Bhata obungaka ko aboloi
1 Baputedji ba puti basusu ko na bato ba pekato badoa ibo basusu ta dii Yesu bɛngi bamohokamedje. 2 Endelo Bapalisai ko na balehi ba mobeko banungunaka, ko babalaka bo: «Moto iyoyo adii boasɔ bato ba pekato ko boyaka na bu!15, 2 A mibeko mi balehi ba Bayudha, basaisaka a mwɛngi mo pekato bokabana mia na moto o mbindo ohuodjama.» 3 Iboa Yesu abatɔndea ekuanedji iyeye: 4 «Ekadaa bo moto omɔti ta tei e bino akadaa na bhata mokama ko bhata omɔti akabunga na nde, abwaniti bokina bhata tuku ibua na ibua ta eyakea e bobo tina e bokɛɛ ahomba bhata iyona obungi teee mbunoko ehole emobolodjadea iyo? 5 Ndelo e mobolodjadea iyo, adaadea na sepi enɛnɛ: ko amobakeadea ta malokuloku. 6 Akayana ta ndako, abeadea binande na bato badii mbuti mbuti na nde, ko abatɔndeadea bo: "Sepani engbanga emɔti na mbi, modjɔ mo nabolodji bhata o mbi iyona obungaka!" 7 Ndenge emɔti, mbi naotɔndɔkɔni ibo, sepi edaabi enɛnɛ ta busa tina e moto o pekato omɔti ohombedji molema bonɔɔ bato tuku ibua na ibua ba bosooti ibibi badii pɛpɛ bodaa na posa e bohombedja milema mi bobo.»