LUK 9

Yeso oyuɔɔl antam ange-kuun ye buaal

1 Tsoo ngelemɔ̃, Yeso obvool antam a ndɛ ange-kuun ye buaal, bvool owi bɔ waan y’omfam b’atswɛɛl ɛ̃fel myam mvieel mi ɛ̃bi-ɛ̃bi, ye b’aboo anga-ãluu. 2 Ndɛ otam bɔ k’ayetsal Nsia yi Ngesɛ yi Okwɛn o Nziã, bvool m’oyeboo anga-ãluu. 3 Ndɛ olieel bɔ ndiri: «Ŋ’èyi byɛ dzwɛ, ebee eluɔ si ngemɔ̃ obiri, ekal ɔ̃mpaã, ekal ɔ̃paa, ekal mampa, ekal nzi. Wu a biri ɛ̃nkuru mviaal pyɛ! 4 Ŋɛn ayɔɔ byɛ onse nzɔ ngamɔ̃, ekal kɛn onse nzɔ oyɔ tiil ye k’embal byɛ ola obɔ. 5 K’ola b’abee byɛ oyɔɔ, epal onse bɔ. Ŋ’eyii epal byɛ, ekweel ɔ̃fel a ntaã e byɛ. Okyɛ èkal eliĩ ki esuo kwɛn bɔ asi obibi.» 6 Antam bu ayɛn. Onse ãla mam mbueel m’ékebwel bɔ, bɔ áketsal Nsia yi Ngesɛ, bvool ákebvuul baal ba y’ãluu.