Resultados da busca por "paz"

15Bale, Jezu djî ndə əpʉ nə ə âfɔ kôto ə rô. Ə̈bə̈ əgerə ə̂kpû azü zâ äwä ye. Tshə grɔ̂ rəka tə̂ alayïrəka nɔ̂.

16Tshə ngâ kə azü nə tə bandanə ndə kə pa əndje pa ndə ye pa gashu ne.

21Amarä sə kə za lɔsu əndje nɔ̂ kʉ gâ pâ ye.»12.21 Wu Eza 42.1-4.

4Əzü ə̂në tshə sə kə pa əpʉ də aama aəgɔ kpî kpî kpî kɔ, tshə gbɔgbɔ tə̂ ye də ə̂tə̂ ye. Bale, əzü ə̂në tshə sə kə pa ndəma Ndjapä kɔ, tshə pa əpʉ nə ndə kə pa tshə gbɔgbɔ Laglizə.

27Kədə alabə̈ azü kə yində kə pa əpʉ də aama aəgɔ nə, azü bishi wala kʉ lə vəta nə lî gâ ye ndə kə pa aama aəgɔ nə â ə̈bə̈ nə mandâ ngâ nə, â ə̈bə̈ nə mandâ ngâ nə. Bale, ə̈bə̈ əzü sə ndje je ndə kə pa tshə pa tshelə ndəma əpʉ aama aəgɔ nə gâ ye kane.

40Bale, e mbrə aərə nɔ̂ mvo ndje kpə tə̂ äwänə.

3Bale, Palɔ nə gâ ndə Barənabasə nə dâka pə mâ Ikɔniɔmə nə je ʉrrr əndʉ nə dɨ̂. Əndje pâ əpʉ pâ də awa ne ə zâ lɔsu nɔ̂ kʉ gâ pâ Âgbɔ̂ Əyïngerə. Tshə zâ awlra kə əndje ndə kə pa əndje mbrə aərə ə̈lü də aərə kə za awa gâ lə azü ndə kə yisə̂ nə ə pa əpʉ ə̂në əndje pa gâ pâ ə̂rɔ̂tə̂ ye kɔ sə tə djatra əpʉ.

9Ndə ə̈bə̈ alɔ, tshə sə̂ kə dji əpʉ ə̂në Palɔ nə sə̂ kə yisə̂ nə kɔ. Palɔ nə lîshi kʉ kpə lə ala ye ə wû ə pa tshə sə̂ də lɔsu ndə kə pa rəka nə̂ ye nglɔ.

24Mandânə, əndje rô lə ashɔ əgɔ Pisidi ə nâ mâ lə ashɔ əgɔ Pafili.

8Əndje wûtu lə ə̂dû nə gashu ə kpê â sə̂ kə gugu də awa. Əndje pâ ndə əpʉ nə pâ bale kə ə̈bə̈ əzü bale ne mbrə ə̂në awa mâ əndje. 16.9-20 Aə̈ndö 9 ʉrrr gâ tə̂ 20 sə sə lə alabə̈ aangbrɔ afraka Ndjapä də ama grakə ne. [

14Gâ mandânə, Jezu mâ tə̂ ye kə atrawaya morofo amanə bale alɔ ə̂në əndje sə̂ kə zɨ rəgo kɔ. Tshə ngâ kə əndje mbrə ə̂në əndje sə̂ sə̂ də lɔsu ne â lɔsu əndje gbɔ ə gbɔ â shêra əpʉ nə̂ azü ə̂në əndje wû ətshə ə̂në tshə shê gâ ye kɔ.

15Mandânə, Jezu pâ kə atrawaya nə ə pa: «E nä na ye pâ ashɔ nɔ̂ ə mʉ̈ Ə̂rɔ̂ Əpʉ kə azü nɔ̂.

4Ə̂kpû azü ə̂në əndje ngbâ tə bandanə kɔ âfɔ lə agala bale bale ə ngbô tə̂ əndje gâ tə̂ Jezu. Tshə pâ əpʉ kəwû səye kə əndje ə pa:

43Ə̈bə̈ yashe sə̂ je ə̂në rəka ə̈ndjï sə̂ tə̂ ye ə mâ ə̂ngû morofo amanə bishi gâ ye. Tshə ndɨ̂ aərə nə̂ ye nɔ̂ kə aawombrə ayɔ rəka.8.43 Lə alabə̈ aangbrɔ afraka Ndjapä də ama grakə, əpʉ səke Tshə ndɨ̂ aərə nə̂ ye nɔ̂ kə aawombrə ayɔ rəka sə̂ sə̂ lə nə ne. Ə̈bə̈ əzü bale ndə kə mbrə ndə kə pa rəka nə katə̂ ye gûta gû ne.

56Kumu abä əgblə yashe nə də əyï nə kpê pâ əndu əndje. Jezu zâ ama kə əndje ndə kə pa əndje pa ndə əpʉ ərə nə ə̂në ə wûtu kɔ pa kə ə̈bə̈ əzü bale ne.

14Mandânə, Jezu nâ mâ lə anda nə̂ Piarə. Tshə wû mbea Piarə nə tə yashe ə̂në tshə shô gâ tʉ â tshelə akwa ye sə̂ kədjï kədjï kɔ.

24Bə pa bə dji, ə̈bə̈ âgbɔ̂ əyi vɔ̂tə̂ kə yi la ə̂ngû nə â kplaka ə̂ngû nə vɔ̂tə̂ kə tu gâ lə əgerə âgbâ nə. Bale, Jezu lô na ye gâ ye.

34Bale, azü tshelə gala nə nɔ̂ nâ ndə kə te Jezu. Alɔ ə̂në əndje wû ətshə kɔ, əndje kɨ̂ ə̂sə̂ əyo tə̂ əndje kə ətshə ndə kə pa tshə ro lə ashɔ əgɔ nə̂ alane nə.

4Bale, Piarə nə vɔ̂tə̂ kə pa ndəma aərə nɔ̂ ə̂në ə mbrə̂ kɔ bale bale kə əndje. Tshə pâ kə əndje ə pa:

19Mandâ kuzu Etianə, azü vɔ̂tə̂ kə gi əyo tə̂ azü nə̂ Jezu â əndje ndjɔ̂ tshelə əndje â rô tə̂ aətshe na na ye. Əndje nâ ʉrrr ndjɔ mâ lə əgɔ Fenesi də aəgɔ Shiprə gâ ndə Atiɔshə, bale, əndje yîsə̂ Əpʉ nə̂ Ndjapä nə kʉ kə Ajuwufu.

25Mandânə, Barənabasə nə nâ mâ Tarsə ndə kə pa tshə pra Sɔlə mâ je.

6Kumu ye kpê pâ əndu ye mbrə ə̂në azü nə wə̂ra tə̂ əndje ndə kə za lɔsu əndje kə ətshə kɔ.Mandânə, Jezu nâ na ye lə aaya aəgɔ ə̂në ə sə̂ trö kɔ ndə kə yisə̂ əpʉ kə azü.

33Bale, ə̂kpû azü nə wû əndje ə̂në əndje sə̂ kə ro na ye kɔ ə yêrɔ əndje. Azü âfɔ lə aəgɔ bale bale ə nâ də ə̈nü əndje ə wûtu angbʉlînə gâ tə̂ ətshe ə̂në Jezu də azü-awla nə̂ ye sə̂ kə na tə̂ nə kɔ.

48Tshə wû ə pa atrawaya nə̂ əne nə wû əyo tə bandanə ə̂në əndje sə̂ kə djerə əgerə âgbâ nə kɔ, mbrə ə̂në əyi nə yî gbo əndje. Gu ndə tshe kratshe, Jezu sə̂ kə na ana pâ ala ə̂ngû nə gu nə gâ tə̂ əndje. Tshə yîndə kə ro əndje ə ro.

17Azü nə nɔ̂ zɨ̂ rəgo nə â tshelə əndje sû. Əndje rɔ̂ ə̂dû rəgo nə ə sû kakli morofo amanə bishi.

43Kumu əndje kpê pâ əndu əndje mbrə âgbɔ̂ awlra nə̂ Ndjapä nə.Alɔ ə̂në azü nə sə̂ pə kə tegbɔ kumu əndje gâ pâ ərə ə̂në tshə mâ kɔ, Jezu pâ kə atrawaya nə̂ ye ə pa:

55Jezu dô tə̂ ye gâ tə̂ əndje ə ngâ kə əndje.

11Mandânə, Palɔ nə ô kwatə̂ye mâ lə anda nə ə ngɔ̂ tshelə mapa ə zɨ̂. Tshə kwatə̂ye ə pâ əpʉ əndʉ nə dɨ̂ ʉrrr ndjɔ gâ tə̂ tshe də əzɨ â rô.

16Bale, Palɔ nə zâ ama ndə kə pa əne ka ka mâ Efazə ne, mbrə ə̂në tshə yîndə nə yi ə pa əlo ro əne mâ Azi yera ambanə ne. Tshə yîndə kə na katshä mâ Jeruzalamə, äwä nə â sə je, tə̂ əlo Patekɔtə.

38Əndje sə̂ də əyo tə̂ lɔsu əndje kʉ mbrə əpʉ ə̂në tshə pâ əndje sə sə kə kwatəndje ə wu ala əne ne kɔ. Mandânə, əndje gî ətshə ndjɔ gâ tə̂ ama bato nə.

3Bale Jezu pâ əpʉ kəwû səye kə əndje ə pa:

22Bale, abä nə pâ kə alayïkosəra nə̂ ye ə pa: "E nä katshä də ləba ə̂në ə fʉ wââ kɔ ə yï gâ tə̂ ye. E yï bingi gâ tə̂ yana kəna ye ə yï tama gâ tə̂ ə̈nü ye.

32Bale, ə lï ndə kə pa a mbrə sandaga ə du ə̂rû, mbrə ə̂në aye zə səye, tshə tshû gâ ye â she kɔ, tshə yû gâ ye â a sɔ̂tə̂ ye kɔ."»

5Bale, Jezu vɔ̂tə̂ kə pa əpʉ kə əndje ə pa: «Ala e në ka ə̈bə̈ əzü bale frɔ e frɔ ne.

11Alɔ ə̂në əndje sə kə na də e ndə kə ko e gâ lə kəna azü nə, e lï tshelə e lï əlînə ə pa əpʉ yekɔ də̂ e sə kə pa nə ne. Bale, e pä kʉtə̂ əpʉ ə̂në Ndjapä sə kə za gâ lə ama e kɔ kʉ tə̂ alɔ nə səkɔ, mbrə ə̂në ə də̂ e də̂ kə sə kə pa əpʉ nə ne, Âgbɔ̂ Yîrə̂ kə sə kə pa əpʉ nə.

19Mbrə ə̂në azü sə kə wu əyo tə bandanə tə̂ alɔ nə səkɔ ə ro ə̂dû aəyo ə̂në azü vɔ̂tə̂ kə wu nə mâ tə̂ amanə alɔ ə̂në Ndjapä mâ tshepashɔ kɔ ʉrrr ndjɔ kpəsəye kɔ. Mandânə, marä tə̂ əyo səkɔ sə sə kə sə je kwatəndje bale ne.

3ə pa tshə ma ə̂rɔ̂tə̂ ye kə alane ə na də Palɔ nə mâ Jeruzalamə. Mbrə ə̂në əndje lê ə̂kû ndə kə pa əndje wo Palɔ nə lə äwä.

7Alɔ ə̂në Palɔ nə yî kumu ye gâ ye kɔ, Ajuwufu nə ə̂në əndje tô mâ Jeruzalamə nə ə nâ kɔ, əndje kpê dji ətshə ə vɔ̂tə̂ kə lea ətshə tə̂ aâgbɔ̂ aəpʉ ə̂në ə ngba ə ngba kɔ. Əndje lî lî ndə kə pa əndje yisə̂ ə̈bə̈ ərə ə̂në ə yîsə̂ nə ə pa aəpʉ nə sə tə djatra əpʉ kɔ ne.

20Ənə̂ əmə, mə wû âdâ kumu əmə wû də kə wa tshelə marä tə̂ əpʉ rəke ne. Âdârə ə̂në mə yû Palɔ nə ə pa kədə tshə â yində nə, tshə na mâ Jeruzalamə ndə kə pa əndje wa ngbanga ye gâ pâ əpʉ səkɔ.

2Palɔ nə də Barənabasə nə wə̂ra tə̂ əndje tə̂ əpʉ nə ə̂në əndje pâ kɔ â əndje də aəndje pâ ashera ʉrrr sɔ lə kəpʉ. Bale, əndje zâ ama ə pa Palɔ nə də Barənabasə nə gâ ndə alabə̈ azü nə lə takpa tə̂ əndje nə na mâ Jeruzalamə ə wu azü-awla gâ ndə aâgbɔ̂ azü gâ pâ əpʉ səkɔ.

17Bale, ə̂dû azü nɔ̂ sə kə pra Əyïlingû,də amarä nɔ̂ ə̂në əndje djî əɨrɨ əmə gâ pâ əndje kɔ.Əpʉ ə̂në Əyïlingû pâ kɔ kə sə̂.

35Palɔ nə də Barənabasə nə dâka pə mâ Atiɔshə je. Əndje də alabə̈ azü ə̂në əndje ngba ə ngba kɔ yîsə̂ əpʉ ə mʉ̂ Ə̂rɔ̂ Əpʉ nə̂ Âgbɔ̂ Əyïngerə kə azü.

8Mbrə ə̂në Asadusa nə pa ənə̂ əndje ə pa akuzu sə sə kə she nə ne, atrawaya nə̂ Ndjapä sə sə je ne, ayirə̂ sə sə je ne. Bale, Afariza nə pa ənə̂ əndje ə pa aərə səkɔ nɔ̂ sə je.

29Mə wû ə pa əpʉ nə ə̂në əndje lêa ətshə tə̂ nə kɔ ə sə̂ gâ pâ âgbɔ̂ əpʉ nə̂ əndje. Bale, ə̈bə̈ əpʉ lə kumu ye ə̂në ə lï də kuzu wala də kânga kɔ sə̂ sə̂ je ne.

34Komandâ nə dɨ̂ fraka nə ə yû Palɔ nə ə pa tshə sə tə əzü tshekotâ. Ə̂në tshə djî ə pa Palɔ nə sə tə əzü tshe Silisi kɔ,

30Bale, alayïnga bato nə prâ äwä ndə kə pa əndje kpe ə tshi bato nə tʉ. Əndje jêrə də aya âgbâ ə zâ gâ ala ə̂ngû nə ə frɔ̂ azü nə lə bato nə kɔ ə pa alane sə kə na djoko ətshi bato nə ə ko alabə̈ əgbro akowɔ nə ə wli gâ lə ə̂ngû nə gâ ye kane.

39Alɔ ə̂në tshe nə krâ gâ ye kɔ, alayïnga bato nə yêrɔ ətshe nə yêrɔ ne, bale, əndje wû ə̈bə̈ ama ə̂ngû nə ə̂në mindu sə̂ tə̂ nə kɔ. Bale, əndje yîndə kə pa əndje na də bato nə ndjɔ mâ je kədə äwä nə â sə je.

43Bale, komandâ nə̂ atrugu nə yîndə kə pa tshə tshɔ Palɔ nə lə kuzu, âdârə ə̂në tshə shêra atrugu nə ndə kə pa əndje wo alayïkânga nə kɔ kə sə̂. Tshə zâ ama kə azü ə̂në əndje wûsə̂ kə sa ə̂ngû kɔ ə pa əndje yɔ gâ ala ə̂ngû nə ətshinə ndə kə pa əndje jo ama ashɔ.

3Ə̂në tshə wû ə pa ərə səkɔ fʉ tə̂ Ajuwufu ə fʉ kɔ, tshə zâ ama kwatə̂ye â əndje zâ Piarə. Ə sə tə̂ alɔ sandaga mapa ə̂në əndje mâ mâ də əyï nə ne kɔ.

16Bale, Piarə nə sə̂ pə kə nge manda nə. Əndje krɔ̂ manda nə â kumu əndje kpê pâ əndu əndje ə̂në əndje wû ətshə kɔ.

19Erɔdə nə pâ əndje pra ətshə, bale, əndje sɔ̂tə̂ ye sɔ̂ ne. Tshə pâ əndje yu atrugu nə â zâ ama ndə kə pa əndje wo əndje. Mandânə, Erɔdə nə âfɔ mâ Jude ə nâ mâ Sezare ə mâ ə̈bə̈ əlo mâ je.

4Bale, Abraamo nə âfɔ lə əgɔ Kalde ə nâ ə mâ əgɔ mâ Hara. Mandâ kuzu abä nə, Ndjapä zâ ətshə kôto, lə əgɔ Hara nə â nâ də ətshə mâ lə əgɔ səye ə̂në e sə lə nə kpəsəye kɔ.

25Tshə wû ənə̂ ye ə pa alaye əne nə ə dji tshelə əpʉ nə kəmə je ə pa Ndjapä sə kə djɔ alane lə aərə əyo tə̂ äwä əne. Bale, əndje djî tshelə nə djî ne.

41Bale, tə̂ alɔ nə səkɔ, əndje mbrə̂ ə̈bə̈ aya pagra tə ə̈bə̈ ndjapä ə tô əkrɔ kə ətshə. Tshelə əndje mɔ̂ wââ â əndje mbrə̂ sandaga mbrə aya pagra nə ə̂në əndje mbrə̂ ətshə də kəna əndje kɔ.

6Ə̂në əndje djî əkɨ ərə sə̂ mə rəkɔ, əndje âfɔ ə ngbrû na nə. Kumu əndje kpê pâ əndu əndje rô pâ nə mbrə ə̂në əzü bale bale sə̂ kə dji əpʉ ə̂në azü nə ə̂në əndje zâ lɔsu əndje kə Jezu kɔ sə̂ kə pa nə də ama əgɔ nə̂ ye də ə̂tə̂ ye kɔ.

16Bale, ndəma əpʉ ə̂në awopandəma Ndjapä Jowalə pâ kɔ kə sə̂ â mbrə kpəsəye kɔ. Tshə pâ:

41Azü ə̂në əndje yîndə əpʉ nə̂ Piarə nə kɔ, əndje zâ batamo. Tə̂ alɔ nə səkɔ, azü mata sake vəta (3 000) tê gâ ndə ə̂kpû azü nə ə̂në əndje zâ lɔsu əndje kə Jezu gâ ye kɔ.