Resultados da busca por "fé"

36Te, enene bitno mina ama ka gigledi ta dikraiglkwa paugwa. I siragl pre ene bitno yugo i, ikan unabedi eraiglkwa mo kama panabedi eraiglkwa i, ene kuno ta erekrikwa.

37Ene owo dinaiglkwa panan, ene owo keme dio. Mo, ene mane dinaiglkwa panan, mane keme dio. Ba ene kano si gigle dinagledi taragl tau kagno daiglbi, yagl kide ene nomane togwa mere yegl pamiwe dugwa.

42Yoba ene taraglno pre yana dibi, ene ye dinaiglmere teo. Mo, ye dina ta eramne dibi, ene mane dikrio di, Jisas yegl dugwa.

1Ana abaro Fibi ye kuri ta mogl, no kide kodo, ene meglmara unabuka. Ye unan, ene ye kogl kare di, di inaiglmedi prika. Fibi i, ye Jisas yugobunomo dumo Senkria meglkwa i, ake ple di togwa abu moglkwa.

6Te, na abu Maria ama di wakai yei teiga. Ye ene ake ple di tedre, kogon podo ene meglmara ere togwa.

27God moglkwa i, ye swara nomanemo podo pai, pai kawa togo, ye Jisas Krais kogon erumara i mina nono ere yugwa pre nono ye kagie kade aimadi kamin te pai moramga. Kaima.

2Ana ene meglkwa i, ene no deno muduno noraiglkwa paugwa. I siragl pre no munga i, ene Korin yoba meglkwa i swarano ta aglau ere tedre, ere kide ere tekrumga. Te, no ene swarano ta bakagl tekrumga.

12Ana na pepa ta ene bogl teiga ikra, na yoba ta mabuno kide erukwa i ake ple di tenagledi boglkrika. Te, ye yoba ta ere kide ere togwa yobamo i ama ake ple di tenagledi boglkrika ba ene mudu nomane idre, no kano duglo boramnedi praiglkwa pre boglka. Te, pepa i mina God ene nomane tenan, ene mabuno kor ersre, gun yei, wakai erumnedi praiglkwa pre na pepa i boglka.

16Te, na erme gun podo yeiga. I siragl pre ene mabuno wakai keme ere pai moraiglkwa mere yegl pamedi prisre, gun yeiga.

5Na erme dumo Efesus moglka i, kuri ta mogl, dumo i kide kodo, provins Masedonia suna i tau wan moglsre, okuo ene Korin yoba meglmara u ene kanagledi prika.

5Ene Krais Jisas nomanemo pamere yegl, nomane inaiglkwa paugwa. Ye nomanemo paugwa i, yegl paugwa,

7Krais ye yene ake atne kaima edidre, u yoba ogwa. Ye u yoba pidre, yoba mudu niglno kogono yoba mere yegl moglkwa.

9Ana Jisas ye yene ake atne kaima edidre, goglkwa i pre God ere mogl, ye ake mitna kaima edidre, kagie podo kide togwa. Yoba kagno kade ta igwa i mudu mogl atne kaima edigo, Jisas swara kagie podo kide yugwa.

20Ana Josep dumo Isip moglkwa igne, ye ere mogl, abu Asenat yugo, ye yagl gak suo kiurka, kagno Manase ya Efraim. Asenat, ye Potifera abuglo moglkwa. Potifera i, ye dumo Heliopolis moglsre, Isip yoba godno tawa togwa yagle moglkwa.

1Ana okna ibo God ye ege mere nono kowano awano ka di togwa igne, ye kamo kep yoba meglkwa i, nomane togo, ye kamo i pi kowano awanoma di teigwa. Te, God ye ka kep yoba nomane togwa i, konbauna kane kane mina nomane togwa.

4Ana God ye Wam kagie podo kide togwa pre ye kagie pai mitna edugo, angelo mudu kagno pai atne edugo, erukwa. Yegl pre God Wam swara i, mogl mitna kaima edidre, angelo mudu egre togwa.

10Ana God ye Wam pre ka ta ama yegl dugwa,Yagl Kade yo, ene okna ibo dumo makan beke yenga.Te, kamun mitna ibo paugwa i, ene ere yenga yagle motnga.

2yoba mere kide prisre, ede u Jisas yugugl moglmara ikra wigwa. U yugugl ya yugu dramugl i kau si kodigwa. Kau si kodigo, Jisas ye ka mabuno di togwa.

13Ana Jisas ere mogl, aglke ede ikne pi nigl nubun Galili we dimara bina pi moglko, yoba mere kide ye moglmara ede eigwa. Eigo, Jisas ye ka mabuno di togwa.

27God wakan kade i pere edugwa i, ye yoba mawagl pamara atne kane panaiglkwa pre i pere edekrukwa. Yoba wakan meglbi, ame wakai dinaiglkwa pre i pere edugwa.

9Yoba ta ene ere kide ere tenan, ene mabuno kide ere te ikne edekrio. Te, yoba ta ene ka kide di tenan, ene ka kide di ikne edekre, God ye ere wakai ere tenabedi agle dio. I siragl pre God ene agle dugwa i, ene yoba pere ere wakai ere tenaiglmedi agle dugwa. Te, God ama di paduglkwa i, ene yoba pere ere wakai ere tebi, ye ama ene ere wakai ere tenagledi di paduglkwa.

13Ana ene mabuno wakai keme eramnedi kogon podo eribi, yoba ta ene ere kide ere tenaiglmo? Ta ere tekraiglkwa.

16Ba ene ka di ikne edenaiglkwa i, ene God kuduglmo goglsre, mogl atne ede, ka di ikne edenaiglkwa paugwa.Te, ene ege ege mabuno tau wakai pamedi praiglkwa i keme erio. Ene yegl eribi, yoba kenaglno sidre, ene ere kide ere teigwa i, ene Krais mabunomo duglo boglsre, mabuno wakai erimedi kandre, nomane idre, agai goraiglkwa paugwa.

5Te, Jekop wam ta Josep okna kana pi, Isip kipai moglko, agiglema tau neno bogl okuo eigwa. Jekop gagiglma ya gawama i swara ede, 70-pela meglkwa.

10Ye u mere kide kaima pi meglbi, kuda ta panan, ye nono kudano ikne ake ple di tedre, kuda bogl noraiglkwa mere yegl pamedi kaniga. Kuda bogl norsre, ye dumo Isip kide kodidre, ede enaiglkwa. Yegl pre ye u mere kide pi dinaiglkwa pre nono konbauna ta dokidre, si kegl dinamniwe di, yegl dugwa.

20,21Abu suo i ye God kuduglmo giurka pre God ye ere wakai ere tedre, yene gagro ama kurabredi ere edugwa. Te, Israel yoba we, ye gak mere kide kiglko, mere kide meglkwa.

5ye nigl tau toide dis mina ede, ye duglo beglkwa yagl kaglno nigl kogl togwa. Nigl kogl tedre, ye taul pre paduglkwa i mina nigl koko ede te ugwa.

17Ene mabuno i, pre kan ere, duglo beglbi, God ene ere wakai ere tenan, gun yenaiglmiwe dugwa.

32Ana God na mina kagie kade inabuka pre ye yene ere mogl, na kagna kade narabuka. Te, ye yegl ere narabuka i, sugl ta moglkre, tabre narabiwe dugwa.

2,3Ana angelo 4-pela i, God ye dumo makan ya mudi nigl ere kide ere tenaiglmedi yobuglo togwa ba angelo pere ta ama ade umara ede egli udre, ka podo di, angelo 4-pela i yegl di togwa, Ene kan molo! No God niglmo kogonmo yoba meglkwa i, mabro mina muno gane ere padigl te kodumdre, ene dumo makan, mudi nigl, ya ede pra, okuo ere kide eraiglmiwe dugwa. Te, angelo i, taragl ta ake moglkwa i, God kor aimadi moglkwa i, ye yobama muno ganemo ere tenabuka taragl i, ake moglkwa.

15Yegl pre ye God siamo king yomara magigl moglsre, etne ya eduer ye yugumo yomara magigl i yugugl mogl, ye kogonmo ere teigwa. God, ye sia king mina ame di moglkwa i, ye sel yugumo ye meglmara tebe i, kei padran,

16ye ege swara ta kidan goglsre, nigl goglsre, erekraiglkwa. Te, ye ama ade dekre, niga dikrabuka.

22Yegl dugo, soldia bitno moglkwa yagl kade i ye di te, yegl dugwa, Ene erme u ka na di natnga i, yoba swara ta di tekro! didre, ye dedugo, Pol abauglo wam i, ede ogwa.

5Neno Kade aimadi kamin kagie kade te pai moramga. Ka kaima.

8Ene prio! No okna ene meglmara udre, Jisas kamo wakai pamere beke tomga ba yoba ta okuo udre, ka pere ta yu ene di tenan, God yoba i ere kide ere tenabedi prika. Yoba yoko mo, nono Jisas dedugwa yoba munga i mo, angelo ta heven ibo mogl, atne u dinabuka i, pra, God ye ere kide ere tenabedi prika.

24Pol moglmara God kogon podo erumedi ye kagie kade teigwa.

1Ana Jisas ye yagl kade wagle ka ebrie swara ta ama di tedre, yegl dugwa,

5Ye dumere pi yegl di teigwa ba ye kano pra kiure, yene kogono mina eigwa. Ta ede pi kaya mokna ere yaglmara enagliwe dugo, ta yene kogonmo sugl moragledi ede ogo,

31Ba yoba geglkwa adigl u kor enaiglkwa paugwa i, God kamo ene di nogugl ede te kodugwa ba ene kere kankrikwa paugwa. God kamo yegl dugwa,

5Enene pre kan erikwa i, no okna ene meglmara kogon erumga igne, no ege swara kaima ta ene no wakai kanaiglmedi kinano ta sikrumga. Te, God ama kan pogl sugwa i, no kogon erumnara mige moni mere noribi, i nenamnedi prikrumga.

11Te, ene ama pre kan erikwa i, nenoma siragl mere ta ere gagroma tenaiglmere mere yegl no ersre, ene deno muduno si gigle di tedre, deno muduno wida di inaiglmedi erumga. Te, no okna ene God mabunomo duglo boraiglmedi ege mere ka di tomga.

19Ene prio! Nono Yaglno Kade Jisas ede ikne unabuka igne, no ye gumamugl adigl mun, ene ama no moramnara i akie adigl moramga. Ene bogl akie moramga i, i swara no kogon erumnara topo wakai kaima imga mere yegl panabuka. Te, mem i swara pre no kogon wakai erumiwedi prisre, gun yenamga. Te, erme no Jisas unabedi sugl moglsre, gun yomga i, i siragl pre no prumga, ene bogl akie Jisas gumamugl adigl moramga pamedi prisre, gun yomga.

9Krais goglsre, adigl u kor ogwa i, ye nono mudu Yaglno Kade morabuka pre erukwa. Nono erme kor munga i mo agroma abaroma tau geglkwa i, Jisas swara nono mudu i swara ede, Yaglno Kade moglkwa.

20Ene mie mo kaya mokna ta i nenaiglmara i mina, God kogonmo ere kide erekrio. Mie kane kane mo kaya mokna kane kane nenaiglkwa i, aglau ta paikrukwa ba ene taragl ta i nebi, agro kandre, kide yomedi kide prabo mo yage sinabuka i, ene aglau erikwa.

22Ene taragl kane kane ta i nenatnga i, ene pre pogl sidre, aglau ta paikrumedi pitn, i nenatnga. Ba ene agitn ta ene pitnere i sika sinabedi ake nu sikro. Ene swara i, God bogl miurara paugwa. Ene ere mogl, Na taragl kane kane i nenaglka i aglau ta paikrumiwe di, yegl prisre, kinan suo yekran, ene gun yedre, i nenatnga.

3Te, Jisas ye ama yegl di togwa, Ene konbauna wan enaiglmara i, ene taragl ta idre, pikraiglkwa. Ene muglbo mo hanbek mo kaya mokna mo mige moni ta idre, pikrio. Te, gagl suna suo idre, pikraiglmiwa.

37Ana ege ta ede ogo, ye muglo ibo kide kodidre, ede atne wigwa. Wigo, yoba mere kide Jisas umara eigo, tegigl yeigwa.

42ye auro yumara murubuglo kide aglke kor pia si makadigle edidre, ake piga dugwa. Yegl erukwa ba Jisas ye murubuglo kide i ka tedre, gak i ere wakai ere te, ye nem moglmara te ikne edugwa.

5Te, ene tau kane pai, yoba niglno kogono ere teigwa i, yoba ta ene bitno moglsre, kogono sugl moraiglkwa i moraiglmara mogl atne edidre, kano duglo bolo. Ene God Kere Yugwa yagl kamo deno muduno bogl duglo beglmere yegl, ene yoba bitno ta moraiglkwa i pre i mitna edidre, kano ama yegl mere duglo boraiglkwa pre diga.

7Ene ye kogon ere teigwa i, ene yoba i keme kogon ere tomnedi prikre, ene Yaglno Kade kogon ere tomnedi pre, gun yedre, kogon eraiglkwa.

19Te, ene kamage eraiglmara i, na pre ama kamage ere nario. Ene na pre kamage eribi, God na ka siragl mere dinaglka i obuno di naran, na kudugl goglkre, ye kamo wakai ta okna teke paugwa ikra di nogugl ede te pai moraglka.

5Ene prio! Krais ye yubun mere kaima yumere mere yegl, no munara i yubun ama kau sugwa. Ba no yubun mere yumnara i, Krais ege ege deno muduno si gigle di norukwa.

18Ta manugwa. God ye ka dumara adigl moglmere yegl, na ene ka di teiga i, ka kibi didre, ka kaima didre, yegl ta erekrika. Na ka kaima keme ene di teiga.

21Ana na diga i, God ye yene ere mogl, ene meglmara ya no munara akie yobulo bogl norsre, nono Krais bogl si dakagl moraiglmedi erukwa. Te, ye yene nono mudu kogon noro,