Atos 6

Baami sambo bahɔɔmi tina e bokamoa bapɔsɔlu

1 Ta ehole emina iyena, motuya mo batingami moiweaka, badhimi ibia babalaka monɔkɔ mo Gɛlɛki basayenaka na bato ibia babalaka monɔkɔ mo Baebele: babalaka bo ta ehole ekabanaka bo mia ma engi busa, badjimaka bali bagwa na baami ibia badaaka ta iputo di bobo. 2 Iboa bapɔsɔlu doomi na babae badaa polo emɔti na batingami ko babala na bu bo: «Ediiti bopele bo, lokine boleha mobalo mo Ndjakomba bɛngi lokabanake mia ma boyaka. 3 Na tina emina, baningani, hɔɔni bato sambo ta ndanda e bino, bato ba mida mipele, balumake na Mwembo Mosɛnɔke ko na konga, ko lobapadea mosala momina. 4 Ko iso lodike oto loadaledja miɔngɔnɔ ko na mosala mo boleha.» 5 Ikita isusu idhima ilɛno dimina. Iboa bahɔ Etsiɛni, moto oluma na bodhima ko na Mwembo Mosɛnɔke, ko na Pilipo, Polokole, Nikanɔle, Timoni, Palamenasi ko na Nikolasi, moto o Atiosi, adaaka boso modhimi o Ndjakomba o Bayudha*6, 5 Boindja Mat 23, 15 ko na nase.. 6 Ko babaimedja ta boso bo bapɔsɔlu baangɔnɔ ko babakea mɔmɔ. 7 Mobalo mo Ndjakomba monanganaka na bonɔ. Motuya mo batingami moiweaka bobuke mɛnɛ ta Yelusalɛmɛ ko banganga ba ndjakomba*6, 7 Bakakoanakadea bo motsuya mo banganga ba Ndjakomba ba Bayudha ta Yelusalɛmɛ modaaka mbuti na 8000. banɛnɛ badhimeaka Yesu.

Bapei Etsiɛni

8 Etsiɛni, aluma na ngulu na ngɔlu, akɔkɔ bimbete na bingengo binɛnɛ ta tei e bato. 9 Bakina bato baisana na nde kitɛ: edaka bato ibia baputoanaka ta ndako e miɔngɔnɔ e Bayudha ebeamaka «Babuli batingoami*6, 9 Ndako e miɔngɔnɔ mi Bayudha e «Babuli batingoami» eputoanedjaka pape dji babuli bayou batombama na mokondji monɛnɛ o basodha o Loma o kombe Pope ta yanga e 63 boso bo bobotama bo Yesu Kilito ko baso batingoama ngɔngɔ. », edaka na Bayudha ba Silɛne ko na ba Alɛkɛdjandɛlɛ, ko na Bayudha ba Silisi ko na ba ekenge e mokili mo Adjia. Ko babanga boisana kitɛ na Etsiɛni. 10 Endelo baimohɔnɔkɔ, modjɔ mo abalaka na konga emopaka Mwembo Mosɛnɔke. 11 Iboa baputa bato palanga bɛngi babale bo: «Lookaki asinga Mose ko na Ndjakomba*6, 11 Boɛngɛ ta Mat 26, 59-61; Malako 14, 55-58. !» 12 Bapangoa bato basusu, basuku ko na balehi ba mobeko bɛngi balemoe. Ngɔngɔ djimina bakwa diko di Etsiɛni, bamopea ko bakɛɛ na nde boso bo Ikita dinɛnɛ. 13 Batomba pongono ba temo babe babala bo: «Moto iyo atakinakadea bobala bobe tina e tepelo e biso esɛnɔke ko na mobeko mo Mose! 14 Looka abala bo Yesu iyo o Nadjalɛtɛ abedjadea tepelo ko atikoanedjadea mida mibolodja iso tadii Mose.» 15 Bato basusu ibia badaaka ta Ikita, batingea miso ta dii Etsiɛni ko baɛnɛ mbanda e nde ekuanake na mbanda e obwɛndi.