14 Nang marinig ni Abram na binihag ang kanyang pamangking si Lot, tinipon niya agad ang 318 niyang sanay na tauhan na ipinanganak sa kanyang sambahayan. Hinabol nila ang apat na hari hanggang sa Dan. 15 Kinagabihan, pinangkat ni Abram ang kanyang mga tauhan at nilusob nila ang mga kalaban, at natalo nila ang mga ito. Ang ibang nakatakas ay hinabol nila hanggang sa Hoba, sa hilaga ng Damasco. 16 Binawi nila ang lahat ng ari-ariang sinamsam ng mga kalaban. Binawi rin nila si Lot at ang mga ari-arian nito pati ang mga babae at ang iba pang mga tao.
18 Sumalubong din kay Abram si Haring Melquisedec ng Salem at pari ng Kataas-taasang Diyos na may dalang pagkain at inumin. 19 Binasbasan niya si Abram at sinabing:
"Nawaʼy pagpalain ka Abram ng Kataas-taasang Diyos
na lumikha ng langit at lupa.
20 Purihin ang Kataas-taasang Diyos
na nagbigay ng tagumpay sa iyo laban sa mga kaaway mo!"
Pagkatapos, binigyan ni Abram si Melquisedec ng ikasampung bahagi ng lahat ng nasamsam niya sa labanan.