Eumuko lyaYesus
1 Ongula onene yesiku lyotango koshiike, aakiinhu oya ya kombila, ya fala ko oiziba mbi ya longekiva. 2 Nhyi ye ya posheelo shombila oya hanga emanya lya kandulwa po nale. 3 Oya ya mo, ndele omuviba woMwene Yesus inaye wu hanga mo. 4 Mhanga ya li ya limbililwa, ombaavilila, puyo opwa fikama aalumenhu yaali ya zala eenguwo a vi welima. 5 Aakiinhu oya haluka, ndee taa tu eengolo yeinyongamena. Aalumenhu mbo oye ya popifa ya ti, "Omolwashi amu kongo ngu e na omwenyo mokati kaasi? 6 Keli mo mu, okwa umuvwa kousi. Vibulukeni nhyi e mu lombwelele mhanga a li muGalilea. 7 Okwa tile, ‘Omona wOmunhu oku na oku yandjwa moikaha yaalunde, ta ka alelwa komushiyakano, ndele mesiku etitatu, ota ka umuka kousi.’"