22 A o učitejla e Zakoneskere ale taro Erusalim hem vakerge: "O Veelzevul, o gospodari e demonengoro tano leste andre! Leskere silaja ikalela e demonen."
23 O Isus vikingja len uza peste hem počmingja te vakerel lenge ko parabole: "Sar šaj o Beng te ikalel e Benge? 24 Ako isi carstvo, so jekh jekheja marena pe, adava carstvo našti te ačhol. 25 Ili kher kote so nane sloga, adava kher našti te ačhol. 26 Ako o Beng uštilo protiv peste hem odvisalilo, ov ka našti te ačhol, ama alo leskoro krajo. 27 Nikoj našti te čorel taro kher, kote so bešela zoralo manuš, sa dži kote na phandela le. Togaš koga ka phandel le, ka šaj te čorel taro kher.
28 Čače vakerava tumenge: e manušenge šaj te oven oprostime sa o grevija hem o hule so hulinena. 29 A koj hulinela upro Sveti Duh nikat nane te ovel leske oprostimo, hem adava ka ovel leske večno grevo."
30 Ov phengja adava soske phenge deka ov sine opsednimo lošno duhoja.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)