1 ଡାଣ୍ଡ୍‌କାତି ରଚ୍ୟାତିଲେ, ଆନ୍‌ କାପାଟ୍‌ ସବୁ କୁଚିକିତାଂ, ଆରେ ଦୁୱେର୍‌କାନାକାନ୍‌ ଆରି କେର୍‌ନାକାର୍‌ ଆରି ଲେବିୟର୍‌ ବାଚିକିୟାତାର୍‌ । 2 ପାଚେ ଆନ୍‌ ଜାର୍‌ ଟଣ୍ଡେନ୍‌ ହନାନିଙ୍ଗ୍‌ ଆରି ଦୁୱେର୍‌ନି ସାସନ୍‌କାର୍‌ୟା ହନାନିୟତିଂ ଜିରୁସାଲମ୍‌ ଜପି ବାଚି କିତାଙ୍ଗ୍‌; ଇନେକିଦେଂକି ହନାନିୟ ପାର୍ତି କିନି ମାନାୟ୍‌ ମାଚାନ୍‌ ଆରି ବେସିହେନିରିଂ ପିସ୍ତି ପର୍‌ମେସ୍ୱର୍‌ତିଂ ପାଣ୍ଡ୍ରାଜ଼ି ମାଚାନ୍‌ । 3 ଆରେ, ଆନେଙ୍ଗ୍‌ ହେୱାରିଂ ଇଚାଙ୍ଗ୍‌, "ୱେଡ଼ା ବେସି ଆୱି ପାତେକ୍‌ ଜିରୁସାଲମ୍‌ନି ଦୁୱେର୍‌ସବୁ ଜେୟା ଆମେତ୍‌; ମାନାୟାର୍‌ କାନିକାମାୟ୍‌ତ ନିଲ୍‌ନି ୱାଡ଼ାଲିଂ ଦୁୱେର୍‌ସବୁ ବନ୍ଦ୍‌ କିୟାଟ୍‌, ଆରେ ଏପେଙ୍ଗ୍‌ ହେବେ ଗାଡ଼ା ହିୟାଟ୍‌; ଆରେ, ଏପେଙ୍ଗ୍‌ ଜିରୁସାଲମ୍‌ ନିକାରିଂ କାଇକିଜ଼ି ବାଚିକିୟାଟ୍‌, ହେୱାର୍‌ ୱିଜ଼ାର୍‌ ଜାର୍‌ ଜାର୍‌ ଇଞ୍ଜ ଆରି ୱିଜ଼ାକାର୍‌ ଜାର୍‌ ଜାର୍‌ ଇଲ୍‌ ମୁମ୍‌ଦ ମାନାଟ୍‌ ।"

4 ଗାଡ଼୍‌ ଅହାର୍‌ ଆରି ବେସି ମାଚାତ୍‌; ମତର୍‌ ହେ ବିତ୍ରେ ଅଲପ୍‌ ମାନାୟାର୍‌ ମାଚାର୍‌ ଆରି ଇଲ୍‌କୁ ସବୁ ରଚ୍‌ଚ୍ୟାୱାଦାଂ ମାଚାତ୍‌ । 5 ଇଦାଂପାଚେ ଲାତ୍ରାକାଜିଂ ଗାଣା ଆନି କାଜିଂ କୁଟୁମାରିଂ ଆରି ମୁଣିକାରିରିଂ ଆରି ମାନାୟାରିଂ ରବେ କିଦେଂ ନା ପର୍‌ମେସ୍ୱର୍‌ ନା ମାନ୍ତ ବୁଦି ହିତ୍‌ତାନ୍‌ । ଆରେ, ଇମ୍‌ଣାକାର୍‌ ପର୍‌ତୁମ୍‌ ୱାଜ଼ିମାଚାର୍‌, ଆନ୍‌ ହେୱାର୍‌ତି ଲାତ୍ରାତି-ପତି ପାୟାତାଂ, ହେବେ ଇଦାଂ ଲେକାଜ଼ି ମାନାକା ହୁଡ଼୍‌ତାଂ, ଇଚିସ୍‌, 6 ଇମ୍‌ଣାକାର୍‌ ବନ୍ଦି ଲାକେ ଅୟାଜ଼ି ମାଚାନ୍‌, ହେୱାର୍‌ ବିତ୍ରେତାଂ ଜାର୍‌ଦେସ୍ତି ଇ ମାଜ଼ିର୍‌ ୱିଜ଼ୁ ଜିରୁସାଲମ୍‌ ଆରି ଜିହୁଦାନି ଜାର୍‌ ଜାର୍‌ ଗାଡ଼୍‌କୁକାଂ ମାସ୍‌ଦି ୱାତାର୍‌, ବାବିଲନି ରାଜା ନବୁକଦ୍‌ନିତ୍ସର ଇୱାରିଂ ଅସିହାଲ୍‌ଜି ମାଚାନ୍‌; 7 ଇୱାର୍‌ ଜିରୁବାବିଲ୍‌, ଜେସୁୟ, ନିହିମିୟା, ଅସରିୟ, ରୟମା, ନହମାନି, ମର୍ଦ୍ଦକୟ, ବିଲ୍‌ସନ୍‌, ମିସ୍‌ପର, ବିଗ୍‌ବୟ, ନହୁମ, ବାନା ଲାହାଂ ମାସ୍‌ଦି ୱାତାର୍‌ । ଇସ୍ରାଏଲ୍‌ ଲାତ୍ରାନି ଆଣ୍ଡ୍ରାହିମ୍‌ଣାଂ ଲମର୍‌ ଇଦାଂ, ଇଚିସ୍‌, 8 ପରିୟସନି ମାଜ଼ି ଦୁଇ ହାଜାର୍‌ ଏକ୍‌ ସହ ସତୁରି ଦୁଇ ଜାଣ୍‌ । 9 ସପଟିୟନି ମାଜ଼ିର୍‌ ତିନି ସହ ସତୁରି ଦୁଇ ଜାଣ୍‌ । 10 ଆରହନି ମାଜ଼ିର୍‌ ଚଅ ସହ ପଚାସ୍‌ ଦୁଇ ଜାଣ୍‌ । 11 ଜେସୁୟ ଆରି ଜୟାବନି ମାଜ଼ିର୍‌ ବିତ୍ରେତାଂ ପହତ୍‌ ମୟାବନି ମାଜ଼ିର୍‌ ଦୁଇ ହାଜାର୍‌ ଆଟ୍‌ ସହ ଅଟର ଜାଣ୍‌ । 12 ଏଲମତି ମାଜ଼ିର୍‌ ଏକ୍‌ ହାଜାର୍‌ ଦୁଇ ସହ ପଚାସ୍‌ ଚାରି ଜାଣ୍‌ । 13 ସତୁର ମାଜ଼ିର୍‌ ଆଟ୍‌ ସହ ଚାଲିସ୍‌ ପାଞ୍ଚ୍‌ ଜାଣ୍‌ । 14 ସକ୍‌କୟତି ମାଜ଼ିର୍‌ ସାତ୍‌ ସହ ସାଟେ ଜାଣ୍‌ । 15 ବିନ୍ନୁୟିତି ମାଜ଼ିର୍‌ ଚଅ ସହ ଚାଲିସ୍‌ ଆଟ୍‌ ଜାଣ୍‌ । 16 ବେବୟନି ମାଜ଼ିର୍‌ ଚଅ ସହ କଡ଼େ ଆଟ୍‌ ଜାଣ୍‌ । 17 ଅସ୍‌ଗଦତି ମାଜ଼ିର୍‌ ଦୁଇ ହାଜାର୍‌ ତିନି ସହ କଡ଼େ ଦୁଇ ଜାଣ୍‌ । 18 ଅଦନିକାମତି ମାଜ଼ିର୍‌ ଚଅ ସ ସାଟେ ସାତ୍‌ ଜାଣ୍‌ । 19 ବିଗ୍‌ବୟତି ମାଜ଼ିର୍‌ ଦୁଇ ହାଜାର୍‌ ସାଟେ ସାତ୍‌ ଜାଣ୍‌ । 20 ଆଦିନତି ମାଜ଼ି ଚଅ ସହ ପଚାସ୍‌ ପାଞ୍ଚ୍‌ ଜାଣ୍‌ । 21 ହିଜକିୟତି ମାଜ଼ିର୍‌ ଲାତ୍ରା ଉବ୍‌ଜାତି ଆଟରତି ମାଜ଼ିର୍‌ ନବେ ଆଟ୍‌ ଜାଣ୍‌ । 22 ହସୁମନି ମାଜ଼ିର୍‌ ତିନ୍‌ ସହ କଡ଼େ ଆଟ୍‌ ଜାଣ୍‌ । 23 ବେତ୍‌ସୟତି ମାଜ଼ିର୍‌ ତିନ୍‌ ସହ କଡ଼େ ଚାରି ଜାଣ୍‌ । 24 ହାରିପ୍‌ତି ମାଜ଼ିର୍‌ ଏକ୍‌ ସହ ବାର ଜାଣ୍‌ । 25 ଗିବିୟନିୟତି ମାଜ଼ିର୍‌ ନବେ ପାଞ୍ଚ୍‌ ଜାଣ୍‌ । 26 ବେତଲିହିମ୍‌ ଆରି ନଟପାନି ମାନାୟାର୍‌ ଏକ୍‌ ସହ ଅସେ ଆଟ୍‌ ଜାଣ୍‌ । 27 ଅନାତତ୍‌ତି ମାନାୟାର୍‌ ଏକ୍‌ ସହ କଡ଼େ ଆଟ୍‌ ଜାଣ୍‌ । 28 ବେତ୍‌ ଅସ୍ମାବତନି ମାନାୟାର୍‌ ଚାଲିସ୍‌ ଦୁଇ ଜାଣ୍‌ । 29 କିରିୟତ୍‌-ଜିୟାରିମ୍‌ତି, କପିରାତି ଆରି ବେରତତି ମାନାୟାର୍‌ ସାତ୍‌ ସହ ଚାଲିସ୍‌ ତିନ୍‌ ଜାଣ୍‌ । 30 ରାମା ଆରି ଗେବାତି ମାନାୟାର୍‌ ଚଅ ସହ କଡ଼େ ଏକ୍‌ ଜାଣ୍‌ । 31 ମିକ୍‌ମସତି ମାନାୟାର୍‌ ଏକ୍‌ ସହ କଡ଼େ ଦୁଇ ଜାଣ୍‌ । 32 ବୈତେଲ୍‌ ଆରି ଅୟନି ମାନାୟାର୍‌ ଏକ୍‌ ସହ କଡ଼େ ତିନ୍‌ ଜାଣ୍‌ । 33 ବିନ୍‌ ନବତି ମାନାୟାର୍‌ ପଚାସ୍‌ ଦୁଇ ଜାଣ୍‌ । 34 ବିନ୍‌ ଏଲମତି ମାଜ଼ିର୍‌ ଏକ୍‌ ହାଜାର୍‌ ଦୁଇ ସହ ପଚାସ୍‌ ଚାରି ଜାଣ୍‌ । 35 ହାରିମତି ମାଜ଼ିର୍‌ ତିନ୍‌ ସହ କୁଡ଼େ ଜାଣ୍‌ । 36 ଜିରିହନି ମାଜ଼ିର୍‌ ତିନ୍‌ ସହ ଚାଲିସ୍‌ ପାଞ୍ଚ୍‌ ଜାଣ୍‌ । 37 ଲଦ୍‌, ହାଦିଦ୍‌ ଆରି ଓନତି ମାଜ଼ି ସାତ୍‌ ସହ କଡ଼େ ଏକ୍‌ ଜାଣ୍‌ । 38 ସନାୟାତି ମାଜ଼ିର୍‌ ତିନ୍‌ ହାଜାର୍‌ ନଅ ସହ ତିରିସ୍‌ ଜାଣ୍‌ । 39 ମାପ୍ରୁହେବାକିନାକାର୍‌ତି ଲମର୍‌; ଜେସୁୟ ଲାତ୍ରାନି ଜିଦୟିୟନି ମାଜ଼ିର୍‌ ନଅ ସହ ସତୁରି ତିନ୍‌ ଜାଣ୍‌ । 40 ଇମ୍ମେରନି ମାଜ଼ିର୍‌ ଏକ୍‌ ହାଜାର୍‌ ପଚାସ୍‌ ଦୁଇ ଜାଣ୍‌ । 41 ପସୁହୁରତି ମାଜ଼ିର୍‌ ଏକ୍‌ ହାଜାର୍‌ ଦୁଇ ସହ ଚାଲିସ୍‌ ସାତ୍‌ ଜାଣ୍‌ । 42 ହାରିମତି ମାଜ଼ିର୍‌ ଏକ୍‌ ହାଜାର୍‌ ସତ୍‌ର ଜାଣ୍‌ । 43 ଲେବିୟର୍‌ତି ଲମର୍‌; ହେଦବାତି ମାଜ଼ିର୍‌, ଜେସୁୟତି ମାଜ଼ିର୍‌, କଦ୍‌ମିୟେଲତି ମାଜ଼ିର୍‌ ସତୁରି ଚାରି ଜାଣ୍‌ । 44 କେର୍‌ନାକାର୍‌ତି ଲମର୍‌; ଆସପତି ମାଜ଼ିର୍‌ ଏକ୍‌ ସହ ଚାଲିସ୍‌ ଆଟ୍‌ ଜାଣ୍‌ । 45 ଦୁୱେର୍‌କାନାକାର୍‌ତି ଲମର୍‌; ସଲ୍ଲୁମତି ମାଜ଼ିର୍‌, ଆଟରତି ମାଜ଼ିର୍‌, ଟଲମନତି ମାଜ଼ିର୍‌, ଅକ୍‌କୁବ୍‌ତି ମାଜ଼ିର୍‌, ହଟିଟାତି ମାଜ଼ିର୍‌, ସବୟତି ମାଜ଼ିର୍‌ ଏକ୍‌ ସହ ତିରିସ୍‌ ଆଟ୍‌ ଜାଣ୍‌ । 46 ହେବାକାରିର୍‌ ଲମର୍‌; ସିହତି ମାଜ଼ିର୍‌, ହସୁପାତି ମାଜ଼ିର୍‌, ଟବାୟତତି ମାଜ଼ିର୍‌; 47 କେରସତି ମାଜ଼ିର୍‌, ସିୟତି ମାଜ଼ିର୍‌ ପାଦନତି ମାଜ଼ିର୍‌; 48 ଲବାନାତି ମାଜ଼ିର୍‌, ହଗାବତି ମାଜ଼ିର୍‌, ସଲ୍‌ମୟତି ମାଜ଼ିର୍‌; 49 ହାନନତି ମାଜ଼ିର୍‌, ଗିଦ୍ଦେଲତି ମାଜ଼ିର୍‌, ଗହରତି ମାଜ଼ିର୍‌; 50 ରାୟାତି ମାଜ଼ିର୍‌, ରତ୍‌ସିନତି ମାଜ଼ିର୍‌, ନକଦତି ମାଜ଼ିର୍‌; 51 ଗସମତି ମାଜ଼ିର୍‌, ଉସର ମାଜ଼ିର୍‌, ପାସେହତି ମାଜ଼ିର୍‌; 52 ବେସୟତି ମାଜ଼ିର୍‌, ମିୟୁନିମତି ମାଜ଼ିର୍‌, ନପୁସିମତି ମାଜ଼ିର୍‌; 53 ବକ୍‌ବୁକତି ମାଜ଼ିର୍‌, ହକୁପାତି ମାଜ଼ିର୍‌, ହର୍ହୁରତି ମାଜ଼ିର୍‌; 54 ବସ୍‌ଲୁତତି ମାଜ଼ିର୍‌, ମହିଦାତି ମାଜ଼ିର୍‌, ହର୍ସାତି ମାଜ଼ିର୍‌; 55 ବର୍କସତି ମାଜ଼ିର୍‌, ସିସରାତି ମାଜ଼ିର୍‌, ତେମହତି ମାଜ଼ିର୍‌; 56 ନତ୍‌ସିହତି ମାଜ଼ିର୍‌, ହଟିପାତି ମାଜ଼ିର୍‌ । 57 ସଲମନ୍‌ ଆଡ଼ିୟାର୍‌ତି ମାଜ଼ିର୍‌ତି ଲମର୍‌; ସଟୟତି ମାଜ଼ିର୍‌, ହସପେରତି ମାଜ଼ିର୍‌, ପରିଦାତି ମାଜ଼ିର୍‌; 58 ଜାଲାତି ମାଜ଼ିର୍‌, ଦର୍କଣତି ମାଜ଼ିର୍‌, ଗିଦ୍ଦେଲତି ମାଜ଼ିର୍‌; 59 ସପଟିୟତି ମାଜ଼ିର୍‌, ହଟିଲାତି ମାଜ଼ିର୍‌, ପକେରତ୍-ହତ୍‌ସବାୟିମତି ମାଜ଼ିର୍‌, ଆମନତି ମାଜ଼ିର୍‌ ।

60 ସବୁ ହେବାକାରିୟାର୍‌ତି ଆରି ସଲମନତି ଆଡ଼ିୟାର୍‌ତି ମାଜ଼ିର୍‌ତି ଲମର୍‌ ତିନ୍‌ ସହ ନବେ ଦୁଇ ଜାଣ୍‌ । 61 ଆରେ, ତେଲ୍‌-ମେଲହ, ତେଲହର୍ସା, କରୁବ୍‌, ଅଦନ ଆରି ଇମ୍ମେର୍‌, ଇ ସବୁ ବାହାତାଂ ଲକୁ ୱାତାର୍‌; ମତର୍‌ ହେୱାର୍‌ ଇସ୍ରାଏଲିୟ ଲକୁ ଇଞ୍ଜି ଜାର୍‌ ଜାର୍‌ ଆକର୍‌ଲାତ୍ରା ଆରି କୁଟୁମ୍‌ନି ପାର୍ମାଣ୍‌ ୱେଚ୍‌ଚେଙ୍ଗ୍‌ ଆଡ୍‌ୱାତାର୍‌; ହେ ମାନାୟାର୍‌ ଇୱାର୍‌, ଇଚିସ୍‌, 62 ଦଲାୟତି ମାଜ଼ି, ଟବିୟତି ମାଜ଼ି, ନକଦତି ମାଜ଼ି, ଚଅ ସହ ଚାଲିସ୍‌ ଦୁଇ ଜାଣ୍‌ ।

63 ମାପ୍ରୁହେବାକିନାକାର୍‌ ବିତ୍ରେତାଂ ହବାୟତି ମାଜ଼ିର୍‌, ହକସତି ମାଜ଼ିର୍‌, ବର୍ସିଲ୍ଲୟତି ମାଜ଼ିର୍‌, ଇ ବର୍ସିଲ୍ଲୟ ଗିଲିୟଦିୟ ବର୍ସିଲ୍ଲୟତି ର ଗାଡ଼୍‌ଚେଙ୍ଗ୍‌ ବିବା କିତିଲେ ତା ତର୍‌ ଇସାବ୍ରେ ଡାକ୍‌ପୁଟା ଆଜ଼ିମାଚାନ୍‌ । 64 ଇୱାର୍‌ ଲାତ୍ରାଇସାବ୍ରେ ଗାଣାକିତି ମାନାୟାର୍‌ ବିତ୍ରେ ଜାର୍‌ତି ଲାତ୍ରା ଆକି ଡେକ୍‌ତାର୍‌, ମତର୍‌ ପାୟାୱାତାର୍‌; ଇଦାଂ କାଜିଂ ହେୱାର୍‌ ବିଟାଡ଼୍‌ ଗାଣାକିୟାଜ଼ି ମାପ୍ରୁହେବାକିନାକାନ୍‌ ପାଦ୍‌ତାଂ ବାରିକିତାର୍‌ । 65 ଆରେ, ସାସନ୍‌କାର୍‌ୟା ହେୱାରିଂ ଇଚାନ୍‌ ଜେ, ଉରିମ୍‌* ଆରି ତୁମ୍ମିମ୍‌ଦାରି ମାପ୍ରୁହେବାକିନାକାନ୍‌ ଉବ୍‌ଜାୱି ପାତେକ୍‌ ଏପେଙ୍ଗ୍‌ ମାପ୍ରୁହେବାକିନାକାନ୍‌ ବାଗ୍‌ନି ପୁଇପୁୟା କାଦି ତିନୁଦେର୍‌ । 66 ଆରେ, ୱିଜ଼ୁ ସମାଜ୍‌ ଚାଲିସ୍‌ ଦୁଇ ହାଜାର୍‌ ତିନ୍‌ ସହ ସାଟେ ଜାଣ୍‌ । 67 ଇଦାଂ ପିସ୍ତି ହେୱାର୍‌ତି ଆଡ଼ିୟାର୍‌ ଆଡ଼ିଏଣିକ୍‌ ସାତ୍‌ ହାଜାର୍‌ ତିନ୍‌ ସହ ତିରିସ୍‌ ସାତ୍‌ ଜାଣ୍‌ ମାଚାର୍‌; ଆରେ, ହେୱାର୍‌ତି ଦୁଇ ସହ ଚାଲିସ୍‌ ପାଞ୍ଚ୍‌ ଜାଣ୍‌ କେର୍‌ନାକାର୍‌ କେର୍‌ନିକିକ୍‌ ମାଚିକ୍‌ । 68 ହେୱାର୍‌ତି ସାତ୍‌ ସହ ତିରିସ୍‌ ଚଅ ଗଡ଼ାଙ୍ଗ୍‌; ଦୁଇ ସହ ଚାଲିସ୍‌ ପାଞ୍ଚ୍‌ ତେୟା ଗଡ଼଼ା; 69 ଚାରି ସହ ତିରିସ୍‌ପାଞ୍ଚ୍‌ ଉଟ୍‌; ଚଅ ହାଜାର୍‌ ସାତ୍‌ ସହ କୁଡ଼େଗଟା ଗଦଂ ମାଚିକ୍‌ । 70 ଆରେ, ଆକର୍‌ଲାତ୍ରା ମୁଡ଼୍‌ଦାକାର୍‌ ବିତ୍ରେତାଂ ଇନେର୍‌ ଇନେର୍‌ ହେ କାମାୟ୍‌ କାଜିଂ ଦାନ୍‌ କିତାର୍‌ । ସାସନ୍‌କାର୍‌ୟା ଟୁଣ୍ଡିତ ଡାରିକ୍‌ ତର୍‌ନି ଏକ୍‌ ହାଜାର୍‌ ହନା ଡାବୁଙ୍ଗ୍‌, ପଚାସ୍‌ ମାଣ୍ଡିଂ, ପାଞ୍ଚ୍‌ ସହ ତିରିସ୍‌ ମାପ୍ରୁହେବାକିନାକାର୍‌ତି ହେନ୍ଦ୍ରା ହିତାନ୍‌ । 71 ଆରେ, ଆକର୍‌ଲାତ୍ରା କେତେକ୍‌ ମୁଡ଼୍‌ ଲଗୁ ନିଜ୍‌ ଟୁଣ୍ଡିତାଂ ଡାରିକ୍‌ ତର୍‌ନି କୁଡ଼େ ହାଜାର୍‌ ହନା ଡାବୁଙ୍ଗ୍‌ ଆରି ଦୁଇ ହାଜାର୍‌ ଦୁଇ ସହ ପାଉଣ୍ଡ* ରୁପା କାମାୟ୍‌ କାଜିଂ ହିତାନ୍‌ । 72 ବିନ୍‌ ଲକୁ ୱିଜ଼ାର୍‌ ଡାରିକ୍‌ ତର୍‌ଦାକାନ୍‌ କୁଡ଼େ ହାଜାର୍‌ ହନା ଡାବୁଙ୍ଗ୍‌ ଆରି ଦୁଇ ହାଜାର୍‌ ପାଉଣ୍ଡ ରୁପା ଆରି ସାଟେ ସାତ୍‌ ମାପ୍ରୁହେବାକିନାକାର୍‌ତି ହେନ୍ଦ୍ରା ହିତାର୍‌ । 73 ଇଦାଂ ପାଚେ ମାପ୍ରୁହେବାକିନାକାର୍‌, ଲେବିୟର୍‌, ଦୁୱେର୍‌କାନାକାର୍‌ ଆରି କେର୍‌ନାକାର୍‌, ଆରେ କେତେକ୍‌ ମାନାୟାର୍‌ ଆରି ନତିନିୟର୍‌ ମନ୍ଦିର୍‌ନି ହେବାକାରିୟାର୍‌ ଆରି ୱିଜ଼ୁ ଇସ୍ରାଏଲ୍‌ ଜାର୍‌ ଜାର୍‌ ଗାଡ଼୍‌ଦ ବାହା କିତାର୍‌ । ଆରେ ସାତ୍‌ ମାସ୍‌ ୱେଡ଼ାଲିଂ ଇସ୍ରାଏଲ୍‌-ମାଜ଼ିର୍‌ ଜାର୍‌ ଗାଡ଼୍‌ଦ ମାଚାର୍‌ ।