Matayo 16:21-26

Em outras traduções

1. NGC-CBB74630 Bondjale

   21 Donga ta ehole emina, Yesu aimeaka bobala bohu na batingami ba nde: «Etungi nakɛ ta Yelusalɛmɛ oho naenɛke saya enɛnɛ ta mɔmɔ ma basuku, bakondji ba banganga ba Ndjakomba ko na balehi ba mobeko. Nagwake ko napusoake ngɔngɔ isu i basato.» 22 Piɛlɛ asasuaka na Yesu mootɔtɔkɔ ko amogameaka: «Ngasa, ta kombe e Ndjakomba, eka etokɔke!» 23 Endolo Yesu ahombanaka ko abalaka na Piɛlɛ: «Sɔmbɔ ngɔngɔ i mbi, Satana! Odi ibaku tina e mbi, tengasa malɛi ma wɛ maditi malɛi ma Ndjakomba, endolo malɛi ma bato.»

   24 Ngɔngɔ Yesu abalaka na batingami ba nde: «Ekadabo moto apali bokimanani, atungi bosalona yo mɛnɛ, atombe ekulusu e nde ko akimaneni. 25 Tengasa moto mosusu opali boheledja mohelo mo nde, amobungedjake, endolo moto mosusu abungedjake mohelo mo nde tine e mbi, amobolodjake. 26 Tɛtɔ ndaa adiake moto, akatomba ngondo esusu ko abungedji mohelo mo nde?

2. NGC Miwera

   21 Banga ehole iyena, Yesu abanga boinedja batingami ba nde bo: «Etungi na nde bokɛɛ ta Yelusalɛmɛ anɔngɔmɔ ta mabɔ ma basuku, banganga ba Ndjakomba banɛnɛnɛnɛ, ko na balehi ba mobeko. Bamowoe ko asisoe ta yogo ta disu di basato.» 22 Iboa Petelo amotuba ngungusa ko abanga bomodosa bo: «Kumu, Ndjakomba aobanee! Midjɔ imia midae pɛpɛ bootanea!» 23 Endelo Yesu aso ahombana ko asɔmbedja Petelo bo: «Kɛɛ bohali na mbi, Satana! Wɛ odii ibaku ta tina e mbi, ta tina e bo malɛi ma wɛ madiiti ondingo ma Ndjakomba endelo madii ma bomoto.»

   24 Iboa Yesu abala na batingami ba nde bo: «Moto akapala bokimanani, asalone iyo mɛnɛ, atombe ekulusu e nde ko akimaneni. 25 Modjɔ mo moto opaladea boheledja bomɔ bo nde abotakadea; endelo moto otakadea bomɔ bo nde ta tina e mbi abobolodjadea. 26 Tɛtɔ ndani ebwani moto bodia bɛngi abolodje ngondo esusu, endelo abedje bomɔ bo nde? Ebwani bopa moto nde bɛngi asikoe bomɔ bo nde?