9 फाश्यू ईसु तिहीं रोत आगाड़ी जात, मत्तय नावोअ एका माट्योहो नाकापोअ बोहीत रोल्यू देख्यू, तिये तियाहा कोयो, "माआं फासाड़ी आव."
ताहां तो उठीत तियाआ फासाड़ी गोयू.
10 जाहां ईसु मत्तयोअ कोअमेहें रोटू खातुतो, ताहां जाअखीलाहा नाकेदार आन पापी आवित ईसु आन तियाआ सेलांअरी खाना बोठा. 11 ओं पालीत थोड़ाक फरिसी तियाआ सेलाहां कोयो, "तुमाआं गुरु यां नाकेदार आन पाप्योंअरी काहा खाहे?"
12 ओं उनाइत ईसु तियांहां कोयो, "नेरा माअहोंहों डाक्टरोअ गरज नाहां रोती, पोन बिमारी माअहोंअ काजे गरज होये. 13 ‘माहूं गाराहा नाहां, पोन दया जोवे.’ जावा याआ अर्थ कि होय तो सिकाइत ल्या, काहाके आंय धर्मी माहुंहूं नाहां, पोन पापी माहुंहूं हादू आयुहू."
उपासोअ प्रश्न
(मार्क 2:18-22; लुक 5:33-39)