कायदाआ मास्तर आन फरिसी यां रोत जाबालीत रोवा
1 फाशुउ ईसु माअहोंहों आन तियाआ सेलाहां कोयो. 2 "कायदाआ मास्तर आन फरिसी मोशेए गादीपोअ बोठाहा; 3 तियाहा काजे ते तुमुहूं जों किबी कोय, तों मानजा आन कोअजा, पोन तियांआं होस कामे मा कोअहा; काहाके ते कोताहा खोरा, पोन नाहां कोअता. 4 ते जियाहा उसलीइलोअ बी कठीण होय, एहेलाहा पाअया वोजाहा बांदीत माअहोंअ खांदोपोअ मिकी देताहा; पोन ते तियांहां आंगी वाअहीं जाआं आधार नाहां देता. 5 ते तियांआं कामे माअहोंहों देखाड़ीलोअ काजे कोअताहा: ते तियांआं आथोमेर्येए वसन लेखल्ये पत्रे पोले कोअताहा, आन तियांआं साअकाआ कोरी नांबी कोअताहा. 6 पांगातीमेहें मुख्य मुख्य जागा, आन आराधनालयोमेहें मुख्य मुख्य जागा तियांहां गोमताहा. 7 बाजारोमेहें ‘सलाम,’ आन माअहोंमेहें ‘मास्तर’ कोवड़ाइलोअ तियांहां हाजो लागेहे.