Abɛ zǝ Yesɔ tsin abɛ kuti
35 Ne bɛr yi ku zǝ Yɔɔna ne aklikla bǝn abɛ tsene maa amɛ yaa. 36 Ndi ne yik Yesɔ agayir, adi, <<Tɔ zhin, Nklu ayou Arik!>>
37 Ndi ayaa abɛ tsene maa ne wɔ Yɔɔna adi amɛ, akɔ zǝ Yesɔ. 38 Yesɔ akam atɔ, te yik ba azeu arib ba te di, <<Izhin wɔb anii?>>
Adiu, <<Ine tsar>> Rabbi (watɔ ine tsar), <<Usɔŋ ne mei?>>
39 Yesɔ adi ba, <<Nyɛ zhin, izhin tei yik.>>
Ankyak akɔte yik amkpa waŋ ndi asɔŋɔ, te sɔŋ mla nǝ ku arik ben abɔu. Kǝrfe nas kɛ amgbalu ne vuŋ ba.
40 Anduru, izumen ane Biturus, ne yi ne miŋ kɛ ayaa abaŋ ndi ne wɔ iki yiŋ ndi Yɔɔna ne di te na zǝ Yesɔ. 41 Iki yi kuti ndi Andru nenai ne wɔb izumen Biturus te blau te di, <<Ta ne ka yik Almasihu>> (waŋ ndi iwa ai Kristi me). 42 Ankyak agliu te gar ben Yesɔ.
Yesɔ ne tɔu te di, <<Uyi Saminu izu Yɔɔna. Atei zhɔu te Kefas>> (Ndi ai Biturus).
Yesɔ ne zhɔ Filibus ben Nataniyel
43 Ne bɛr yi ku zǝ Yesɔ ne wɔb te iwa abɛ gar Galili. Ndi Yesɔ ne yik Filibus, adiu, <<Zǝm.>>
44 Filibus, ben Anduru bǝn Biturus, are ntun yi Batseda. 45 Filibus ne yik Nataniyel te blau te di, <<Ta ne yik waŋ ndi Musa ne cɛr ne atu amaa, waŋ ndi abɛ bla shar yi Arik nena cɛr. Yesɔ ne Nazara, ndi ayi izu Yusuu.>>
46 Nataniyel arib, <<Iki didik itei irurɛ Nazara yi?>>
Filibus adiu, <<Nyɛ tɔ.>>
47 Ndi Yesɔ ne yik Nataniyel anyɛ bǝn abɔu, alɛ ne atu amaa te di, <<Tɔ awɔnǝ Isrelawa didik, waŋ ndi ba na ki mimin ba.>>
48 Nataniyel aribu te di, <<Une na kikin te zhim?>>
Yesɔ adiu, <<Mne yigu ndi une nak ri yi ne tiŋ nglǝnglǝ ndi Filibus ne zhɔu.>>
49 Ankyak Nataniyel adi, <<Ine tsar, uyi Izu Arik; uyi Itum ine Isrela.>>
50 Yesɔ adi, <<Une tanyɛmɛ te Mne blau te ndi Mne yigu ne tiŋ nglǝnglǝ?. Utei yik kiki ngɔngɔŋ yi naŋ yiŋɛ.>> 51 Yesɔ nena di, <<Mblau izub, utei yik gbarshu ibu, abɛ shar ayou Arik ayuŋ ate zǝ netu kɛ Izu Neshir.>>