मत्ती 17

येशुले भूत लागिन्या केटाजन आसबेलौ

14 जब येशु सनर आ सिइयाङ रुयाङ हुल लेन्या पोल ताप्‌रांरापाइना तोलोअ रुले आल्योङ रा:स्यु घुन्डा टेकिस्यु ऐलेऊ, 15 "औ प्रभु, ङा ज़ाजन दया ढोते, दानाङभन्या नका चरिफाई लागिस्यु बअ दुख डोएज्याऊ। नका खयाङ्क मील परिया, खयाङ्क रील बुदिया। 16 ङा नकाजन न सिइयाङल्योङ ङाहोन्ङु, तर नकाङै सबेलौ रांमाढुदुऊ।"

17 तब येशुले आढोवाङ, "ऐ अल्प बिस्वासीयाङ सनर भ्रस्ट पुस्ताङ, खक समन ङा जेसकाए लिज्याङ का? ङा जेजन खक समन सहिच्यो? नकाजन अदेए ङालेऊदेए होन्चिते।" 18 जब नाजन येशुल ल्योङ राहोनौ, तब नकात लेन्या भूतजन आहकारिउ ओटन नका केटातन पलिईस्यु हिनौ, ओटन नका ओचोएटै बेलौ।