11 Ambe nene nowabatitsa kwa ghamatsi kwa ajili ya ukusama, lekeni yeye iyakutsa kuchughu kwangu kana ngupfu kubita nene, mbaka nene sibamighwa baye kudohola imikwabatsa mmaghulu ghake. Ayo katsowabatitsa mwemwe kwa Iloho Yelile na moto.
13 Ichipindi acho Yesu kalawa Galilaya, kaghenda kuna ghumto ghwa Yoridani ili Yohane yakambatitse. 14 Lekeni Yohane tsakabama yamghome, kalonga, "Nene nobamighwa nibatitsighwe na ghweghwe, naghwe konitsila nene?" 15 Yesu kamwidika, "Uleke sambi iwe pfipfo. Kwaapfila pfipfo pfatubamighwa tuitimitse ihaki yose." Apfo Yohane katoghola. 16 Yesu hayamalitse ukubatisighwa, bahala kalawa mmatsi. Lola! Lilanga limpfughukila, kamwona Iloho wa Imlungu kohulumka kulonga njiwa na kumtsila mchanya mwake. 17 Na baho, litsi kulawa kulanga lilonga, "Ayuno Imwanangu yanimkunda, yaninoghelighwa naye."