2 ताहां आंय सोको होयर, नोवा येरुसालेमोहों देवोअ जागे जुगोमेहें रोत उतरीइत्लाहा देख्यो, तों वोरोअ काजे हिंगरावल्यी वोड़ली जेहें होबाड़ल्यो ओतो. 3 ताहां आंय राजगादीइहीं रोत निहींल्या एका आवाजोहो उनाअयू, "पाला, देवोअ वोहती माअहोंअ विसमेहें होय. तो तियांआं विसमेहें रोय, आन तें तियाआ माहें बोणे आन देव सोताहा तियांआं विसमेहें रोत कोइत तियांआं देव बोणे.✝ 4 तो तियांआं डोआमेर्‍येए आक्खे रोज्ये नुसीत टाके; आन तिहींइं फासाड़ी ने मोत रोय, ने रोड़ीइलोअ, ने विखु, आन ने दुख, काहाके जुनी गोठी निहींत गोयीही."