Mateus 21

Ayɔ figə ə̂në ə lê lê ne kɔ

18 Də əzɨ, ə̂në Jezu âfɔ ndə kə gu mâ Jeruzalamə kɔ, əgo mî ətshə. 19 Tshə wû ə̈bə̈ ayɔ figə tə̂ ama äwä nə â nâ trö tə̂ nə. Bale, tshə wû kʉtə̂ akako nə â pâ kə ayɔ figə nə ə pa: «Bə sə sə kə kwatə̂zə kə le nə bale ne!» Kʉ pə kôto səkɔ, ayɔ figə nə ôrɔ. 20 Atrawaya nə wû ərə sə̂ rəkɔ, kumu əndje kpê pâ əndu əndje â əndje pâ: «Ə ma atâ â ayɔ figə səkɔ ôrɔ katshä kɔ?» 21 Jezu kîrə əpʉ kə əndje ə pa: «Djatra əpʉ, mə pa kə e: kədə e sə də lɔsu â sə sə də ashera tə̂ lɔsu e ne, e sə sə kə ma kʉtə̂ ərə ə̂në mə mâ gâ tə̂ ayɔ figə səye kɔ ne, bale, alɔ ə̂në e sə kə pa kə kaga səye ə pa: "Äfɔ kotəye ə të gâ lə ə̂ngû əngbrʉ", ərə nə sə kə ma nə. 22 Ərə nɔ̂ ə̂në e sə kə yu tshuku nə də lɔsu tə̂ äwä kə yu Ndjapä, e sə kə sɔtə̂ nə.»