Lucas 21

Ya paglikuꞌ ni Jisus

25 "Aw awun manga pangilala na kita-en dun ni sega aw bulan aw manga bitun. Aw ya manga utaw asini tas na lupaꞌ to-o magkakamang ya ginawa nilan, aw mallek silan sa mangkabaklaꞌ na manga baled adti dagat. 26 Magpanteneb ya manga utaw sa kakallekan nilan sa un dumateng adti kadakulaꞌ na banwa. Kay ya manga bitun aw kadég na pagkita-en na adti langit alag magkatangkeg aw diliꞌ da silan magi dun ni dadan na agiyanan nilan. 27 Aw dun da nilan kita-a ni labun aku na Iseꞌ na Utaw na lumikuꞌ na ka-agadan na dakulaꞌ na kalalamdag aw katulus na pagka Tyumanem ku. 28 Yanagaw, kun magpalekat da ya kadég yeiy, pakabagsega ya kamayu ginawa aw langad kamu adti langit kay malapit da ya pagpaluwaꞌ kamayu."