Iwahenza kulawa ubali wa mashariki
1 Yesu hayoneke kuna ghumji ghwa Betilehemu mna isi ya Yuda, ghamatsuwa aghala Herodi hayakalile imfalume, wanu iwomanya igholawila kwa kulola tsinondo iwalawile ubali wa mashariki watsa Yerusalemu, 2 waghutsa, "Yalikwani ayula iyelekighwe yawe mfalume wa Wayahudi? Mana tuyona inondo yake ubali wa mashariki, natwe tutsa tumwinamile."
11 Hawapfikile, wengila mng’anda, wamwona imwana hamwe na Maria mai wake, nawo wamwinamila, wamuabudu. Kuya wafungula imikoba ya tsihatsina tsawo, wamwing’a nzawadi; nzahabu, upfumba na dawa inoghile iikemighwa manemane.
Iwana wadowado wokomighwa
16 Herodi hayatangile ka iwanu iwomanya igholawila kwa kulola tsinondo wamghutsukila, kona maya ng’ani. Kalapfa laghitso iwana wose iwamale iwali Betilehemu na awala iwali habehi wakomighwe, iwana iwakalile na miyaka mili na awala ing’awapfikile miyaka mili kulawa litsuwa alila iwanu awala hawayonile inondo.