Atos 2

41 तब जोजोले पत्रुसलं छेन ग्रहन ढास्यु नकाङै बप्तिस्मा राहोनौ, ओटन नकाई दिनछिम छ्योअ तिन हजार रुयाङ बगालल चैइसिवाङ।

42 ओटन नकाङ प्रेरितयाङल सिक्छ्या डोटौ नाल्ट सङ्गति ढान्या सनर भरेई कलाएन्या ओटन प्रार्थनाल भक्तिसकाए लागिज्यावाङ।

बिस्वासीयाङलं जिबन

43 ओटन सोगलैल यिङल छ्याइ पसिऊ, ओटन प्रेरितयाङ्ङन भ्याई घिन्या अचम्मला कामयाङ सनर भ्या अचम्मला कामयाङ ताइवाङ। 44 ओटन सोगलै बिस्वासीयाङ बोलोङ चुङस्यु, नकाङ सोगलै जन्तु सअतन लेऊ।✝2:44 प्रेरित ४:३२-३५ 45 नकाङै रांमि येङखेए सनर धनसम्पत यएस्यु जोजन जो जन्तुल अभाब परिऊ, नका ओयाङ सोगलैजन भाअस्यान्या रांढोव। 46 ओटन नकाङ तोलोअ यिङला ताइस्यु यरुशलेम मन्दिरलं तचोएकै दुउसिरा ओटन झिम-झिमल भरेई कलाएरा, ओटन नकाङ खुशी सकाए चोखा यिङले मिलिस्यु ज्योरा, 47 ओटन परमेस्वरलं प्रसम्सा ढाऔयन, सनर सोगलै बिस्वासीयाङ चान्या मौका डोएस्यु चुङरा। उद्दार डोएन्याङजन प्रभुले दिनकाई नकाङल बगालत आचैस्योवाङ।