Mateus 18

Mondumba ndani mobwani na wɛ boyɛɛ mwangwao ta pekato

15 «Mwangwao akaokɔmea bobe, kɛɛ amoinedje bobe bo nde ino babae pɛ. Akaokea omosɔmbedji ta ndjea e bodju. 16 Endelo amiti okea, bea moto omɔti isa babae, ta tina e bo modjɔ mosusu mokabɔngedjame oko na mibalo mi batemo babae isa basato*18, 16 Dit 19, 15.. 17 Akalona bo baokea, bala modjɔ momina ta Ekelesa; ko akalona bookea Ekelesa, motombani ondingo moto okadae pɛpɛ bodjeba Ndjakomba isa moputedji o puti.

18 «Naotɔndeakadeani sooti mɛnɛ bo: eka esusu etingeakabi ino iyaya ta kpɔtɔ etingeamabi pongono ta busa; ko eka esusu etingoakabi ino iyaya ta kpɔtɔ etingoamabi pongono ta busa*18, 18 Boɛngɛ 16, 19; Yoa 20, 23..

19 «Naotɔndeakadeani sooti mɛnɛ naikina bo bato ba babae bakadhimeana iyaya ta kpɔtɔ bɛngi bawadje modjɔ momɔti, Sesa odii ta busa abapadea. 20 Modjɔ mo esika eputoani bato babae isa basato ta tina e kombe e mbi, nadii ta ndanda e bobo.»