Mateus 20

Yesu kowahonetsa pfifita weli

29 Yesu ne iwanang’ina wake hawang’ali wakuka Yeriko, iwanu wengi tsawamuwinza. 30 Pfifita weli iwang’ali wokala mmbalimbali mwe inzila hawahulike Yesu kobita, wandusa kukemelela, "Imtwatsa, Mwana wa Daudi, utwonele libatsi!"

31 Iwanu wawakembela wawalongela wanyamale, lekeni waghendelela kukemelela, "Imtwatsa, Mwana wa Daudi utwonele libatsi!"

32 Yesu kema, kawakema kawaghutsa, "Mwobama niwatendele choni?"

33 Wamwidika, "Imtwatsa, twobama twone!"

34 Yesu kawonela libatsi, katsikinda nenge tsawo, bahala wadaha ukwona, nawo wamuwinza.