Marcos 2

3 Kwakaswika banhu bana, baka bakasenga umwe waka alobgwa negulukadzi*2.3 bugwele gweswaba imwe ntha yembili. 4 Bakakon’wa swika pedlo naYesu nentha yebunji gwebanhu, bakakwakwamula imwe ntha yedenga len’umba bakajitisila nhobo yaaka alilele payili unogwala. 5 Yesu wakati ebona galamoyo kwabo, akati kunghwele, "Nkololo, wayetigwa mazwibhatigwa matjinyo awo."

6 Kwaka kuna bamwe bakwali baka baligele ipapo, mumimoyo yabo beti, 7 "Ndiyani iwhoyu unoleba ejali? Unoleba haya! Ndiyani ungayetila mazwibhatigwa matjinyo kuhhe kweNdzimu yega?"

8 Tjinyolotjo Yesu wakaziba mumeya iye kuti banozwibhuzwa, akati kubali, "Kungentha yeni muzwibhuzwanya zwinhu zwakajali mumimoyo yenyu? 9 Ndikupi kulelu kuti nditi kuna wakalobgwa negulukadzi*2.9 bugwele gweswaba imwe ntha yembili, ‘Wayetigwa mazwibhatigwa matjinyo awo,’ kene kuti, ‘Milika utole nhobo iyo uyende’? 10 Koga ke, kuti mutjibona ke kuti Nkololo wenhu una masimba muhango, eyetila mazwibhatigwa matjinyo." Wakati kunlume wakalobgwa negulukadzi*2.10 bugwele gweswaba imwe ntha yembili 11 "Ndoti kukuli, milika utole nhobo iyo uyende kunzi uwo."

12 Tjinyolotjo wakamilika akatola nhobo iye bakalinga bose, akayenda; kwekuti bakasala baka kahabala bose, bakakudza Ndzimu, beti, "Atanhu tikakubona kwakajali."