Evalo lyaYesus a li popiwa
26 Momwevi omutihamano weteelelo lyaElisapeta, Kalunga okwa tuma omuyengeli Ngapiela a ye komukunda Nasaleta womuGalilea. 27 Okwa li a pewa etumwalaka lyomukavona a yalekwa komulumhenu wevina Yosef, womepata lyaDaavid. Evina lyomukavona oMalia. 28 Omuyengeli okweya kuye ndee tati, "Ombili nai kale nooye! Omwene okuli pamwe nooye nokwe ku yambeka."
36 Vibuluka omukwanezimo woye Elisapeta, ngu kwa itaelwa kutya ye etimhe, okuna eteelelo lyeemwevi hamano nonande ye okwa kulupa lela.
38 Ndee Malia okwa ti, "Ame omupiya wOmwene, nandi ningilwe nganhyi wa popya." Opo nee omuyengeli okwa zapo puye.
Malia ta talele po Elisapeta
39 Pefimbo olyo tuu ndyo, Malia okwa fikama ta endelele, ndee ta yi komukunda womuYudea, koshitopolwa shi na oikulundudu.
56 Malia okwa kala naElisapeta oule weemwevi nhatu, ndee ta shuna keumbo lyao.