1 Coríntios 9

Ãndɔɔ mɛn b’atsuu ntiin abvaan asa

24 Byɛ eyɛɛ wɛn ke mbaa yi abesa ɛ̃taan, b’abetsuu ntiin abetsuu yɔ bɔ bueel, kɛn a mbuul ngɔmɔ̃ abebɔɔ ebva-kab. Obobɔ, etsuu ntiin m’emfa kyɛn byɛ ebɔɔ ebva-kab. 25 Baal bueel b’abetsuu ntiin abebee eluɔ bibi. Bɔ abesa obobɔ, me ndɔɔ yi abɔɔ ekɔrɔ ki abewa wu obvel, kyɛn k’eyiil k’ofool wɛ. Kɛn a bia-byɛ ebesa obobɔ, me ndɔɔ yi ebɔɔ ekɔrɔ ki abewa wu obvel, kyɛn k’efool bam wɛ. 26 M’emfa okyɛ, mɛ̃ k’etsuu ntiin epwa wɛ. Ŋ’ekii mɛ̃ ɛ̃nkwaã, mɛ̃ k’ekii myɛ̃ kii-a-kii wɛ. 27 Kɛn a mɛ̃ ebetuaal nzuru mpal, mɛ̃ ndi y’okwɛn nkal a yɔ, me ndɔɔ yɛn, ke mbee a ŋe ntee-ntee mɛ̃ bakyɛ, abee mɛ̃ me pyɛ osuul.