1 Ãnzwel ãsuo mɛ̃ hɛ̃ nzal ngamɔ̃ yi elaã, yi kɛɛn onge nkɔɔn yi ɔ̃bvɛn yi Kilisital. Yɔ epal onse kiri li okwɛn e Nziã ye li Muaan-emɛmɛɛ̃, 2 bvool ebwel kal-a-kal a bal-bal a bviil wu ɔ̃nɛn. Nkal ekwel enge-bviaal bvi nzal oyɔ, éli y’ɔ̃ti wu elaã ngɔmɔ̃ wu ákeburu nsia nsa kuun ye yuaal me mvel, nsa ngamɔ̃ me nswii. Ãsɔɔ m’ɔ̃ti ondɛ ãbeboo baal b’ɛ̃kiri. 3 Obwel b’enkɛɛ kieel k’obekal wɛ. Kiri li okwɛn e Nziã ye li Muaan-emɛmɛɛ̃ ekieel ekal onse bviil. Asal a ndɛ akieel alweel ndɛ. 4 Bɔ akieel amwɛn osu o ndɛ, nkuũ a ndɛ ekieel ekal nkal ãmbwii ã bɔ. 5 Tsia kieel k’abekal bvool wɛ, bvool bɔ kieel k’abekal ye kɔɔ, onkyam li oyɔɔl o mbunda, onkyam li oyɔɔl o tal wɛ, ke ngwel wɛ, Mfam Nziã akieel ayɛɛl bɔ. Bɔ akieel akal y’okwɛn ɔ̃bu nkal ɔ̃bu.