मत्ती 2

3 जब ईका थएवापाइना हेरोद रय भ्याईज आतिऊ, ओटन नका सकाए सोगल यरुशलेम सहरला रुयाङ बै आतिवाङ। 4 ओटन नकाले सोगलै मुख्या पुजाउरोयाङ सनर जन्ताङल शास्त्रीयाङजन आदुउवाङ, ओटन ख्रीस्टल जन्म काङ ताइन्यारैस लेस्यु ग्यानगिन आढोवाङ।

5 ओयाङै नकाजन ऐराढोव, यहूदियाला बेथलेहेम सहर। दानाङभन्या अगमबक्ताङ्ङन ऐटाइन्या सरसिन्या लेया:

6 "ऐ बेथलेहेम, ‘यहूदा प्रदेसला नङ्गर’

नङ यहूदाला शासकयाङ खार्ल काङ्काईतन बै क्याइसिन्या मालेन्दी,

दानाङभन्या नङ्ङन तोलोअ शासक पलिईस्यु रांन्यालेया,

ओले इस्राएलला ङा रुयाङजन डोऱ्याहौरा।"✝2:6 मीका ५:२

7 तब हेरोदले पुर्बङन रांन्या ज्योतिसीयाङजन गोप्यल खुल्स्यु हरवए ख्वाएबेला रंनौ, ना नकाङल्योङन पत्ता आलाहौ। 8 नकाले ओयाङजन ऐढास्यु बेथलेहेमल आपरिङवाङ, "हिन्चिते, ओटन चान्यासं नका बालअजन रोअचिते। नकाजन डोएच्योकन ङाजन पानस्याङच्यो, ओटन ङा बै हिनस्यु नाजन ढोक योंङा।"