Romanos 2

6 तो हारेक जोओंहों जिया तियाआ कामोंअ परमाणे फल आपे, 7 जे माअहें हाजा कामोमेहें खेटीत रोतेहे आन देवोअ महिमा, मानपान आन अमर जिवनोअ वाट जोवतेहे, तियांहां देव अमर जिवन आपे. 8 पोन जे माअहें आद्र्ये होय आन सत्याहा नाहां मानते, गाठ्येए सुकीइ गोठी मानतेहे, तियां पोअ देवोहो खोत लागे आन जास्ती खिजवाय. 9 जो खाराब कोअहे तिया हारेक माहूंपोअ आन पिड़ा आन आफत आवे, पेल यहुदी पोअ तिहीं रोत बिगर यहुदी पोअ; 10 पोन जो हाजो कोअहे तिया हारेक जोओंहों महिमा, मानपान आन होक जोड़े, पेल यहुदीही आन तिहीं रोत बिगर यहुदी. 11 काहाके देव कोडाआ भेदभाव नाहां कोअतू.