Lucas 1

Bla ŋli kɛ Yesɔ

26 Ndi Alisabɛtu ne te ihwa tani, Arik ne shar ne shar amaa Gebre ne ntun ndi azhɔ sak maa te Nazara, ne Galili. 27 Bǝn vǝnwa nuŋ ndi ba ne zhi lulum ba ndi azhɔu te Meryamu waŋ ndi Yusuu a tɔgu, nga ŋli kɛ Doda. 28 Ine shar ayou Arik ne gar bene bɔu te di, <<Mtegu, uwa waŋ ndi une yik ki didik! Arik ayi bǝn bɔu.>>

29 Ilɛ kǝŋe ne dam Meryamu ngɔŋ te lɛ ne susun maa itek iyiŋɛ iye ni. 30 Ankyak ine shar ayou Arik a diu, <<Duŋ te sisik ba, Meryamu, une yik iki didik bene Arik. 31 Utei gli nnɛ te ŋli vǝvǝn, atei zhɔ sak maa te Yesɔ. 32 atei yi Ner ŋgon atei na zhɔu te Izu Ŋgɔŋ ne gbarshu. Arik atei nǝgu mben yi ntsǝntsǝm amaa Doda, 33 fe atei gli ŋli kɛ Yakubu te gar klɛtu; ngɔŋ maa ba tei yi ne klɛ tu ba.>>

34 Meryamu arib ine shar ayou Arik te di, <<itei na kikin te tǝ amɛ>> <<te bam ne zhi lulum ba?>>

35 Ine shar ayou Arik a di Meryamu, <<Izhu tsetser itei yir bene bɔu, bene mgbyamgbyaŋ kɛ Ŋgɔŋ ne shu tei ku bɔbɔk. Amɛ utei ŋli ne tsetser te zhɔu te Izu Arik. 36 Te vuŋ Alisabɛtu ne nga ŋli min atei ŋli vǝvǝn ne ce maa, waŋ ndi ne di ba tena gli nnɛ azizaŋa ayi ne nnɛ ihwa tani. 37 Fe adi ikinuŋ ba naŋ Arik na ba.>>

38 <<Me yi gen ayou Arik,>> Meryamu adi. <<Duŋ lɛ mi bɛ yi amɛ.>> Fe ine shar ayou Arik aduŋu.