Resultados da busca por "fé"

34Nyaŋ ke yɛɛ ŋgba ŋon ɔ doo degbele dinaa man ɛpo dɔɔ,keŋ feliŋ dinaa ne gyɔ ke gyu gyɔ ke kɔŋ nɛ.

1Ɛ lese Degbeŋgyoo yele.Ɛ lese Wurubuarɛ yele ɔ dekyae fereŋkyeŋ keŋ man,ɛ lese ɔ yele wa adido dekpataakpere keŋ man.

13Nyi akpaa n fae yeesa nyi baa kyɔ neŋ nɛ,yela n bɛɛneŋ baŋ n be yilaa see nɛ kaa lɛɛ neŋ!Feliŋ gyae kegyɔ mo wɔ pou laŋ,weesɛɛ pampa gyae ka moo wɔ laŋ.Mɔna ŋon ɔ yeu kaa gyoo maŋ na,waa mo tɛɛle keŋ bese ɔ dedii,na waa mo me bula fereŋkyeŋ keŋ bese ɔ wui.>>

10Degbeŋgyoo keyee yɛna nyansa kewalaŋ,te fereŋkyeŋte ŋon nombia kagyeŋ yɛna nombia man kenyii.

18Ɔ kpila ɔ nombia kaa yalakee ŋa,ɔ ne yele ɔ feliŋ ne gyɔɔ na loŋse te waale.

12Nɔɔkedi tɛɛ na be dana Adolɛɛse na akyakaase,na kefereese na akyakaase na waen,mɔna bɔɔ na mo Degbeŋgyoo aneyɛŋ yɛɛ kolo,yaa baa mo obuo fa ɔ nyiŋmaa man tom ya.

10Konɔɔ kamasɛ gyeŋ weeleŋ keŋ doo ke man,te ŋolo be tale nyaŋee kpuna ke ya.

22Baŋ bɛɛ bake nombiakumɛɛ nɛ bɛɛ yo gbɛɛ yee?Mɔna kegyae na anokoare kedi gyae ke sila baŋ bɛɛ gyueŋ nombia kpaakpaa nɛ.

30Wosefɛɛreŋ ne fa walaŋ nyeedoŋ,mɔna nuŋkurili na do ŋɔɔ kaweekum.

10Nyaŋ yɛna Wurubuarɛ ŋon maa tale mo ma wose lɔ n dɔɔ.Wurubuarɛ waa ta me siaman,na waa yela maa naa mena keŋ waa di me kɔlara dɔɔ.

12Lee be nɔɔse man nombiakumɛɛ dɔɔ,lee nombia ŋan na lee be nɔɔsebia man dɔɔ,yela baa kyaŋ wɔ ba wose kegate man.Lee kefaala na akɛrɛɛ ŋan bee dii dɔɔ,

13mo n baŋ nedoŋ wɔlɛɛ wɔ,wɔlɛɛ wɔ kaboena baa munu pou.Kenaŋ na balaŋ baa nyii ke kelii tɛɛle ɔto nyiaa,Wurubuarɛ ne diina gyoori Yakɔbe dɔɔ.

2Degbeŋgyoo feliŋ keŋ gyae ke gyakaa ɔ dɔɔ.nyansa na nombia man kenyii feliŋ,kekolosido na doŋ feliŋ,nombia kagyeŋ na Degbeŋgyoo keyee feliŋ.

7Nombiakumɛɛ te wulu be konɔɔse mante ba nyeempɔkum be dana ɔto ya.

14Wee kamasɛ mɛɛ naa diyem,te bɛɛ wɔŋ ma deŋele nebo kamasɛ.

20Be yɛɛ ŋgba ŋolo foŋala lee dosɛɛ man nɛ.Degbeŋgyoo, akpaa n koro nɛ,nyaŋ ke yɛɛ wɔ ŋgba be foŋae lee dosɛɛ man nɛ.

4Bɔɔ gyae ba tekaa baake neŋ nyi ŋon bɔɔ bɛɛ e,yaa baa do n tɛɛle yele nyi kebɛɛ ya.Mɔna baa baake neŋ nyi, Hefesiba62:4 Keŋ nawolo nyi n nombia ta gyoo me siana baa baake n tɛɛle nyi, Biyula62:4 Keŋ nawolo nyi, ba te yala e,nawolo nyi n nombia gyae ka gyoo Degbeŋgyoo sia,na baa yala n tɛɛle.

3te ɔ baŋa ɔ deni daase loŋse dɔɔ,ɔ moo ŋɔma yɛɛ ɔ yookɔtase,te ɔ ne kyaa feliŋ beŋkelɛɛ dɔɔ.

7Nnɛ yaa Degbeŋgyoo,Lɛɛre na Iserae Fereŋkyeŋte ŋon ne yako,fa ŋon tɛɛlese bɛɛ mo e yɛɛ kolo ya te bɔɔ bɛɛ e,fa kegyiise somra baŋ nyiaa.<<Gyooneŋ baa naa neŋ na baa koro seŋ,gyoorobia baa naa na baa buŋ neŋ,lee Degbeŋgyoo ŋon ɔ ne di anokoare nɛ dɔɔ,Iserae fereŋkyeŋte ŋon ɔ ba lese neŋ dɔɔ.>>

22Me Wurubuarɛ, maa mo adolɛɛ lese n yele,lee nya anokoare kedi dɔɔ.Maa mo akyakaa kpee nɔɔneŋ lese n yele,Iserae fereŋkyeŋte ŋon.

7baŋ te maa mo kɔŋ me bula fereŋkyeŋ keŋ dɔɔ,na maa fa wɔ kenyaŋee me kefane deni man,Be katoo kedeesase na ba kedeesasegyae ka gyoo me sia ma kedeesaboe keŋ dɔɔ.nawolo nyi baa baake mɔ ɔsom deni dinaa keŋ nyi,kefane deni fa tɛɛlese pou.>>

4Degbeŋgyoo kyaa wɔ ɔsom deni dinaa fereŋkyeŋ keŋ man,Degbeŋgyoo kyaa ɔ gyoorogbeli dɔɔ adido,ɔ na gyene walaŋ kamasɛ tɛɛle dɔɔ,ɔ sia gyakaa be dɔɔ.

5Kɛɛ, n ke yilaa tɛɛlese baŋ n ba gyeŋ wɔ ya nɛ,te tɛɛlese ŋan n ba gyeŋ ya nɛ baa yeu kɔŋ n gyaŋ,lee Degbeŋgyoo n Wurubuarɛ,Iseraetena fereŋkyeŋte ŋon dɔɔ,nawolo nyi ŋon faana neŋ wosekenyiŋ.>>

3Nyi ma wose de tekerii maŋ na,nyaŋ ne kɛɛna ma keta man.Ba te nyɔɔ maŋ kɔtase,gbɛɛneŋ ŋan dɔɔ me dɔŋ nɛ man.

4Kɛɛ na n kena nyi ŋolo be kyaa me dunoluŋ dɔɔ ya,ŋolo be famenɛna maŋ ya.Mɔɔ dana keyeu kagyoo ya,ŋolo be famenɛna ma nyeedoŋ ya.

7Lese maŋ lee me kaale man,na maa nyiŋ lese n yele.Kenaŋ na baŋ ba tenɛɛ baa yilaa kilisi maŋ,lee n deeli keŋ n be yɛɛ fa maŋ nɛ dɔɔ.

2ɛmɛɛ baŋ ɛ ne baake ɛ wose nyi donɔɔ dinaa fereŋkyeŋ keŋ balaŋ,te ɛ ne yɛɛ ŋgba ɛ na mo ɛ wose lɔ Iserae Wurubuarɛ dɔɔ,Degbeŋgyoo Dekpataakpere yɛna ɔ yele.

3Kpila n keŋmaŋee na nya anokoare keŋ kaa lɛɛ maŋ,yela ŋe kaa ta me siaman,yela ŋe ka mo maŋ kɔŋ n bula fereŋkyeŋ keŋ dɔɔ,botɔɔ keŋ n kyaa nɛ.