Deved i go stap wetem ol man Filistia
10 Nao Deved i aot long ples ya, i stap ronwe long King Sol, i go stap wetem King Akis blong taon ya Gat, long Filistia. 11 21.11: 1 Saml 18.7; 29.5Nao ol haeman blong king ya oli talem long hem se, "Hemia Deved ya we i king blong kantri blong hem. Hemia nao man ya we ol woman oli stap leftemap nem blong hem, oli stap danis, oli stap singsing se,
‘King Sol i kilim plante taosen man,
be Deved i kilim plante plante
taosen moa,
winim hem.’ "
12 21.12: Sam 56 Toktok ya blong olgeta i mekem Deved i fraet tumas long king ya. 13 21.13: Sam 34Nao taem we olgeta oli kam klosap long hem, hem i stap giagiaman se i krangke. Mo taem oli traem holem hem, hem i mekem olsem we i krangke tru. Hem i stap skrasem doa* blong bigfala stonwol blong taon ya long han blong hem, mo i stap mekem wota blong maot blong hem i rondaon long mustas blong hem. 14 Nao king i talem long ol haeman ya blong hem se, "!Yufala i luk! !Man ya i krangke ya! ?From wanem yufala i tekem hem i kam long mi? 15 !Mi mi gat plante krangke man finis long ples ya! ?From wanem yufala i tekem narawan bakegen i kam long haos blong mi, blong i stap spolem mi long krangke blong hem?"