ଗୁନଡମନ୍ ଆଇବୟ୍
10 ଗୁନଡମନ୍ ଆଇବୟ୍ ଆନା ଞାଙ୍ଲେ ରପ୍ତିଏ ? ତିଆତେ ମୁକ୍ତାନ୍ ସିଲଡ୍ ଗୋଗୋୟ୍ ମଡ଼ାଗା । 13 ଆନିନ୍ ମେଣ୍ତାନ୍ ଆଉପୁର୍ ଡ ଲମନ୍କାବ୍31:13 ସାୟ୍ଲେ ଆସିଡମନ୍ ବାତ୍ତେ ସପାନ୍ ପଡ୍ତେ । 14 ଆନିନ୍ ବେପାର ଜାଜନ୍ ଅନ୍ତମ୍; ଆନିନ୍ ସଙାୟ୍ ସିଲଡ୍ ଆଜନୋମନ୍ ପାଙ୍ତାୟ୍ । 15 ଆରି ଆନିନ୍ ଅନ୍ରଙ୍ତଗାଡେନ୍ ଆମ୍ମୁଙ୍ ଆସିଙ୍ମରଞ୍ଜି ଆସନ୍ ଡିଁୟ୍ଡିଁୟ୍ତନ୍ ଆରି ଡିଲେ କମ୍ୱାରିବଜଞ୍ଜିଆଡଙ୍ ରମ୍ମଙ୍ ରମ୍ମଙ୍ ଆକାବ୍ବାଡ଼ା ବାଁୟ୍ତଜି । 16 ଆନିନ୍ ବସେଙନ୍ ସେକୁଲେ ଞିତେ,ଆରି ଆନିନ୍ ଦ୍ରାକ୍ୟାନୁବନ୍ ଗୁତେ । 17 ଆନିନ୍ ଆ ବପ୍ପୁଡମନ୍ ବାତ୍ତେ ରେବ୍ଡୁବ୍ତନ୍ ଆରି ଆନିନ୍ଡମନ୍ ଆଡେନ୍ନା ଅବୋର୍ସାତେ । 18 ଆନିନ୍ ଆବେପାରନ୍ ଲାବତେ ଗାମ୍ଲେ ଜନାତେ ଆରି ଆନିନ୍ ତଗଲନ୍ ଆ ପିଙ୍କତୋଡନ୍ ଅପଞିଡେ । 20 ଆନିନ୍ ଡୁକ୍କମରଞ୍ଜି ଡ ଡୋଲେୟ୍ମରଞ୍ଜି ଆଡଅଙ୍ ଗିୟ୍ଲେ ଉର୍ପାଡ୍ସିଲନ୍ ତନିୟ୍ତିୟନ୍ ତିୟ୍ତେ । 24 ଆନିନ୍ ଲମନ୍କାବନ୍ ତୁବ୍ଲେ ତମ୍ତେ,ଆରି ବେପାରମରଞ୍ଜି ଆସିଲୋଙ୍ ରନେଡ୍ଡୁବନ୍ ତମ୍ତେ ।