मत्ती 20

तोलोअ आमाल बिन्ति

20 जब्दियाल मेएमाले नेंलोअ ल्हेपाज़ानेंजन ओलसं होनस्यु येशुल हाक घुन्डा टिकिस्यु बिन्ति आढोव। 21 येशुले नकाजन आगिनौ, "नङ नै नचाहिनु?" नकाले ओलजन ऐआढोव, "आग्या ढोते ओटन न राज्यल, ईका नेंलोअ ङाज़ानें मध्य तोलोअ नदाइन्याङन, ओटन छुट्टै नदाबऱ्या कुईङन चुङौ ग्याडोएनेत्या।" 22 तर येशुले जबाक आयोवाङ, "जे नै जेनीज्याचिऊ ना मासन्चिदी। ङा जो कटौरा ओङा ङालज्याङु, नैति ना जे ओव जेढुदुचिऊ?" नकाङै ऐराढोव, "ऐढुदुया।" 23 तब येशुले ऐआढोवाङ, "ङा कटौरा जे ऐओदुच्या, तर ङादाइन्या सनर ङादाबऱ्याङन चुङौ यांन्या छेन ङा कुईत माल्दी। ईका पो नकाङल हो, जोल नाल्ट ङा बौले तयार जाएस्युलेऊ।"