मत्तय 22

मोतोमेहें रोत जिवीत उठिइलाअ बाप्तिमेहें प्रश्न

23 ✝ 22:23 प्रेशित 23:8 तिये दिहे सादूकी आवित कोना वोल्या के मोतोमेहें रोत फाशोअ जिवीत उठीइलोअ एहेलोह होयज नाहां, आन तियाआ जागे आवित फुशो, 24 ✝22:24 कायदा 25:5-6 "ए गुरु, मोशे कोयोतो के जर कोडो बिगर पोर्‍याआ मोइत जाये, ते तियाआ पाही तियाआ लाडीइरी वेहवाल कोइत तियाआ पायहोअ काजे वंश उब्जाड़े. 25 ओमे आमाआं हांत पाही ओता; पेल्लूउ पाही वेहवाल कोइत मोइत गोयू, आन पोर्‍ये ने ओवये तियाहा काजे तियाआ लाडी तियाआ पायहोअ काजे सोड़ीत गोयू. 26 एहेंज कोइत दुसरे आन तिसरे बी कोअयो, आन सांतू जोओंअ ओंज ओवो. 27 सेली सेलवाआ ते बाय बी मोइत गोयी. 28 ओमे जिवीत उठे ताहां तियां सांतूमेहें रोत ते कोडाआ लाडी बोणे? काहाके ते आखाआ लाडी बोण्यीते."

29 ईसु तियांहां उत्तर आप्यो, "तुमू वसन आन देवोअ ताकत नाहां जांअता; तिहीं वाअहीं तुमू केताहा सुकिम पोड़्याहा! 30 काहाके मोल्ये जिवीत उठे, ताहां तें होरगामेर्‍याआ देवदुतोंअ होस रोये आन तें ने वेहवाल कोए. 31 पोन, मोल्याआं जिवीत उठीइलोअ बाप्तिमेहें केहें तुमू ओं वसन नाहां वाश्यो के जो देव तुमुहूं कोयो: 32 ✝22:32 निर्ग 3:6,16 ‘आंय अब्राहामोअ देव, इसहाकोअ देव, आन याकोबोअ देव होय, तो जिवताआं देव होय मोल्याआं नाहां.’" 33 जेहेलाम ओं उनाअये ताहां माअहें तियाआ हिकवोणो वाअहीं बोगलाइत गोये.