MARKA 5

Byyttih Hngutawzaw laa Kuatih Hngutaw Nuu

21 Jesuh acya tuili jaalyaam maa lawng ngyng y kuat bua hnguva, yn tuiikyam maa myitih khyang puː panuu yn ceng kikaa ym dyynnei lue. 22 Ynpynnyng sinakok uptih pahuat, Jairus ming nawtih, luu theilaa Jesuh y hnguh hnguva, ynih khuuzoo va khukdya. 23 Ynih eyng Lungniam nyakkyng, "Keei zawhngu byt hngyhtian tilaa, ynih eyng luu tilaa ny kut tyangluu piatmawh, yn hngucee kaangsaa bua theilaa y syak hyang ngy," y tinyak.

24 Yn khianyng Jesuh Jairus dy zet hah. Y lawnglyktih puːpaw khawnglawn khianyng Jesuh ym hliam peh.

25 Ynnijaa kum kulaihngih thiisaa tih hngutawe pahuat myi. 26 Ynih cee sibawi panuukung ngyng suduan pyn. Y neh kuːk kawva lian jyang lian luu theilaa, y tyakkei thawngkaw tomti pyih laakhy kaangsaanyak lawh jo. 27 Yn hngutaw naa Jesuh sityang y jyak hnguva, khyangpuː dukkuːh y hngu lyammaa tungluu theila ynih suisyak y hliam, 28 ibawthonnyngmaa tijyngcee "y suishyak ky hliam lawh eyngcee, ky kaangsaanyak lawh ey," tijyng tawei khiannyng y suisyak y hliamei.

29 Y hliam laa y thiisaa tih duːm hlyi theilaa, nehnyang ngyng kuːh lyt khyang y pum ju naa pijei. 30 Jesuh naa, ynih phungan lyt khyang pijei hlyi. Khyangpuːm kika lyam tenvoih theilaa, "U naa keei suisyak hliam maa?" tilaa y hngi.

31 Hngulawnglyk haa naa, "Khyangpuː ni hawh ny hnguh kawvei; keei u naa hliam maa tilaa ijyy ny hngi lawhei," ym tiinyak.

32 Ynbawlaakhy Jesuh naa hliam tih hngu haija pingpyang tomti y to soi. 33 Ynpynynyg hngutawe naa, ibaw thawn tinyak khyang y hnguattei, khiannyng sawso lelet nuuva y khuzoova khukdya luu theilaa, athawntih tomti ahngoan naa y saih jeiluu. 34 Jesuh naa yn nyng, "Zawhngu vo, ny jummeinyak naa nyang kaangsaanyak bei pyn. Nyang nehnyang kuːk pyn hlymnyak kyng zet," y tiinyak.

35 Jesuh khyau hlu hnguva, Jairus imm maa kuːh acya khyang laa sinakok kuːh khyanglian haa ym luu. "Nyang zawhngu bytpyn, Cawkhyautih cee ibawthonnyng hlumhlik shoimaa?" ym tiinayk.

36 Ynbawlakhy Jesuh naa yn khyaukhaw y jyak hnguva sinakok uptih eyng, I ym tiinyak khyang canawjo,*5.36 canawjo; sikawvyngcee ym khyau ngei jo. "Sawso kawh; jummeinyak tawveih," y tinyak. 37 Ynhnguva Pitar, James laa James nau Jawhan thua ukhy ynih lawnglyk syak jo. 38 Sinakok uptih imm maa ym luu hnguva, khyang panuu vuiipang laa ym kap khyang Jesuh naa y hnguh. 39 Yn dukka voang theila yn haa eyng, "Ibawthawnyng vuiipang theilaa nym gap maa? Dikzaw cee byt si jo, yn cee ip jyang" y tiinyak.

40 Yn hnguva ynih ym nuih nyak. Yn haa tomti y lyt syak. Ynpynnyng ynih dy hngulawnglyktih pathum haa laa dikzaw nuu laa paw dikzaw myih nawva ym zet. 41 Y kut tyng yn thooh theila ynih eyng, "Talitha koum!" yn cee, "Hngutaw zawvo, thoo bua tiihyau!" y tiinyak.

42 Ynih thoo theilaa y zet hlyi nyn bua. Ynih cee kum kulaihngih myi hngyh. Ynhnguva yn haa naa hlyija ym muːnnyak giah. 43 Jesuh naa myn unaakhy hnguat kawhaijaa biatbiat shin theila, yn haa eyng y eijy juːhuat beijyt, y tiinyak.