Provérbios 5

3 ଇଚିହିଁ ଦା଼ରେଣି ଆୟାଟିନି ଲୂଡ଼ାଟି କିର୍‌ୟାଁ ତିପ ତିପ ରିନେ, ଅ଼ଡ଼େ ତାନି କାତା ନିୟୁଁ କିହାଁ ହା଼ରେକା ଡ଼ୁସ୍‌ପା ଆ଼ନେ; 4 ସାମା ଏ଼ଦାଣି ଡା଼ୟୁ କାମ୍ବେଲି ଜା଼ଡ଼ାତି ରାସା ସମାନା, ଅ଼ଡ଼େ ରିକୱାକି ଦା଼ରାଗାଟି ୱାସ୍‌ତି କାଣ୍ତା ସମାନା। 5 ତାନି ପା଼ୱୁଲି ହା଼କି ୱାକି ହାନେ; ତାନି ପା଼ୱୁଲି ସିଦା ମାହ୍‌ଣି ମାଣ୍ତାତା ରିନେ; 6 ଏ଼ଦାଆଁତାକି ଏ଼ଦି ଜୀୱୁତି ସମାନା ଜିରୁ ବେଟାଆ଼ଏ; ତାନି ଜିରୁ ବାରେ ପାର୍‌ସାଡ଼ା, ଅ଼ଡ଼େ ଏ଼ଦି ଏ଼ଦାଆଁ ପୁନେଏ।

7 ଏ଼ଦାଆଁତାକି ହେ଼ ନା଼ ମୀର୍‌କା, ନା଼ କାତା ୱେଞ୍ଜୁ ଅ଼ଡ଼େ ନା଼ ଗୂତିତି ବ଼ଲୁଟି ଏଟ୍‌କା ଆ଼ଆଦୁ। 8 ଏ଼ ଆୟାଟି ତା଼ଣାଟି ନୀ ଜିରୁ ହେକ ଇଟାମୁ ଅ଼ଡ଼େ ତାନି ଇଲୁତି ଦୁୱେରି ଦାରି ହାଲାଆନି। 9 ନ଼ଲେ ନୀନୁ ନୀ ମା଼ନି ମାଣ୍‌କି ଏଟ୍‌କାତାରାକି ଅ଼ଡ଼େ କାର୍ମା ମେହ୍‌ଆ ଲ଼କୁକି ନୀ ନୀଡିନି ବାର୍ସା ହୀଦି;