Marcos 2

3 Yn hnguva khyang pahli na kutkhu byttih jap pyng kyn theilaa Jesuh cenga ym lu. 4 Khyang puː ym myi khiannyng Jesuh ceng cyp phaw nyn jo aw. Yn haa naa Jesuh myih nyak immtiih piat awla, yn khyang nehmawh, hngyn nyak phawhiih dy ym hawn. 5 Jesuh naa yn haa jumnyak y hnguh hnguva, kutkhu byttih khyang ngyng, "Ky zawvo, nyang pet haa hluːh pyn," y tinyak.

6 Yn duːn nyng ycya tala cawkhyautih haa ngoa awlaa, ym lung dukka khindang, 7 "Ibawthawnyng ni bawva ni khyang na hyau maa? Yn cee Nuatpaw siat nyak khyang si! Nuatpaw pahuat thua u naa pet hluːh nyn maa?" tilaa ym lung dukka khindang.

8 Jesuh naa muikhaw lung ngyng yn haa lung dukka khindang khyang y hnguat hlyi, "Ibawthawnyng ni byang nym khindang maa?, y tinyak. 9 I byang cee hyau lawi maa, ‘Nyang pet haa hluːh pyn,’ sikhawvyngcee ‘Thoo, ny phawhiih kyt laa zet, tijyng kutkhu byttih khyang ngyng hyau vy lawi jei’? 10 Ynbawlakhy khyang Zawpawe na somdek huanna pet hluːh nyn, uppyng nyak, nyangmi jyng hnguat shyak ky ky lu," tijyng yn khyang ngyng y hyau. 11 "Nyang ngyng ky hyau, thoo, ny phawhiih kyt tilaa, imm ma zet," y tinyak.

12 Yn cee y thoo hlyi, khyang haa hngoaimaw kuːh phawhiih kyt theilaa y zet bua. Yn cee khyang tomti naa muːnnaw awla Nuatpaw ym khuːhbia, "Nibyang keeimi naa ikhy hngusai joaw nga!" tilaa ym hyau.