ଏଜ୍ରାନ୍ ବନାଁୟ୍ବର୍ ଆ ପଡ଼େନେ
1 ଆରି ଅଡ଼୍କୋ ମନ୍ରା ଆବଅନିୟମନ୍ ଆସନ୍ ଡାଆଡୁଆରାନ୍ ଆଜନିର୍ ଆମୁକ୍କାବା ଆ ସକଲୋଙ୍ ରୁକୁଲଞ୍ଜି; ଆରି, ଇସ୍ରାଏଲନ୍ଆଡଙ୍ ପ୍ରବୁନ୍ ଆତ୍ରିୟେନ୍ ମସାନ୍ ଆ ବନାଁୟ୍ବର୍ ବଇ ଆପନାଙ୍ ଆସନ୍ ଆନିଞ୍ଜି ଏଜ୍ରା ଞନଙ୍ମରନ୍ଆଡଙ୍ ବାଞେଞ୍ଜି । 2 ସିଲତ୍ତେ ସାତ ଆଙ୍ଗାୟ୍ ଆପର୍ତମ୍ମୁ ଡିନ୍ନାଲୋଙ୍, ଏଜ୍ରା ରାଓଡ଼ାନ୍ ଓବ୍ବାମରନ୍ ଡ ଆଇମରନ୍ ଡିଅଙ୍ମନ୍ରା ଅମ୍ଡଙ୍ଲେ ଜନାଲେ ରପ୍ତିତଜି, ତି ଅଡ଼୍କୋନ୍ ଆରନୁକୁ ଆତେମଡ୍ବା ତି ଆ ବନାଁୟ୍ବର୍ ବଇନ୍ ପାଙ୍ଲାଜି । 3 ସିଲତ୍ତେ ତି ଡାଆନ୍ ଆଜନିର୍ ଆମୁକ୍କାବା ଆ ସକଲୋଙ୍, ଓବ୍ବାମରନ୍ ଡ ଆଇମରନ୍ ଡିଅଙ୍ମନ୍ରା ଜନାଲେ ରପ୍ତିତଜି, ତି ଅଡ଼୍କୋଞ୍ଜି ଆତେମଡ୍ଲୋଙ୍ ଡୋତାନ୍ ସିଲଡ୍ ତମ୍ୱାଓଲେନ୍ ଜାୟ୍ ତି ଆ ବଇ ସିଲଡ୍ ପଡ଼େଲନେ; ଆରି ଅଡ଼୍କୋନ୍ ମନ୍ରା ବନାଁୟ୍ବର୍ ଆବଇଜି ଡାଲୁଡ୍ଲେ ଅମ୍ଡଙେଞ୍ଜି ।
8 ଆରି, ଆନିଞ୍ଜି ରୟ୍ଲଙ୍ ଇସ୍ୱରନ୍ ଆ ବନାଁୟ୍ବର୍ ବଇ ସିଲଡ୍ ପଡ଼େଲଞ୍ଜି ଆରି ଆନିଞ୍ଜି ତି ଆଗ୍ରାମ୍ଗାମ୍ ଅବ୍ଜନାଏଞ୍ଜି, ସିଲତ୍ତେ ମନ୍ରାଞ୍ଜି ପଡ଼େନେନ୍ ଗନ୍ଲୁଡେଞ୍ଜି ।
18 ଆରି ଏଜ୍ରାନ୍ ଆପର୍ତମ୍ମୁ ଡିନ୍ନାନ୍ ସିଲଡ୍ ଆନଞିଡ୍ ଡିନ୍ନା ଜାୟ୍ ଆଏଡ଼ର୍ ଇସ୍ୱରନ୍ ଆ ବନାଁୟ୍ବର୍ ବଇ ସିଲଡ୍ ପଡ଼େଲନେ । ଆରି, ମନ୍ରାଞ୍ଜି ସାତ ଡିନ୍ନା ଜାୟ୍ ପୁପୁରନ୍ ପାଡ଼େଏଞ୍ଜି; ଆରି, ବନାଁୟ୍ବରନ୍ ଅନ୍ତମ୍ ଆଟ ଡିନ୍ନାଲୋଙ୍ ସୋଡ଼ା ସବାନ୍ ଡେଏନ୍ ।