Hebreus 1

Ḡod mohole me hiy ige Juw heylō Ēntēn

1 Yēhē ige mino Tujuw. Me am̄ag yeh en, Ḡod mohole me hiy ige yatqōtqōngēn heylō ige et lēgēlgēg. Vag m̄adeg kēy mavasemlō van noyoy non Ḡod a lemtehal tegtegha. 2 Ba togtōkē, a sisqet babah ne qōn̄ en, Ḡod mohole me hiy gēn heylō Ēntēn. Ḡod mitin̄ namyam gōh heylō kē. Tō Ḡod metyak kē so kē nim̄agoy vel haphap del. 3 Tō Ēntēn nesben goy vel haphap del lemyam gōh mi naman ne hohole nonon. Tō nēlēn̄as non Ḡod nihin̄yeg heylō kē. Tō kē en nitiy totgal non Ḡod. Mahē kē mak wenwen bah ige nonon den nubug nonoy en, tō kē mēvēykal lok alge. Tō kē mahaghiy how letno liwo a lemtō non Ḡod a neketket yeh.