Marcos 3

Nlume Unaluboko Gwakahwehwana

1 Wakangina musinagogu kakale, ngono kwaka kuna nlume imhomo waka analuboko gwakahwehwana. 2 Bakawunlingisisa, kudze babone kuti kene unowhowuntjidza muhhuba lesabatha, kuyetila kuti bawuntilike nlandu. 3 Wakati kuna waka ana luboko gwakaswaba, "Milika, ume pakati kwebanhu." 4 Wakababhuzwa eti, "Kumunlayo kuti muhhuba lesabatha uthame tjibuya kene tjakayipa, kuti utjengetedze butjilo kene kuti ubulaye?"

Koga ibo bakanyalala. 5 Akabalinga bose nemoyo unogwadza, egwadziwa nekuti baka bana mimoyo mikukutu, akabe oti kuna iwhoyo nlume, "Tambunudza luboko gugo." Akagutambunudza, luboko gugwe gwaka gwatjilulama.