8 ଆରେ, ହେୱାର୍ ହାର୍କିଜ଼ି ପର୍ମେସ୍ୱର୍ତି ବିଦି-ପତିତାଂ ପଡ଼ିକିତାର୍ ଆରି ହେୱାର୍ ହେବେନି ବାବ୍ନା ବୁଜାୟ୍କିତାର୍, ପାଚେ ମାନାୟାର୍ ପଡ଼ିକିନାକା ବୁଜାଆତାର୍ ।
9 ଆରେ, ସାସନ୍କାର୍ୟା ନିହିମିୟା ଆରି ମାସ୍ଟର୍ ଆରି ମାପ୍ରୁହେବାକିନାକାନ୍ ଏଜ୍ରା ଆରି ମାନାୟାର୍ ଗୁରୁ ଲେବିୟର୍ ୱିଜ଼ାର୍ ମାନାୟାରିଂ ଇଚାର୍, "ନେଜେଙ୍ଗ୍ନିଦିନ୍ ନିତ୍ରେମାପ୍ରୁ ମି ପର୍ମେସ୍ୱର୍ତି ଉଦେସ୍ତ ପୁଇପୁୟା ଆନାତ୍; ଦୁକ୍ କିମାଟ୍ କି ଆଡ଼୍ବାମାଡୁ ।" ଇନେକିଦେଂକି ବିଦିନି ବଚନ୍ ୱେଚିଲେ, ୱିଜ଼ାର୍ ମାନାୟାର୍ ଆଡ଼୍ବାତାର୍ । 10 ଆରେ, ନିହିମିୟା ହେୱାରିଂ ଇଚାନ୍, "ଜାର୍ ଜାର୍ ହାଜ଼ିତିଂ ହାଲାଟ୍, ହାର୍ଦି କାଦି ତିନାଟ୍ ଆରି ମିଟା ଜିନିସ୍ ଉଣାଟ୍ ଆରି ଇନାକା କାଜିଂ ଜାଲ୍ଦି କିୱାତାର୍ଣ୍ଣା, ତା ଲାଗାଂ ଇଚୁକ୍ ବାଗ୍ ପକାଟ୍; ଇନେକିଦେଂକି ନେଞ୍ଜେଙ୍ଗ୍ନିଦିନ୍ ମା ମାପ୍ରୁତି ଉଦେସ୍ତ ପୁଇପୁୟା ଆନାତ୍, ଏପେଙ୍ଗ୍ ଦୁକ୍ ଆମାଟ୍; ଲାଗିଂ ନିତ୍ରେମାପ୍ରୁ ବିସ୍ରେନିକା ୱାରି ମି ସାକ୍ତି ଆନାତ୍ ।"
11 ଇଲାକେ ଲେବିୟର୍ ୱିଜ଼ାର୍ ମାନାୟାରିଂ ଚୁପ୍ କିଜ଼ି ଇଚାନ୍, "ଚିମ୍ରା ଆଡ, ନେଜେଙ୍ଗ୍ ପୁଇପୁୟା ଦିନ୍; ଏପେଙ୍ଗ୍ ଦୁକ୍ କିମାଟ୍ ।" 12 ଇଦାଂପାଚେ ମାନାୟାର୍ ଜାର୍ ଲାଗାଂ ହତି ବଚନ୍ ସବୁ ବୁଜାଆତିଲେ ହେୱାର୍ ୱିଜ଼ାର୍ ତିନାଉଣା କିଦେଂ ଆରି ଇଚୁକ୍ ବାଗ୍ ପକ୍ତେଂ ଆରି ବେସି ୱାରି କିଦେଂ ଜାର୍ ଜାର୍ ହାଜ଼ିତ ହାଚାର୍ ।