4 Nao wan jampion blong ol man Filistia, nem blong hem Golaeat, we i blong taon ya Gat, hem i kamaot long ol haos tapolen blong olgeta, i kam stanap daon long levelples ya. Longfala blong man ya, klosap i kasem tri meta,
33 Be king i talem se, "!No, Deved! !Yu yu no naf nating! ?Bambae yu faet long hem olsem wanem? Man ya i soldia oltaem long laef blong hem, be yu yu wan yang boe nomo."
37 Hae God i stap blokemgud mi, blong ol laeon mo bea oli no spolem mi. Hem i sevem mi plante taem finis, mo bambae hem i blokemgud mi bakegen blong man ya bambae i no spolem mi. !Bambae hem i sevem mi yet ya!"
Nao king i talem se, "Oraet, yu go. Prea blong mi we Hae God bambae i stap wetem yu."
40 mo i tekem nalnal blong hem, i godaon long wan smol reva, i pikimap faef ston we oli raon gud, i putum long basket blong hem, nao i holem sling blong hem, i go blong faet long Golaeat.
45 Be Deved i singaot i go long hem se, "Yu yu kam blong faet long mi long tufala spia mo naef blong faet blong yu, be mi mi kam blong faet long yu long nem blong Hae God. Hem i God blong mifala, mo hem i gat olgeta paoa, be yu yu stap jikim ol soldia blong hem.
49 Nao Deved i pusum han i go long basket blong hem, i tekemaot wan ston, i putum long sling, nao i slingim i go long man ya. Ston ya i go faerap long fored blong Golaeat, mo i brekem bun blong hed blong hem, nao hem i foldaon, we fes blong hem i godaon long graon.