ତୁବ୍ଲେ ଡକୋତଞ୍ଜି ? ଆନିଞ୍ଜି ଇନି ଅନମଙ୍ନ ତିୟ୍ତଜି ? ଆନିଞ୍ଜି ଇନି ଆବଡିନ୍ନାନ୍ ଅବ୍ଞିଡ୍ତଜି ? ଆନିଞ୍ଜି ଇନି ଆରୁଡ଼ାଙ୍ କିନ୍ତାଲନ୍ ଆକୁଡ଼ାୟ୍ ଅରେଙନ୍ ସିଲଡ୍ ଆଜୋମ୍ତୋଡନ୍ ଆରେଙ୍ ତବ୍ଲେ ଅବ୍ମେଙ୍ତଜି ପଙ୍ ?"
3 କେନ୍ ଆଡିଡ୍ ଆମ୍ମୋନିୟ ଟୋବିଅନ୍ ଆମଙନ୍ ଡକୋଏନ୍, ଆରି ଆନିନ୍ ବର୍ନେ, "ଆନିଞ୍ଜି ଇନିଜି ତୁବ୍ତଜି, ବୋଡ଼ାନ୍ ଡାଜେନ୍ଡେନ୍ ଆରେଙଞ୍ଜି ଆପାଡ଼ି ରୁବ୍ଡ଼ାଙ୍ତେ ।"
4 ଏ ଇସ୍ୱରଲେନ୍, ଅମ୍ଡଙା; ଇନିଆସନ୍ଗାମେଣ୍ତେନ୍ ଇନ୍ଲେଞ୍ଜି ବନାସ୍ସେଡାତଲେନ୍; ଆସନୟ୍ସୟ୍ମୁଞ୍ଜି ଆବବ୍ଲୋଙଞ୍ଜି ମା ଗବ୍ତରା ଆରି ଆନିଞ୍ଜିଆଡଙ୍ ବଡେସାଲୋଙ୍ ଅବଣ୍ତିଲେ ଜୁରୁଲେ ସୁରୁପାୟାଜି; 5 ଆରି ଆଡୋସାଞ୍ଜି ଏବ୍ସସଡଙ୍ ଆରି ମୁକ୍କାଲୋଙ୍ନମ୍ ଆ ଇର୍ସେଞ୍ଜି କେମାନ୍ ଞାଙ୍ଡଙେଜିତଡ୍; ଇନିଆସନ୍ଗାମେଣ୍ତେନ୍ ତନ୍ରୁବ୍ମରଞ୍ଜି ଆଗନିୟ୍ଗିୟ୍ଲୋଙ୍ ଆନିଞ୍ଜି ଆମନ୍ଆଡଙ୍ ଗବ୍ରୟ୍ଲିଞ୍ଜି। 6 କେନ୍ଅନ୍ତମ୍ ଇନ୍ଲେଞ୍ଜି କିନ୍ତାଲନ୍ ଏତୁବ୍ଲାୟ୍ ଆରି ବରନେୟ୍ ଆଡନେଙ୍ଗାନ୍ ଜାୟ୍ ସମ୍ପରାନ୍ ଆକିନ୍ତାଲ୍ ଏବ୍ମାୟ୍ମାୟ୍ଲାୟ୍; ଇନିଆସନ୍ଗାମେଣ୍ତେନ୍ କାବ୍ବାଡ଼ାନ୍ ଆଲନୁମ୍ ଆସନ୍ ମନ୍ରାଞ୍ଜି ଆ ମନ୍ନ ଡକୋଏନ୍ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)